mikudagur 31. oktober 2007síða 1

Bilblaðið oktober 2007 • 9 Peugeot hava seinnu árini gingið undan við sínum sermerkta og smarta designi, og nýggi Peugeot 207 SW er einki undantak. Eins og forgangarin er hesin nýggi bæði rúmligur og praktiskt innrættaður Síðan Peugeot 207 kom á marknaðin í fjør, er modellskáin víðkað við fleiri ymiskum útgávum, har tann seinasti er 207 SW, sum er stationcar útgávan av Peugeot 207. Allir nýggir Peugeot líkjast hvørjum øðrum og hava fingið sín heilt sermerkta designstíl. Hesin 207 SW líkist nógv tí størra Peugeot 407 SW, serliga aftan. Peugeot 207 SW er 12 cm longri enn hatchback útgávan, og samstundis er beinplássið við baksetrini eisini betri, eins og tey á baksetrinum sita hægri. Annars er aksilfrástøðan ikki broytt, og einasti munurin á koyrieginleikunum er, at SW er gjørdur til at lasta meira, og tí er fjaðraskipanin eitt sindur strammari og eisini meira sportlig. Innrættingin er liðilig og bilurin er sera praktiskur í allar mátar. Viðførisrúmið er 428 litrar, sum er 158 litrar størri enn á hatchback útgávuni. Rúmið er lætt atkomiligt, lessihæddin er lág, og rúturin í baklúkuni kann latast upp sjálvstøðugt. Peugeot 207 SW er eisini eyðkendur við stórum panorama-glastaki, sum gevur sera gott ljós inn í kabinuna, so bilurin kennist ljósur og stórur innan. 207 SW fæst við fimm ymiskum motorum, trimum bensin og tveimum diesel. Bensinmotorarnir eru: 1,4 við 75 hk, 1,4 við 95 hk og 1,6 við 120 hk og 1,6t við 174 hk (RC útgávan). Dieselmotorarnir eru: 1,6 HDI við 90 og 109 hk. Standard útgerðin umfatar allar tær vanligu trygdarskipanirnar sum t.d. ABS, ESP, EBD og AFU (neyðbremsuskipan), umframt at bilurin fæst við nógvari aðrari útgerð. Peugeot 207 SW fæst í útgávunum XR, XR Plus, S16 og RC, og bíligasta útgávan kostar 185.000 krónur. mg Samstundis sum Saab fylla 60 ár, koma teir við einum »nýggjum« Saab 9-3, sum hevur fingið eina sonevnda facelift. Bilurin er dagførdur við meira markantum designi og betri koyrieginleikum Saab er eitt bilmerki, sum ikki skiftir modell í tíð og ótíð, men teir dagføra sínar bilar við jøvnum millumbili, so teir altíð eru ”up to date” bæði hvat trygd, komforti og koyrieginleikum viðvíkur. Nú er so Saab 9-3 dagførdur við fleiri designbroytingum, samstundis sum undirvognurin er vorðin meira sportligur til frama fyri koyrieginleikarnar. Framman er nýggja modellið eyðkent av t.d. størri kølaragittari og rammum rundan um tokulyktirnar. Aftan eru eisini nakrar designbroytingar, eins og desinið sum heild er broytt. Bilurin líkist konseptbilinum Saab Aero X, sum fyrstu ferð var sýndur á bilaframsýningini í Genéve í fjør. Broytingarnar eru ikki einans uttan. 1,9 litra turbo dieselmotorurin sum fæst við ávikavist 120 og 150 hk, hevur nú eisini fingið tveir turboløðarar og 180 hk við einum snúningsmomenti upp á 400 Nm. Hesin er rættuliga kvikur, koyrir frá 0-100 km/t upp á 8,7 sekund. Annars fæst Saab 9-3 við bensinmotorum frá 122 hk til tann stóra V6 við 255 hk. Seinni í ár kemur Saab 9-3 við ein framkomnari 4x4 skipan (XWD-cross wheel drive) til útgávurnar Aero Sport Sedan og SportCombi. Saab 9-3 hevur hópin av innbygdum trygdarskipanum og er ein av heimsins tryggastu bilum. Bilurin fekk gullmedalju frá ”Insurance Institute for Highway Safety” í fjør, sum er hægsta viðurkenning fyri trygd í USA. Í sambandi við at tað í ár eru liðin 30 ár síðan Saab fyrstu ferð sýndu fram ein bil við turbo, hava teir gjørt ein nýggjan Saab 9-3 Turbo X við 2.8 litra V6 motori (280 hk), sum bert verður gjørdur í 2.000 eindum. Saab 9-3 fæst í nógvum ymiskum útgávum og kann bíleggjast eftir egnum ynski. Tann biligasti kostar 270.000 krónur. mg Pláss til familjuna og viðførið Saab 9-3 í nýggjum stíli Peugeot 207 SW er ein rúmligur og praktiskt innrættaður stationcar Saab 9-3 er nú dagførdur við meira markantum designi og betri koyrieginleikum