mánadagur 26. november 2007síða 20

20 Nr. 229 - 26. november 2007 tíðindi Við hátíðarliga gudstænastu í gjár varð Jógvan Fríðriksson vígdur sum nýggi biskupur Føroya. – Eg fari at leggja stóran dent á at samskifta við øll, sum hava við kirkjuna at gera, sigur Jógvan, sum hevur sín fyrsta arbeiðsdag 1. desember Bispavígsla Snorri Brend snorri@sosialurin.fo Myndir: Jens Kr. Vang Dómkirkjan: Stórsligið var hátíðarhaldið, tá fyrsti biskupurin í nýggju føroysku kirkjuni varð vígdur seinnapartin í gjár. Gestir úr Norðurlondum, kirkjuligir myndugleikar, kirkju­ ráðslimir og onnur vístu nýggja biskupi tann heiður at luttaka við gudstænastuna. Tey, sum ikki høvdu høvið til hetta, kundu fylgja við gudstæn­ astuni beinleiðis í sjónvarpi og útvarpi, og kundu soleiðis gerast vitni til hesa stórhendingina. Í dag er mánadagur, og nýggi bispur byrjar so smátt at skifta starv og bústað – frá at hava verið sóknarprestur á Gjaranesi til eina nýggja tilveru sum biskupur Føroya við heimstaði í Havn. ­ Eg fari at flyta inn í Bispa­ garðin millum jóla og nýggjár, sigur Jógvan Fríðriksson við Sosialin. EIN fólkakirkja við fráv Bispaembætið Biskupurin er geistliga háyvirvaldið í stiftinum. Hann hevur eftirlitið við prestunum og kirkjuráðunum í stiftinum. Biskupurin gevur prestunum loyvisbræv (kollats) at virka sum prestar, og eingin kann gerast prestur í fólkakirkjuni uttan loyvisbræv frá biskupi. Hann skal eisini síggja til, at próstar og prestar í tænastu síni halda seg til trúarjáttan evangelisk- luthersku fólkakirkjunnar, og at teir fylgja fyriskipaðu gudstænastuskipan og ritualum fólkakirkjunnar. Kirkjuliga lóggávan letur í ein vissan mun biskupinum upp í hendur at taka avgerðir í ávísum málum. Tað er litið biskupinum til at skipa alla prestatænastuna í stiftinum. Í ávísum førum gevur lóggávan biskupinum myndugleika at geva undantaksloyvi, eitt nú hvat fyriskipanini um konfirmatión viðvíkur. Biskupurin er í ávísum førum eisini kærumyndugleiki; til dømis skulu kærur um kirkjuráðsval fyrst leggjast fyri biskupin. (Kelda: folkakirkjan.fo) Bispakápan liggur klár: Fráfarandi biskupur Hans J. Joensen vígir tann nýggja, Jógvan Fríðriksson