hósdagur 22. november 2007síða 35

35 [ Nr. 227 - 22. november 2007 ] Føroyska U21- landsliðið spældi ein sera góðan dyst á Tórsvølli. Men tað eydnaðist italiu- monnunum at skora mál 10 minuttir fyri leiklok, og harvið nærum tryggjað sær víðari luttøku í U-21 kappingini FÓTBÓLTUR Niels Petersen niels@sosialurin.fo Evnaríka føroyska U21 landsliðið spældi ein góðan dyst móti Italia á Tórsvølli í dag. Tó vóru tað italiumenn, sum móti endanum fóru við sigrinum, tá Nicola Pozzi úr Empoli FC, stútaði eitt horna í málið handan Gunn­ ar Nielsen, eftir vællagt innlegg úr vinstra borði. Tætt við nakrar ferðir Júst føroyski málverjin Gunnar Nielsen, úr enska Premier League felagnum Blackburn Rovers, spældi ein branddyst við fleiri meistarligum bjargingum. Sigast má eisini, at italiu­ menn brendu fleiri upplagd­ ar málmøguleikar í dysti­ num. Teir løgdu stórt trýst á okkara, og kundu havt lagt seg á odda nakrar ferðir í dystinum. Frustreraðir Italiumenn Italiumenn gjørdu tað ikki lættari fyri seg sjálvar, tá verjuleikarin Fabiano San­ tacroce varð vístur av vølli fyri eina hevndaratsókn móti Gudmundi Nielsen, eftir at hesin hevði argað Italiumenn nakrar ferðir við sínum frekleika og sínari fisiskari styrki. Við einum manni í yvir­ skoti eydnaðist tað føroyska liðinum at koma fram til fleiri málmøguleikar, tó uttan at fáa í netið. Ungu føroyingarnir vóru nær við nakrar ferðir, har bert sentimetrar manglaðu í, fyri at fáa bóltin í net­ meskurnar. Tá støðan tóktist at gerast 0­0 og føroyingar enn vardu sum úlvur á skóg, vóru tíðulig tekin um frustratiónir á ungu Italsku stjørnunum, ið ikki fingu álopsspælið á bera frukt. Italiumenn fram­ du fleiri útskiftingar, og tá bragdaði, tí tá 10 minuttir írestaðu av dystinum, kundi Nicola Pozzi, ið júst varð skiftur inn, skora sigurs­ málið. Málið, ið væl tryggja italska liðnum víðari luttøku í evropameistara­ kappingini fyri U21 lið, hóast undankappingin bert er hálvrunnin. Minni munur Tað var ikki so stórur munur á, ið tað kanska kundi hug­ sast, at tað fór at vera, tá ið føroyska U21 landsliðið, tíðliga seinnapartin, spældi á Tórsvølli ímóti Italia. Føroysku venjararnir, Heðin Askham og Bill Jacobsen, høvdu gjørt onk­ rar broytingar eftir stórtapið leygardagin ímóti Albania. Eitt nú var Jónas T. Næs nýggjur í miðverjuni, og Pætur Jørgensen var á høgra vongverja, og Kristoffur Jacobsen var komin við aftur á verjukenda mið­ vallarplássið. Haðani spæl­ di hann saman við hinum ungu monnunum ein framúr dyst móti komandi heims­ stjørnum. Føroyska liðið Føroyska liðið hevur bert tveir dystir eftir at spæla. Báðir eru á útivølli í sep­ tember 2008. 6. september er dysturin móti Aser­ badjan, og 10. september verður seinasti dysturin spældur í Grikkalandi. Byrjunaruppstillingin hjá føroyska liðnum mikudagin var: Gunnar Nielsen ­ Pætur Jørgensen Jónas T. Næs, Svenn F. Jacobsen, Jóhan V. Gunnarsson ­ Kristoffur Jacobsen ­ Magnus Olsen (Poul N. Poulsen, 85.), Bogi Løkin, Ólavur í Ólavsstovu, Emil N. Leifsson (Ásbjørn V. Gunnarsson, 85.) ­ Gudmundur Nielsen (And­ reas Lava Olsen, 65.) Eitt megnar avrik Italski U21-hópurin og møguligu komandi heimsstjørnurnar: Málmenn: Enrico Alfonso, Internazionale FC Andrea Consigli, Rimini Calcio Salvatore Sirigu, US Cremonese Verjuleikarar: Donenico Criscito, Juventus FC Lorenzo de Silvestri, SS Lazio Lino Marzoratti, Empoli FC Marco Motta, Torino FC Marco Rossi, Parma FC Fabiano Santacroce, Brascia Calsio Miðvallaleikarar: Francesco Bolzoni, Internazionale FC Luca Cigarini, Parma FC Paolo de Caglie, Siena AC Sebastian Giovinco, Empoli FC Claurdio Marchisio, Empoli FC Piermario Morosini, Vicenza Calcio Gabriele Paonessa, US Avellino Andrea Russotto, FC Treviso 1993 Áloyparar: Robert Acquafresca, Cagliari Calcio Alessio Carci, Pica Calcio Pablo Daniel Osvaldo, Fiorentina ACF Nicola Pozzi, Empoli, FC FAKTA Jóhan V. Gunnarson í hornatøkum við vinsta vongspælaran hjá Italiumonnum Jóhan V. Gunnarson megnar at fáa bóltin av vandaleið, meðan Svenn F. Jacobsen hyggur spentur eftir, hvussu leikur fer fram Svøríki er í endaspælinum Sviar vórru saman við heimligu pressuni á gosi í gjárkvøldið. Svøríki tryggjaði sær í gjárkvøldið atgongumerki til EM­endaspælið, hóast teir høvdu eitt sindur av trupulleikum við at vinna á Letlandi. Svøríki verður einasta norðurland í EM­endaspælinum komandi kappingarár. Hetta gjørdist greitt í gjárkvøld, tá ið teir vunnu 2­1 heima ímóti Letlandi. Svøríki legði sera bragdliga fyri, og legði seg longu á odda 1­0 eftir 34 sekund, við máli frá Marcus Allbäck. Jurijs Laizans javnaði fyri Letland í 26. minutti, meðan Kim Källström skoraði sigursmálið 12 minuttir eftir steðgin, ­ sum vera man til stóra frøi fyri teir 26.128 uppmøttu áskoðararnar á Råsunda­leikvøllinum.Sostatt verður Svøríki einasta norðurlendska land, ið verður at síggja í Eysturríki og Schweiz í summar, so teirra fjepparaskarði í norðurlondum verður ivaleyst almikil. Annars vóru øll norðurlond í dysti í gjárkvøldið, og av teimum vunnu Noreg, Danmark og Svøríki, Finnland fekk javnt og Føroyar og Ísland taptu sínar dystir.