mikudagur 28. november 2007síða 16

16 Nr. 231 - 28. november 2007 tíðindi - Vit hava nógv at læra, men vit kunnu eisini fáa nógv burturúr atlimaskapinum í FAO, sigur løgmaður AltjóðA sAmstArv Áki Bertholdsen aki@sosialurin.fo Føroyingar hava nógv at læra, hvat ið altjóða sam­ starvi viðvíkur. Men vit kunnu eisini fáa stórt gagn burtur úr tí stóra arbeiðnum, sum verður gjørt í FAO til frama fyri burðardyggari matvøruframleiðslu. Tað segði Jóannes Eides­ gaard, løgmaður í takkar­ røðu síni, tá ið Føroyar fingu atlimaskap í altjóða matvørufelagsskapinum undir ST. Løgmaður fegnast um atlimaskapin, sum fer at geva Føroyum ein virknan leiklut innan altjóða fiski­ vinnusamstarv. Harafturat gevur atlima­ skapurin møguleikar fyri menningarvirksemi og sam­ starv í sambandi við menn­ ingarhjálp. ­ Í FAO kunnu Føroyar koma við royndum og ser­ kunnleika innan fiskuvinnu og aling, og harafturat gagn­ nýta og læra av holla virk­ seminum hjá FAO. Hann segði, at atlima­ skapurin í FAO er ein varði í Føroya søgu og føroyingar vóru spentir eftir at taka virknan leiklut í arbeiðnum í felagsskapinum. At vera beinleiðis uppi í hesum arbeiðnum, fer at styrkja okkum, bæði um­ sitingarliga og vinnuliga í arbeiðnum fram ímóti tí felags málinum. ­ Við einum búskapi, sum í høvuðsheitum er bundin at fiskivinnu og alivinnu, eru føroyingar fullgreiðir yvir týdningin at styrkja okkara førleika til at átaka okkum tær avbjóðingar, sum alheimsgerðin og veð­ urlagsbroytingarnar áleggja okkum. Eisini Vinnuhúsið fegnast um atlimaskapin. ­ Bera vit okkum rætt at. Kann hetta fáa stóran týdn­ ing fyri Føroyar sum mat­ vøruútflytara, sigur Vinnu­ húsið á heimasíðu síni. Sagt verður, at atlima­ skapurin ger tað gjørligt at fáa ávirkan á tey mál, sum eru á dagsskrá í FAO og í ávísan mun at eisini at seta mál á dagsskrá. Men skulu vit fáa nyttu av hesum limaskapi, er tað av alstórum týdningi, at vit brúka bæði politiska, umsit­ ingarliga og vinnuliga orku til at gagnnýta limaskapin og teir møguleikar, hann ber í sær, til fulnar. ­ Vit mugu seta neyðuga tíð og orku av til at fyrireika okkum til tey mál, sum eru á skránni í FAO. Vinnuhúsið heldur eisini, at tað hevur týdning, at før­ oyingar eisini halda seg framat, tá ið størv verða lýst í FAO. Stimbra vit før­ oyingum at fáa sær royndir í arbeiði á altjóða stovnum, kunnu teir eisini bera vitan heimaftur við sær og sostatt gera okkum betri før fyri at arbeiða miðvíst á hesum øki. Sita til borðs við teimum stóru Í Rom nýtti Bjørn Kalsø høvi til at heilsa uppá stjóran á fiskivinnudeildini hjá FAO, Ichiro Nomura. Hann er væl kunnugur við Føroyar, eisini frá fyrrverandi starvi sínum í heimlandinum, Japan, har hann hevur umboðað Japan í IWC, tunfiskafelagsskapinum ICCAT og øðrum millumlanda samstarvi um fiskiveiðu Løgmaður, íslendski fiskimálaráðharrin Einar Kristinn Guðfinnsson og Bjørn Kalsø Føroyingarnir undir Flaghátíðarhaldinum eru: Jonhard Eliasen frá sendistovuni í Brússel, Kate Sanderson frá Fiski­ málaráðnum, løgmaður, Bjørn Kalsø og Kaj P. Mortensen, serfrøðingur á Løgmansskrivstovuni Jacques Diouf, aðalstjóri í FAO, ynskir løgmanni tillukku, undir liðini á honum er formaðurin fyri FAO­ fundin, Carlos Vallejo López úr Ekvador, sum handaði honum Merkið Løgmaður hjálpir til at vinda Merkið í húnarhátt Frá ráðsfundinum hjá FAO