fríggjadagur 23. november 2007síða 2

Vikuskifti 2 klumman umborð Nr. 228 • 23. november 2007 Keðiligir politikarar  Valstríðið til fólkatingsvalið  var tannleyst og moðið. Har  var einki lív í. Triðji hvør veljari  sat heima, tí tey vóru ikki nóg  motiverað at fara á val. Onkur  fór ikki á fólkatingsval av  prinsippielum grundum, eisini tí  hesin ikki helt tað verða serliga G-nialt. Tað rennur nokk  nógvur Gøtusandur ígjøgnum  tímaglasið, áðrenn hesin fer  á eitt fólkatingsval. Eingin  spenningur kom í valið,  fyrr enn ein telduvirus hjá  Kringvarpinum fór at gera um  seg. Um teir fara at brúka  hesa somu teldu til at skriva  út lurtara- og hyggjaragjøldini  kundi tað hent seg, at tað vóru  fleiri, sum ikki verða tald við.  Onkur situr kanska og vónar?  Men hvussu er og ikki, skeiva  samanteljingin fekk kortini fleiri  av okkum upp úr stólinum. Vit,  sum skiftu kanal hvørja ferð  ein deyðligur veljarafundur  var á onkrari rás, áðrenn  valið. Vit sum næstan vóru  sovnaði valkvøldið, vaknaðu nú  brádliga! Sambandsflokkurin  var sendur til teljing, men tað  bleiv kortini Fólkaflokkurin, sum  bleiv knockout-aður í síðsta  enda. Sambært telduni hjá  kringvarpinum hevði Alfred  Olsen ikki eingong atkvøtt  fyri sær sjálvum á Toftum,  tíansheldur nakar av teimum  yvir 300, sum høvdu atkvøtt fyri  honum á Toftum til seinasta  løgtingsval. Ein sensasjón uttan  sín líka.  Fyri nøkrum mánaðum  síðani hendi nakað, sum var  oyðileggjandi fyri fólksliga  áhuganum fyri politikki. Nógv  fólk – óansæð politiskan lit  – høvdu glett seg til tiltakið  hjá FS Vágum 2004, har ein  stuttligur politikkari úr hvørjum  flokki skuldi lívga fólkið eina  løtu við góðum skemtisøgum.  Men “tann sum einki (FS)  vágar, hann einki vinnur!”. Teir  6 politisku flokkarnir høvdu  ein gyltan møguleika at vinna  oyrini hjá veljaranum, og FS  Vágar at vinna nøkur oyru.  Men fólkið fekk eina oyrafiku.  Tiltakið varð avlýst, tí eingin  vildi verið Føroya Stuttligasti  Politikkari. Litleyst og moðið,  eins og farna valstríð. Valstríðið  til hetta valið var meiri ein  kapping um hvør var Føroya  keðiligasta politikari. Vendi  gongdini tit fólkavaldu! Verið  eisini teir fólkakæru! Sitið ikki  heima tá FS Vágar hevur góð,  fólkslig tiltøk! Heri Simonsen heri@sosialurin.fo Á seinasta túri við línuskipinum Froyu vóru teir bert 10 mans, men sambært skiparanum, Jógvan Paula í Kongsstovu, riggaði hetta hampi­ liga væl, tí teir megin­ partin av tíðini royndu á djúpum, har ikki er setandi í myrkri fyri lús og ormi Línuskipið Froya landaði á Kósini  hósmorgunin. Teir høvdu umleið  70.000 pund á tilsamans 9  setum. Einki rok, men heldur ikki  vánaligt.  Skipari á Froyu hendan túrin  var haraldsundsmaðurin, Jógvan  Pauli í Kongsstovu, og hann hevur  verið skipari bæði við gomlu  Froyu og hesi nýggju Froyu, sum  kom til landið fyrst í hesum  árinum. Jógvan Pauli og Petur Gilbert  Gullaksen, sum býr í Kollafirði,  skiftast um at føra skipið. Teir eru  tveir túrar umborð og ein í landi. Bæði Jógvan Pauli og Petur  Gilbert eiga part í skipinum, og  umframt teir eru Símun Michael  Zachariassen, sum eisini er  navigatørur og Hans Jacob  Vitalis, sum er maskinmeistari og  býr á Viðareiði, eisini parteigarar. - Vit eru allir fýra við skipinum,  sigur Jógvan Pauli. Aðrir eigarar í Froyu eru JFK- Trol, Klaksvíkar Sleipistøð og  Norðoyagrunnurin. Útgerðarmaður er Tórleif  Sigurðsson. Vanliga eru 14 mans við einum  línuskipi av somu stødd sum  Froya, men hendan túrin, sum júst  er liðugur, vóru teir bert 10 mans. - Tað er ikki tann stóri trupul- leikin at skaffa ein mann, tá  maður vantar í, men tá fýra menn  vanta í fullum manningartali, er  tað ikki so lætt. Onkur hevur verið á trygdar- skeiði, og einir 2-3 av manningini  hava ligið sjúkir. Jógvan Pauli í Kongsstovu  sigur, at teir kortini kláraðu tað  væl hendan túrin. - Vit royndu á djúpum eysturi  í Holinum, og vit vóru eisini á  Sandoyarbankanum. Tá ið roynt  verður á djúpum, nyttar so lítið  at seta í myrkri. Eysturi í Holinum  nyttar einki at seta, fyrr enn tað  er vorðið ljóst, men á leiðini, vit  royndu á Sandoyarbankanum,  kundi tú seta, áðrenn tað lýsti. Hann vísir á, at minni lína  verður drigin á djúpum vatni, og  tí er ikki eins neyðugt við fullum  manningartali. - Haraftrat kemur so, at royndin  í myrkri er minni, og tí verður  eisini minni gjørt einar 4-5 tímar  á døgninum enn vanligt, leggur  hann aftrat. Skiparin sigur, at hóast  manningin kann fáa væl burtur úr  ein slíkan túr, um fiskiskapur og  prísir eru í lagi, eru skipini dýr og  krevja nógv. Sølan av veiðini hendan túrin  var ikki so góð, sum teir høvdu  vónað. - Longan fall rættiliga fitt í  prísi, og tá hetta var ein so stórur  partur av samlaðu veiðini, fingu  vit væl minni fyri lastina, enn  vit høvdu vónað. Vit væntaðu at  selja fyri umleið 510.000 krónur,  men seldu í staðin fyri 450.000  krónur, sigur Jógvan Pauli.  Hann fegnast annars um, at  fiskiskapurin hjá línubátunum  er batnaður og heldur, at útlitini  tykjast heldur bjartari nú, enn tey  hava verið. - Men tíðin er eisini við okkum.  Tað mugu vit ikki gloyma, leggur  hann aftrat. Jógvan Pauli í Kongsstovu  sigur, at Froya er eitt gott skip.  Hon er stytri enn gamla Froya,  men breiðari og rúmligari. - Hetta er eitt nýggjari skip,  bygt í 1988, og apeteringin er  soleiðis nógv betur enn umborð á  gamla skipinum. Vit keyptu skipið  í desember í fjør. Síðan skuldu  nøkur krøv uppfyllast, tí krøvini til  brúkt skip, sum koma í flotan, eru  tey somu sum til nýggj skip. Hetta  arbeiði varð gjørt í Hirtshals,  og í januar fingu vit so skipið  heim til Føroya. Froya kann í dag  sammetast við eitt nýtt skip. Jógvan Pauli sigur, at skipið  hevur eisini frystilast, og í  summar vóru teir í Grønlandi  og frystu inn fyri Atlantic Prime  Production, sum er felagið, ið JFK  eigur í har yviri. - Vit tóku ímóti fiski frá bátum,  sum veiddu inni á firðunum,  avhøvdaðu, pakkaðu og frystu  fiskin fyri felagið. Hann sigur, at 8 dagsverk vóru  umborð á Froyu í senn, og menn  vóru tveir mánaðir umborð og ein  í landi – við løn. - Fiskurin varð landaður í  Julianehåb, har hann fór í bingjur  og haðani til Kina. Froya var í Grønlandi frá  seinast í mai til hálvan august. - Línuveiða roynist einki serligt  undir Føroyum um summarið, so  hetta mundi loysa seg líka so  gott, sum at vera á ísfiski her  heima, sigur skiparin, Jógvan  Pauli í Kongsstovu. Sær frægari út við fiski Umborð Vilmund Jacobsen blaðmaður vilmund@sosialurin.fo Jógvan Pauli í Kongs­ stovu í skiparastólinum umborð á Froyu seinna­ partin hósdagin. – Fiski­ skapurin er batnaður, og útlitini eru frægari, enn tey hava verið, heldur hann Mynd: Vilmund Jacobsen