mikudagur 14. november 2007síða 20

20 Nr. 221 - 14. november 2007 tíðindi - Eg havi havt vald næstan alt mítt lív, og tað er einki mál í sær sjálvum. Tá eg fór upp í Miðflokkin, var tað ikki fyri at taka valdið í flokkinum, men fyri at bera míni sjónarmið fram, sigur Karsten Hansen, sum er ovfarin og ómetaliga fegin um tann stuðul, hann fekk á fólkatingsvalinum Fólkatingsval Vilmund Jacobsen vilmund@sosialurin.fo Karsten Hansen, sum í hes­ um valskeiðinum er farin úr Tjóðveldinum og upp í Mið­ flokkin, hevði eitt sera gott val á fólkatingsvalinum í gjár. – Eg hevði varhugan av, at eg fór at fáa ein ávísan stuðul, og eg tordi at seta nøsina upp ímóti eini 300­ 400 atkvøðum, um alt gekk væl. Men at eg fór at fáa heilar 717 atkvøður – ella tvífalt so nógv, sum vónir­ nar vóru – hevði eg slett ikki droymt um. Eg eri ovfarin, serstakliga fegin og takksamur um stuðulin, eg og Miðflokkurin hava fingið um landið. Størsta atkvøðutal, sum Karsten áður hevur fingið, var á seinasta løgtingsvali, tá talið var beint omanfyri tær 300. Formaðurin í Miðflokkin­ um, Jenis av Rana, fekk tiløsamans 279 atkvøður ella 438 atkvøður færri enn Karsten Hansen í fólkatings­ valinum í gjár. Eftir sannføring ­ Tá eg gjørdi av at fara úr Tjóðveldinum av eini ávís­ ari og kendari orsøk, var eg sannførdur um, at avgerðin var røtt. Eg fór ikki úr Tjóð­ veldinum og upp í Mið­ flokkin. Men tá eg var farin úr flokkinum, hugsaði eg um, hvat eg gjørdi best. Rættiliga skjótt sá eg, at mín avgerð í nevnda máli setti nøkur ting í ”røring” í fólkinum, og eg fór at ivast í, um eg gjørdi rætt við bara at pakka saman. Eg sá skjótt, at hesi míni sjónar­ mið, sum gjørdu, at eg tók avgerðina um at fara úr Tjóðveldinum, best kundu foreinast við sjónarmiðini hjá Miðflokkinum. Eg fór upp í flokkin og gjørdi av at taka ”kampin” upp, men tá hugsaði eg serliga um løg­ tingsvalið komandi. Karsten sigur, at hann hevur verið glaður hvønn einasta dag, hann hevur ver­ ið partur av Miðflokkinum. ­ Samstarvið hevur verið einastandandi, og eg má siga, at her hevur als eingin kuril verið í samstarvinum. Eg hevði eisini nógvar góð­ ar løtur í Tjóðveldinum, har eg havi mínar røtur, men sigi eg, at eingin kuril var á tráðnum, lúgvi eg. Ikki valdssjúkur Atkvøðuslúkurin sigur, at hann er ikki farin upp í Mið­ flokkin fyri at taka ræðið í flokkinum. ­ Nei, tað hevur als ikki verið í mínum tonkum. Eg havi havt vald næstan alt mítt lív, og tað er einki mál í sær sjálvum. Tá eg fór upp í Miðflokkin, var tað avgjørt ikki við tí í hyggju at taka valdið í flokkinum, men fyri at bera míni sjónarmið fram. Hann sigur, at tað verður landsfundur floksins, sum tekur avgerðina um, hvør verður formaður í Miðflokk­ inum í framtíðini. ­ Eg eri slett ikki ”svang­ ur” eftir at gerast formaður í flokkinum hóast dygga stuðulin, eg havi fingið, men fari at stríðast fyri teim­ um málum, sum eg standi fyri. Eg fari framhaldandi at fylgja míni samvitsku og vera trúgvur móti tí, eg havi sett mítt álit á. So, má polit­ isk telving um einstøk mál heldur koma í teirri røð, tey koma. Spurdur, um hann fram­ vegis er fullveldismaður, nú hann er vorðin atkvøðu­ slúkur í Miðflokkinum, sig­ ur Karsten Hansen avgjørd­ ur. ­ Ja, tað eri eg um ein háls, og her er einki broytt. Karsten hungrar ikki eftir valdi - Eg eri slett ikki ”svangur” eftir at gerast formaður í Miðflokkinum hóast dygga stuðulin, eg havi fingið, men fari at stríðast fyri teimum málum, sum eg standi fyri, sigur Karsten Hansen Val­ café í Miðla­ húsinum Fleiri politikarar og onnur áhugað leitaðu sær oman í Miðlahúsið valdagin