mánadagur 26. november 2007síða 27

[ Nr. 229 - 26. november 2007 ] Serliga seinni lands­ dysturin móti ís­ lendsku U21­kvinn­ unum sýndi góðar taktir. Men okkara megnaðu ikki at halda høvdið kalt, tá mest stóð á Hondbóltur Jákup Mørk jakup@sosialurin.fo Eitt misnýtt brotskast, og mest sum blackout í 6 móti 4 yvirtalsstøðu. Hetta kost­ aði føroyska kvinnulands­ liðnum dýrt, tá tær spældu seinna landsdystin móti íslendska U21­liðnum. Tá brotskastið varð mis­ nýtt, stóð 23­22 á talvuni, og Ísland hevði júst fingið aðru útvísingina á rað. Simona Hansen traðkaði tó ov langt fram, tá hon sendi bóltin í meksarnar, og ístað­ in vann Ísland seg upp 24­ 23. Ein støða, ið tó ikki helt sær, tá Simona langaði sein­ asta bóltin í kassan til enda­ liga úrslitið. So hóast hitastigini í nýggju og vøkru høllini í Klaksvík mest líktist kulda­ stigum, so megnaðu okkara altso ikki at halda høvdinum kalt, tá mest stóð á. Sakna bakkar Meira enn úrslitið, so var tó áhugavert at síggja, í hvønn mun føroyska liðið hevur ment seg. Grundarlagið fyri slíkari sammeting er kanska dekan ov tunt, tá uppgávur­ nar hava verið ógvuliga fáar og spjaddar. Men nakrir positivir tendensir vóru avgjørt at hóma. Ikki minst var hugaligt at síggja, hvussu væl okkara megnaðu at dekka offensivt í samfullar 60 minuttir. Hetta krevur sjálvandi nógva orku, men við at rotera millum spælararnar, fekst hetta at rigga væl, tó at konsentratiónin í løtum hevði hug at svíkja. Og hugaligt var tað eisini at staðfesta, at tað hóast eru onkrir bakkar við góðari skotstyrki. Júst bakkplássini hava ofta verið nevnd sum ein trupulleiki hjá Føroyum, tí útlendsku spælararnir mest sum hava patent upp á hesi í feløgunum. Men av­ rikið hjá Duritu Christoffer­ sen vísti, at her stendur nú ikki heilt so illa til. Simona Hansen er nú spælarin við drúgvastu royndunum á plássinum, og á síðulinjuni er eisini ein Rebekka Justinussen, sum væl og virðiliga hevur skotstyrkina, sum skal til. Hinvegin er støðan ikki eins góð á vinstra bakki. Sjálvandi var tað ikki nummar eitt, at Annika Ljósstein mátti geva avboð til dystirnar hesaferð, og hon vildi verið uppløgd á plássinum. Men tað er spell, at landsliðsvenjarin í longum løtum noyðist at brúka Joan M. Djordjevic á bakkplássinum. Hetta megnaði hon tó hampuliga væl, men fleiri ferðir sýndu rennibanarnir, at hon er miðspælari burturav. Her er ein loysn møguliga ávegis, nú Stjørnan arbeiðir við at fáa føroyskt pass til Simonu Petersen. Men tað skerst ikki burtur, at tá vinstri bakkur hjá teimum fýra ovastu feløgunum verð­ ur upptikin av útlendskum profili, so verður truplari hjá teimum føroysku spælar­ unum at etablera seg á pláss­ inum. Rammur mugu skapast Arbeiðið við kvinnulands­ liðnum hevur verið eitt sind­ ur on og off seinastu 7­8 árini, men ætlanin er so, at hetta nú skal koma í eina fastari legu. Eftir dystin staðfesti venj­ arin, Sophus Dal­Christian­ sen, at ætlanin er at hava fýra fastar aktivitetir um árið, soleiðis at spælararnir alla tíðina høvdu nakað at arbeiða fram ímóti. Hvørjir hesir aktivitetir skulu verða, er tó ikki fastlagt. – Menning krevur, at spælararnir støðugt fáa avbjóðingar. Eitt gott dømi er væl endin av dystinum í dag, har spælararnir ikki eru nóg kaldar, tá vit hava møguleikan at avgera dyst­ in. Tað er nakað, sum bert kann venjast við at spælar­ arnir fáa neyðugu royndir­ nar, helt Sophus. Ein møguleiki er sjálvandi Challenge Trophy­kapping­ in, har Føroyar tvær ferðir hava tikið lut, men í løtuni er hetta ikki avgjørt. ­ Vit bíða fyrst og fremst eftir, hvør avgerðin hjá EHF verður um hetta. Er leisturin tann sami, sum hann var seinast, so er lítil menning í at senda okkara sterkastu kvinnur avstað, sigur Kristian Johansen, for­ maður í HSF. Hann sigur, at endaliga avgerðin um formin, sum kappingin verður skipað eftir, verður tikin í desemb­ er, og tá fer HSF so at gera av, um talan eisini verður um føroyska luttøku – møgu­ liga eisini vertsskap. Vóru klárari ­ Stóri munurin á dyst­ inum í gjár og í dag var, at vit hesa ferð vóru klár­ ar frá fyrsta bríksli. Sjálv­ andi fingu vit eisini broytt nakað um spælið, tí vit sóu, at tað riggaði væl at verja offensivt móti teimum. Soleiðis segði Joan Midjord Djordjevic, tá vit eftir dystin sunnudag­ in spurdu hana, hvør stóri munurin á teimum báðum dystunum var. Tit fara eitt sindur nið­ ur í tempo í løtum. Var tað ov tungt at verja so­ mikið offensivt? ­ Tað var tungt í øllum førum. Tað krevur jú nógv meira renning, og so verður tað strævið. Og hóast føroyska lið­ ið móti dystarenda misti takið, tá dysturin skuldi avgerast, so vóru bæði Joan og liðfelagarnir munandi betri nøgdar um dystin sunnudagin. ­ Tað er einki at ivast í. Sjálvandi er tað keðiligt, at vit kiksa har í endan­ um. Men sum heild gjørdu vit færri mistøk, enn vit gjørdu í gjár, og vit spæla ein nógv betri dyst. So vit eru rættiliga væl nøgdar um avrikið hesaferð, helt hon. -mørk Lokalir leikarar GÍ hevur gjørt avtalur við tríggjar av sínum egnu spælarunum. Eini spælarin kemur heimaftur eftir eitt ár í øðrum felag. Ársins leikari í GÍ farna kappingaár Sam Jacobsen heldur fram í felagnum, og tað ger Símun Louis Jacobsen eisini. Harafturat fáa teir Hanus Jacobsen aftur í hópin, eftir at Hanus seinasta árið hevur roynt seg í AB. Leirvíkingar á felagslið GÍ og LÍF hava lagt síni bestu fótbóltslið saman, og nú sæst ein avleiðing av hesum. GÍ/LÍF hevur nevniliga gjørt sáttmála við tríggjar leirvíkingar fyri næsta kappingarár. Magnus Skoralíð skifti longu í summar til GÍ at spæla, og nú fara eisini Andreas Lava Olsen og Sølvi Vatnhamar at royna seg í Formulahópinum hjá felagsliðnum. Umframt leirvíkingarnar hevur GÍ/LÍF eisini gjørt avtalu við unga álopsspælaran Finnur Justinussen. Føroyar-Ísland 17-22 (10-14) 10 min: 2-7 20 min: 6-9 40 min: 11-16 50 min: 16-19 Málskjúttar Føroyar: Durita Christoffersen 6(1), Fríða Marjunardóttir 4(1), Simona Hansen 3(1), Ninna Kristin Johansen 1, Joan Midjord Djordjevic 1, Ása á Neystabø 1, Unn Kragesteen 1 Ísland: Stella Sigurðardóttir 5, Kristin Collins 5, Karin Káradóttir 3, Sanna Jónsdóttir 3, Hildur Tórgeirsdóttir 2(2), Ester Oskarsdóttir 1, Arna Erlingsdóttir 1, Svinna Maria Einarsdóttir 1, Rebekka Skúladóttir 1 Brotskøst: Føroyar 3, Ísland 2 Útvísingar: Føroyar 1, Ísland 1 Dómarar: Sámal Paulason & Kári Hansen Føroyar-Ísland 24-24 (11-12) 10 min: 3-5 20 min: 7-8 40 min: 16-15 50 min: 19-21 Málskjúttar Føroyar: Durita Christoffersen 5(1), Ása á Neystabø 5, Joan Midjord Djordjevic 4, Simona Hansen 4, Una Olsen 3, Fríða Marjunardóttir 2, Anja Heinadóttir 1 Ísland: Hildur Tórgeirsdóttir 7(3), Kristin Collins 7, Stella Sigurðadóttir 5, Rebekka Skúladóttir 3, Svinna Maria Einarsdóttir 2 Brotskøst: Føroyar 3, Ísland 4 Útvísingar: Føroyar 1, Ísland 2 Dómarar: Rúni Mohr & Ragnar Simonsen FAKTA Durita Christoffersen var besti málskjúttin í báðum dystunum móti íslandi. Og við hesum prógvaði hon, at hon kann bera byrðuna sum fyrsta val á høgra bakki Mynd: Álvur Haraldsen Ikki nóg kaldar 27