hósdagur 1. november 2007síða 30

30 Nr. 212 - 1. november 2007 Javnaðarmaðurin John Johannesen skrivar í bløðu­ num at danska grundlógin ikki longur skal verða gald­ andi í Føroyum, og fyri at ongin yvi skal verða, endur­ tekur hann tað á Rás 2. Partamaður hansara Krist­ ian Magnussen svarar aftur í útvarpinum, at hann ikki gongur inn fyri føroyskari grundlóg. Er tað tað sama sum, at javnarflokkurin ikki vil, at Føroyar skulu hava grundlóg í heila tikið? Hesin arbeiðsháttur er ein av ársøkunum til at eg havi valt, at stilla upp til fólkatingsvalið. Vit hava flokkar og einstaklingar í flokkum, sum koma við mótsigandi og ørkimlandi boðum um líkt og ólíkt so, at ein til tíðir ikki skilir hví teir eru í einum flokki. Men helst er tað taktikk­ ur aftanfyri. Taktikkur klek­ tur á danatingi fyri at føra fram á pall í Føroyum og grugga so mikið nógv, at fólk ikki vita hvat er upp ella niður. Móti hesum virkar Tjóð­ veldi sum ein klárur viti við greiðum málum og ætlanum har gjøgnum­ skygni er ein hornasteinur. Tjóðveldi vil við fólka­ atkvøðu samtykkja føroy­ ska grundlóg, ið ásetur stjórnarskipan Føroya, grundleggjandi rættindir og skyldur hjá øllum íbúgvum landsins. Loysa okkum frá gom­ lum forðingum og politisk­ um bondum. Hetta er greið tala og røddin er Tjóðveleldi. Ikki einstakir persónar sum helst við duldari ætlan grugga viðurskiftini. Men hvussu hongur hetta saman við, at vit vilja hava umboð á danating. Er tað nøkur meining í at sita har og lurta eftir donskum viðurskiftum og møguliga luttaka í donskum avgerðum. Eftir drúgvum royndum er svarið, so løgið tað ljóðar, ja. Tað er júst á danatingi at ávísir flokkar og umboð úr Føroyum fáa sær íblástur. Tað er júst har, at ætlanir verða lagdar av dønum fyri, at verða borð­ reiddar av føroysku umboð­ unum í Føroyum á ein slík­ an hátt, at fólk ikki rættu­ liga eru greið yvir hvat tað er tey hava gloypt fyrr enn bitin er svøldur. Tí er tað so umráðandi við tí óhefta umboðinum. Tí hava vit tørvin á tí frælsu føroysku røddini og tí skal okkara umboð fanga ótespuligar ætlanir longu í stoypiskeiðini áðrenn tær byrja, at gerða skaða um seg í Føroyum. Óhefta umboðið á danatingi Jákup petersen Val Tá ið Høgni Hoydal beit høvdið av allari skomm og bønaði og bað leiðsluna í Fólkatinginum um at víkja frá vanligari proceduru og viðurkenna seg og tveir grønlendingar sum ein sjálvstøðugan ”fólkatings­ bólk”, misti hann tað allar­ seinasta vetið av respekt millum danskar politikarar og journalistar. Teir tríggir norðuratlantisku snultar­ arnir hava síðani bara verið mettir sum óseriøsir pausu­ klovnar á Fólkatingi. Grønlendingar og føroy­ ingar hava einki til felags. Tað eru tvey samfeløg, sum socialt eru sum nátt og dagur. Harafturat eru vit beinharðir konkurrentar, og gamalt er, at man aldrin fraterniserar við konkurrentinum! Lisbeth Petersen vildi ikki vera við í hesi órímu­ ligu og ódámligu konstruk­ tión, og tað skal hon eiga bæði takk og virðing fyri! Tí óansæð hvat HH og grønlendingarnir royna at billa fólki inn, so vita tey flestu, at sanna endamálið við norðuratlantiska bidd­ arabólkinum var bara at pressa órímuligar penga­ upphæddir frá danska skattgjaldaranum, sum so kundu stúvast beint niður í teir pengagrammu kradd­ ararnar, Kleist, Hoydal og Lars Emil. Hesir tríggir fólkatingsbiddarar eru ann­ ars menn, sum í reypandi løtum gorra um sjálvbjarg­ ni og at standa á egnum beinum. Men teir flestu dansk­ arar, sum fylgja við í polit­ ikki kenna ta vitleysu konstruktiónina, sum norð­ uratlantiski grulvigarðurin er! Teir yppa øksl, rysta við høvdinum og hava djúpa vanvirðing fyri slíkum samvitskuleysum lukkuriddarum. Men eingin hampamaður vil hava nakað við henda nassarabólkin at gera. Arnfinnur Kallsberg fekk harafturímóti mikla virðing millum danskarar, tá ið hann noktaði at vilja vera við í biddara­ bólkinum. Politisk kúvending? Men nú hoyrast aðrir og óhugnaliga skurrandi tónar í valstríðnum. M.a. verður føroyski Javnadarflokkurin lagdur undir at vilja sleppa sær uppí biddarabólkin! Hetta hevði ikki bara verið ein háðan av tí danska skattgjaldaranum, men eisini eitt uppgerð við alla anstendigheit og øll socialdemokratisk ideal! Tað kann aldri sigast ov hvassliga, at hvørki feðgarnir Dam ella nakar annar javnaðarhøvdingi nakrantíð vildu acceptera eina so ússaliga neyðstødu sum at fara og fylkjast við politiskum mótstøðu­ monnum úr heilt øðrum flokkum fyri at ”nassa” sær til fíggjarligan og p.t. ómoralskan fyrimun. Slíkt er ómanslig kradding og ússalig bidding, sum social­ demokratar til allar tíðir mugu vanvirða og halda seg langt burtur frá. . Politikkur er ikki óvita­ spæl, men seriøst stríð, og tað stríðið skal sjálvandi stríðast við blonkum vápn­ um, ikki við fuski, snulting ella kraddaralyndi. Tað má tí her í evstu løtu verða gjørt javnaðarfólki greitt, at vit vilja aldrin vera at finna millum teir óseriøsu politisku óvitar­ nar, sum mynda norður­ atlantiska biddarabólkin. Vit vilja ikki halda danskar skattgjaldarar fyri spott, og vit vilja ikki brúka Fólkatingið sum politiskan grulvigarð. Tað hevði klætt leiðsluni í Javnaðarflokkinum at gjørt veljarunum púra greitt, at tað er eitt mark fyri, hvussu langt niður í køstin, man kann fara í politikki. Harniðri sum Høgni Hoydal og teir báðir grønlendingarnir liggja og fonglast, mugu socialdemokratar aldri verða at finna. Eingin, sum troystar sær niður í køstin hjá norðuratlantsrukkunum kann sleppa undan tí rama stankinum av populismu, machiavellistiskum makt­ misbrúki og ócharmerandi pengagrádigheit: Í løtuni fáa teir tríggir nassararnir tilsamans meira enn tvær milliónir útyvir tað, teir moralskt hava rætt til sum aðrir fólkatingslimir, og tað er bara tí, at teir hava verið og grátið fyri fólkatings­ leiðsluni og fingið dis­ pensatión, so tað kann fossa danskur eykapening­ ur niður í teirra botnleysu strembaramappur. Hetta er privati og høgnesiski norðuratlantiski ”blokk­ urin” – og tann blokkurin má ikki skerjast! Lat okkum javnaðarfólk leggja stóran sjógv til tey intrigantu og mannmink­ andi lokabrøgdini hjá okkara skammleysu norðuratlantisku charlata­ num! Næstu ferð tjóð­ veldisfólk fara at knarra um blokkniðurskurð, átti hesin norðuratlantiski biddarablokkur at verid heilt strikaður! Norðuratlantiski snultarabólkurin Kunngerð Vísandi til at fólkatingsval er útskrivað og verður týsdagin 13. november 2007, verður hervið kunngjørt, at veljarar greiða atkvøðu í samkomuhøll skúlans. Atkvøtt verður frá kl. 09.00 til kl. 20.00 ella so leingi, veljarar møta uttan steðg. Veljarar, ið hava rætt at nýta brævatkvøðu, kunnu greiða atkvøðu á býráðsskrivstovuni til og við leygardagin 10. november 2007 kl. 17.00. Tey, ið vegna sjúku ella vantandi førleika ikki kunnu koma á valstaðið, kunnu velja heima í seinasta lagi leygardagin 10. november 2007, men má boðað verða frá til býráðsskrivstovuna tlf. 373024 í seinasta lagið kl. 15.00 henda dagin. Valkort verða send øllum teimum, ið standa á vallistanum. Veljari, sum ikki fær valkort, ella fær valkort við villum í, eigur at venda sær til Býráðsskrivstovuna sum skjótast. Valstýrið í Vági Vágs Kommuna Reyði Krossur Føroya Lær 1. hjálp Skeið byrjar 18. nov. 2007 um undirtøkan er nóg stór. Kostnaður kr. 700,- Sí heimasíðuna www.redcross.fo Reyði Krossur Føroya redcross@redcross.fo Tlf. 283630 ella 317841 Tvey spennandi størv sum Ferðslusamskipari og Sølusamskipari eru leys at søkja á Strandfaraskip Landsins. Umsóknarfreistin er 8. novembur. Sí lýsingarnar á heimasíðu okkara www.ssl.fo Ferðslusamskipari og Sølusamskipari Virgar t. DalsgaarD