hósdagur 3. mai 2001síða 6

Nr. 84 - 3. mai 2001 11 gult11 cyan11 magenta11 svart11 10 Nr. 84 - 3. mai 2001 gult10 cyan10 magenta10 svart10 Stórslidnar útferðir, deiligt hotel, rimmar borðhald og dansur út á tann ljósa morgun fyri bíligan pening Jústinus Leivsson Eidesgaard Nú er longu tíð at fara at hugsa um barnagentuna, er gerandisdagurin við at ger- ast alt ov tristur av súrum pliktum og bíleggja sær pláss til eitt svalandi viku- skifti á Hotel Vágum. Langt burtur frá irriterandi mobiltelefonum og rúgvuni av óloystum uppgávum, sum helst verða óloystar drúgva tíð enn, men sum geva ringa samvitsku og tyngja dagliga. Starvsfólkið á Sosialin- um var ein túr á Hotel Vág- um seinasta vikuskifti. Vit høvdu keypt eina pakka- ferð, sum fevndi um flutn- ing til og úr meginøkinum, mat og uppihald, dans um kvøldið og útferðir. Og vit vóru ikki einsa- møll. Fleiri onnur høvdu fingið sama hugskot og ein fullsettur bilur stevndi úr Havnini beint fyri middag leygarmorgunin, ávegis til Vestmanna. Vit koyrdu fram við eystara munna á nýggja undirsjóvartunnlin- um, sum gjørdi hendan túr- in í bussinum eitt sindur sorgblídnan. Um stutta tíð, so verður tað so skjótt at fara vestur í Vágar, at ein merkir tað ikki. Føroyar gerast minni og minni fyri hvørt framstig, sum verður samtykt á samferðsluøkin- um og eg kann ikki lata vera við at hugsa. Fer betr- aða sambandið við Vágar at avtofta oynna, soleiðis sum tað hevur víst so so nógva aðrastaðir í landinum. Sam- ferðslunetið í Føroyum hevur ongantíð verið betri enn tað sama, men hóast tað, so vísa seinastu tølini frá Hagstovuni, at Havnir bara bólgnar, nú eru yvir 17.000 íbúgvar í Havn og fólkatalið bara fellir í útjað- araøkinum. Útferðir Vit standa í túninum á Hotel Vágum. Frískligt veður, turt, men onkur dropi er inn í millum. Kanska hevði tað verið enn betri um Sosialurin hevur tikið okkara privata veður- mann við. Men honum barst frá. Vit gera skjótt av, tí dag- urin styttist og áðrenn sjálvan stuttleikan á hotell- inum um kvøldið, skulu vit síggja vøkru Vágoynna. Tríggjar eru útferðirnar, ein út á Trælanýpuna, hetta perversa stað, har útslitnir trælir í gomlum døgum vóru stoyttir oman. Men náttúran og vágamenn í dag eiga ongan part í hesi døkku søgu. Trælanýpan og náttúran har í nánd og sera vøkur og hugnalig. Onnur ætla at taka seg niðan á Eggina fyri vestan í Sørvági, at skoða út yvir hesi prúðu fuglabjørg og skorar, sum hava vart Sør- vág í túsund oman á túsund av øldum og væl meira enn tað. Ferðalagið á Sosialinum ætlar sær til sjós, út at hyggja eftir prúða Tind- hólmi, sum vit annars van- liga bara síggja hjartkipt, tá vit flúgva inn yvir óunni- liga Sørvágsfjørð, tá hann er lágur í ættini og vit kenna at okkara seinastu tími er komin. Hóast hann er eystan í ættini og tað skuldi verið besta ætt í Vágunum, so stendur brim upp í lunda- landið vestantil á Tind- hólmi. Á Gud sum her er vakurt. Tað rekur upp í ætt- ina í Mykinesfjørði og har brýtur allastaðni. Fuglur er at síggja og havhesturin og ritan eru longu í berginum, tey síggj- ast betur enn svartfuglurin í øllum hesum svarta og dimmgrøna. Vit fara gjøgnum Draga- sund vesturum og tað er kønir menn í sigla. Holu- siglararnir úr Vestmanna við Silju og Barbaru vita hvat gera og ein staðkendur sørvingur, sum eg kenni sum stýrimann umborð á Maerskskipum, er við sum staðkendur. Siglingin er ógvuslig, men tað eru skila- menn sum stíla fyri og vit koma trygt fram, hóast tað rullar ikka onkra løtu, og onkur nýstur av berum ótta. Her eru fullveldismenn við, sum fegnast um Hav- borgina fríðu, føðilandi, sum er brimbart og veður- bitið og sum hevði verið uppaftur lekrari uttan donsk bond. Og so eru eis- ini sambandsmenn við, sum halda, at tað vit nú síggja, er eitt deiligt og nydeligt petti av danska kongaríkinum, sum henn- ara majestæt kann vera stolt av. Og so eru onnur, helst fjøldin, sum halda, at tað vit nú síggja bara er deiligt og einki annað og sum ikki seta tað tey síggja í sam- band við nakað annað, sum liggur langt uttanfyri føði- landið. Vit sigla kring Tindhólm koma inn í Pollin innanfyri Eiriksboga, har Vágamenn fyrr stungu grind niður. Her gongur ein fittur partur av góðu skaldsøguni hjá Heð- in Brú fyri seg og vit síggja teir fyri okkum og tann vælsignaða grind. Vit sigla eina løtu á Sør- vágsfirði, eru úti undir lendingini í Gásadali og stevna síðan heim aftur. 30 rættir Aftan á ein góðan lúr á hugnaliga hotelrúminum, er boðið til borðhald klokk- an sjey um kvøldið. Undir- ritaði hevði eina løtu áðr- enn roynd nýggja billiard- borðið í kjallaranum og gleddi seg til onkran dyst seinni. Sjálvtøkuborðið, sum stóð miðskeiðis í rúmun- um, bognaði av mati. Har var alt sum tú kundi hugsa tær. Eg eri av tí áskoðan, at tá ein syndar í mati, so skal ein synda stórt og fólk syndaðu, so tað brakaði eftir í. Tey svangastu høvdu fingið sær tvær reisur upp á tallerkin, áðrenn tey sein- astu sluppu fram at fyrstu ferð. Og tey stóðu nú og bíðaðu at sleppa framat triðju ferð. Men har var nakað at taka av, og hóast dúgliga var gingið upp til alt góð- gætið teir næstu tveir tím- arnar, so fjaraði ikki av. Tá so tíggju sløg av køkum skuldu leggja lok omaná, tá var hendan løtan fullkomin. Borðhaldið endaði við, at tú hoyrdi okkurt køvt rop og geisp og so mannaðu vit okkum upp til náttina. Um kvøldið var dansur við orkestrinum »All That Rain« og teir vóru deiligir. Náttin fór til dans, reyp, billiard og góðan vertskap, har fleiri vágafólk eisini høvdu leitað sær niðan á hotellið og prátið var hugnaligt. Ferðin endaði sunnu- morgunin við einum deilig- um morgunmati. Øll herlig- heitin kostaði 700 krónur fyri fólkið og eg ætli mær aftur einaferð seinni í ár at slappa av á Hotel Vágum og at ganga ein túr í hesi deiligu náttúru. Vit skylda okkum sjálvum at forkela okkum eitt sindur, ikki sannheit. Flott vikuskifti á Hotel Vágum “Barbara” hjá Skúvadalsmonnunum í Vestmanna í tungari aldu út fyri Dragasundi. Mynd: Jens Kr. Vang. Her stendur hann, Tindhólmur, lítið broyttur síðan Føroyar vóru bygdar í fyri góðum 1200 árum síðan. Hann hevur staðið her seinastu 50-60 milliónir av árum. Mynd: Jústinus Leivsson Eidesgaard Í Býin Mat- seðilin NÁTT- BUSSURIN hjá Øssuri Christiansen Leygarkvøldið: • Úr Vestmanna kl. 24 • Úr Tórshavn kl. 01 • Úr Vestmanna kl. 04 • Úr Tórshavn kl. 05 (Koyrt verður um Kvívík og Kollafjørð, tá fráboðan fyriliggur) Onnur kvøld kann koyrast eftir avtalu Tlf. 424254 Bussarnir: Tlf. 287752 • 286254 Við Sosialinum Í BÝIN