hósdagur 22. november 2007síða 9

9 tíðindi Nr. 227 - 22. november 2007 Fáa sild inni við land Íslendsk skip, sum hava fiskað sild á firðunum á Vesturlandinum, hava roynt óvanliga nær landi, tí sildin stendur so innarlaga. Eitt nú hevur sildin staðið inni á Grundarfirði, og nú skriva íslendsk bløð, at á Breiðafirði stendur sildin eisini heilt inni við land. Í vikuni mátti eitt skip biðja um loðs fyri at koma á fiskileið, tí sildin stóð so innarlaga. Skiparar hava eisini kært seg um, at reiðskapurin hevur fingið skaða, tí teir royna so nær landi. Fleiri ferðast til Íslands Altjóða flogvøllurin í Keflavík fær altsamt størri týdning fyri ferðafólkaflutningin millum Ísland og umheimin. Hagtølini vísa, at tíggju teir fyrstu mánaðirnar í ár komu 413.000 ferðafólk til Íslands um vøllin í Keflavík, og er tað 15 prosent fleiri enn somu mánaðir í fjør. Í oktober var talið 6,5 prosent størri enn í oktober í 2006. Hagtølini vísa, at ferðafólkastreymurin úr flestu londum er í vøkstri, og at fólk nú eisini ferðast um várið og um heystið. P/f Thomson er eitt felag, sum útflytir feskar fiskavørur úr Føroyum. Felagið er dóttirfelag hjá Thom­ son International í Scrabster. Nú um dagarnar hevði hval­ biartrolarin Sjaga­ klettur eina sera góða upsasølu hjá hesum felag Fiskivinna Vilmund Jacobsen vilmund@sosialurin.fo Tað er áhugavert, tá ið vinn­ an letur okkum frætta um góðar sólskinssøgur. Soleið­ is var nú um dagarnar, tá ið vit frættu frá Ludvík Justin­ ussen hjá P/F Thomson. Eins og Ludvig setti seg í samband við okkum, eru aðrir/ og onnur vælkomin at gera tað sama, tá okkurt áhugavert rørist í vinnuni. ­ Leygardagin var djúp­ vatnstrolarin Sjagaklettur úr Hvalba hjá okkum í Scrabster. Meginparturin av veiðini var upsi, stívliga 136.000 pund. Skipið hevði umleið 16.000 pund av hvít­ um fiski aftrat upsanum. Óhoyrdur prísur Ludvík sigur, at Sjagaklettur hevði eina sera góða upsasølu. Nettoprísurin fyri upsan var nevniliga 9 krón­ ur fyri kilo. Hetta má sigast at vera framúr prísur fyri eina heila last av upsa. ­ Eg veit ikki um líknandi prísir fyri eina heila last av upsa, hvørki í Føroyum ella Scrabster, og tí má henda sølan hjá Sjagakletti sigast at vera serstakliga góð. Ludvík Justinussen sigur, at samlaða søluvirði hjá hvalbiartrolaranum hendan túrin var stívliga 800.000 krónur, ið er ein sera góður túrur eftir fýra dagar roynd. Hvør er Thomson? Vit kunnu leggja aftrat, at P/F Thomson er eitt felag sum útflytir feskar fiskavør­ ur úr Føroyum. Felagið er dóttirfelag hjá Thomson International, sum liggur í Scrabster. Thomson International tekur sær serliga av at landa og selja lastirnar hjá føroykum skipum. Sjagaklettur sera góða sølu Sjagaklettur fekk 9 krónur netto fyri kilo av upsa í Scrabster. Tað er sera góður prísur. Skipið fiskaði í fýra dagar og seldi fyri meira enn 800.000 krónur tilsamans Mynd: Vilmund Jacobsen Í vikuni hevur Land­ ingarmiðstøð Føroya í Klaksvík landað fleiri skip, og fleiri línuskip koma eisini inn at landa í morgin. – Hetta kemur ótrú­ liga væl við, sigur landingarformaðurin Fiskivinna Vilmund Jacobsen vilmund@sosialurin.fo Nú kann av røttum sigast, at tað bragdaði ordiliga aft­ ur í Klaksvík. Tað hevur ver­ ið heldur slakt við landing­ um í seinastuni. Fiski­ skapurin hevur verið lakur, bæði hjá ísfiskatrolarum og línuskipum. Men nú er líkt til, at batar eru at hóma. Meira fiskur kemur upp á land, og fiskaprísirnir eru framvegis góðir – um enn teir eru eitt sindur skift­ andi. Í morgun landar línu­ skipið Ågot umleið 90.000 pund, sum teir hava fingið á Íslandsrygginum. Eini 80% av veiðini er toskur, og rest­ in er ein blandingur av øðr­ um fiskasløgum, har blá­ longan helst telir mest. Hetta er ein góður túrur hjá Ågot. Teir seldu um upp­ boðssluna í gjár, og samlaða søluvirði var yvir eina miljón krónur. Fiskaprísirnir vóru heldur lakari í gjár enn í fyrradagin, men kortini hevði Ågot eina góða sølu. Ågot hevur havt einar 11­ 12 setur á hesum túrinum. Í morgun liggur eisini línuskipið Froya og landar. Teir hava eini 65.000­ 70.000 pund, sum teir hava fingið á djúpum vatni undir Føroyum. Ein stórur partur av veiðini er longa og brosma. Froya hevur havt einar 9 setur. Ísfiskatrolararnir, Nón­ hamar og Fjalshamar, land­ aðu eisini í Klaksvík fyrr í vikuni. Teir hava ikki verið langan túr, men vóru at kalla fullir. Hjá øðrum skipinum var okkurt í ólagi við maskinar­ ínum, men nú er í lagi aftur, og væntandi loysa skipini hvørja løtu. Aðrir bátar, sum Landing­ armiðstøð Føroya hevur landað hesa vikuna, eru trol­ báturin Varðin, snelluskipið Havsbrún og línuskipið Skørin. Í morgin koma fleiri línuskip inn at landa. ­ Vit vænta Polarstjørnuna, Helenu, Grana, Fugltúgvuna og ísfiskatrolararnar Safir og Smaragd. At gongd nú tykist vera komin á aftur, kemur ótrúliga væl við hjá okkum øllum, sum eru tengd at fiskivinnuni her norðuri, sigur landingarfor­ maðurin, Pól Fuglø. Nú bragdaði aftur í Klaksvík Ågot hevur gjørt ein góðan túr. Teir hava verið á Íslandsrygginum, har 80% av veiðini hevur verið toskur. Í gjár seldi Ågot fyri meira enn eina miljón. Tað er ófør søla Mynd: Vilmund Jacobsen