týsdagur 20. november 2007síða 23

23 tíðindi Nr. 225 - 20. november 2007 Fleiri hundrað stu­ dentaskúlanæmingar gingu kravgongu úr Hoydølum oman á Vaglið í morgun at mótmæla vánaligu hølisumstøðurnar í Studentaskúlanum Skúlamál Rigmor Dam Rigmor@sosialurin.fo Myndir: Ólavur Frederiksen Virðið framtíðina! Komið í gongd! Vit vilja liva! Hoydalar er out - vóru nøk- ur av slagorðunum á bann- arunum hjá studentaskúla- næmingunum, sum mót- mæltu vánaligu hølisum- støðunum í Hoydølum í morgun. Við rópara, skelt- um, bannarum, sirenum og trummum var ein øgiligur gangur av teimum hund- raðtals næmingunum, og allan vegin oman í býin, róptu tey slagorð og sungu slagsangir. Úrslit av verkætlan Mótmælisgongan er ein beinleiðis avleiðing, ella úrslit, av einari verkætlan í skúlanum hósdagin og fríggjadagin, har allir næm- ingar fingu til uppgávu at arbeiða við umstøðunum hjá skúlanum. Ein bólkur valdi at samskifta við polit- ikararnar og setti á stovn eina MySpace heimasíðu til uppgávuna. Næm- ingarnir í hesum bólkinum vóru eisini millum stig- takararnar til kravgonguna í morgun. Millum fyri- reikararnar vóru Sára Zachariasardóttir, Tjóðhild Patursson og Bárður Ísheim, sum eisini gingu á odda í kravgonguni. Arbeiðspláss hjá øllum Eisini lærararnir tóku undir við mótmælunum, umframt fyrrverandi rektarin Mads Andreas Winther, sum var biðin at flyta fram røðu á Spekers Corner undir tinghúsinum. Bergljót av Skarði hevur undirvíst í skúlanum í nógv ár, og staðfesti hon, at lærararnir taka hundrað prosent undir við næmingunum. - Skúlin hevur verið hopleyst forsømdur í nógv ár, og tað er gott at næm- ingarnir taka seg saman. Hetta er ikki bara teirra skúli, men eisini okkara arbeiðspláss, so vit stuðla teimum sjálvandi, segði Bergljót av Skarði, sum heldur at nummar eitt hevði verið at bygt ein nýggjan skúla á staðnum. Fram um fisk og betong “Er tað ókey”? var heitið á mótmælisgonguni. Og næm- ingarnir spurdu, um tað er ókey, at: - At verandi hølisviður- skifti á studentaskúlanum í Hoydølum eru gjørd út frá námsfrøðiligum hugsjón- um, sum eru meira enn 40 ára gamlar? - At tað í ár eru 10 ár liðin, síðani vit í Hoydølum fingu lovað ein nýggjan skúla. Men dagur dettur av degi, ár av ári, og onki hendir? - At ringar umstøður eru beinleiðis atvold til upp- sagnir hjá fyrrverandi skúlaleiðsluni í Hoydølum? - At ongin skipað lang- tíðarætlan er fyri studenta- skúlan í Hoydølum. Tað ein- asta, sum hendir er, at sjálvsøgd minimumskrøv verða uppfylt? - At tað í dag ganga 600 næmingar á einum skúla, ið var bygdur til 200? - At politikararnir í fleiri ár hava sagt seg vilja geva okkum betur umstøður, men at einki er hent enn? - At okkara skúli - grund- arsteinurin fyri víðari út- búgving hjá flest øllum føroyingum - er so slitin.” Næmingarnir søgdu eis- ini, at tey halda tað vera av størsta týdningi at vísa politikarunum, at tey ikki góðtaka núverandi umstøð- urnar; at betong, vegir og fiskur, verður raðfest hægri enn Føroya ungdómur - Føroya framtíð. Orðið var frítt Á Vaglinum fluttu millum annað næmingar og fyriskiparar fram røður, og uppi við Tinghúsið komu politikararnir kropp á kroppi út at lýða á næm- ingarnar. Genturnar frá ungdómssendingini Pink býttu út slikkupinnar, eisini til tey fólkavaldu. Tá røð- urnar vóru av hildnar, var róparin fríur, og var onkur politikari so djarvur at taka orðið móti østu manna- múgvuni. Millum annað kunnu vit nevna Kára P. Højgaard, Marjus Dam, John Johannesen og Heidi Petersen. Eisini landsstýris- maðurin í skúlamálum, Jóg- van á Lakjuni, tók orðið, og greiddi næmingunum frá, at 270 milliónir krónur eru settar av til miðnámsskúla- økið hetta valskeiðið. Men at málið um Studentaskúl- an er strandað vegna innan- hýsis ósemjur í samgong- uni. Men, eins og allir hinir politikararnir lovaði hann, at sleppur hann at ráða í komandi samgongu, verður skúlin raðfestur fremst. Ikki tað síðsta Í øllum rokinum á Vagli- num, fingu vit orð á Sáru Zachariasardóttir, ið sum sagt var millum stigtakar- arnar. Hon segði seg vóna, at mótmælisgongan fær politikarnar at vakna. - Men eitt er vist, hetta er ikki tað síðsta, sum tit hoyra til okkara, staðfesti hon avgjørd. Studentar á barrikadunum Studentaskúlanæmingarnir gera seg til reiðar at fara oman í býin Bannarar og skelti vórðu gjørt til høvið Ein øgiligur gangur av rópara, sirenum, slagorðum og trummum Bilarnir sluppu ikki framvið, tá ið næmingarnir fóru omaneftir