fríggjadagur 30. november 2007síða 18

18 Nr. 233 - 30. november 2007 Sunnudagin 25. november fylti ein væ­lkendur skopuningur 80 ár. Salli Lognberg er sonur Sommer og Sannu, sum var úr Havn, fødd Justinussen. Salli er giftur við Juttu, sum er æ­ttað úr Húsavík. Serliga minnist eg tíðina tá vit vóru børn, hvussu gott tað var at koma inn til Juttu og Salli, har var altíð borðreitt fyri okkum børnum. Vit føldu okkum altíð væ­l at koma inn til Juttu og Salli, tí tey vóru sera góð við børn, so tað var neyvan dagur at vit ikki vóru inni og vitjaðu. Omman og abbin búðu í einum parti av húsinum, so har í hús­ inum vóru altíð nógv børn. Vit føldu okkum altíð væ­lkomin. Salli hevur verið og er ein sera virk­ in maður, Salli hevur verið av raskastu monnum bæ­ði á sjógvi og landi. Ikki eru havhesta byrðarnar fáar, ið hann hevur borið úr bakkanum. Jú Salli var hvørja løtu, sum hann kundi, við stongini. So um kvøldið bleiv skoldað, tá kundi vera nógv fólk, sum skoldaðu við. Stuttligt er at hoyra Salli siga frá bakkaferðum. Sum frásøgumaður er hann av teimum bestu, hann hevur tað ikki frá fremmandum. Tæ­r løtur tá okkurt serligt var, til dømis føðingardagar, sat man antin við spílaðum oyrum ella í skellilátri, tá Salli og ikki minst abb­ in søgdu frá ymiskum til gaman og álvara. Tað hevði verið dýrgripur at átt, um hetta var fest á band. Salli hevur verið virkin á sjónum síðan hann sum 15 ára gamal, fór við »Borglyn« sín fyrsta túr. Salli sigldi eisini við »Borgini«, sum Torvald Hjelm átti og førdi. Salli var av bestu fiskimonnum við snøru, tá var tað sjálvdráttur og var hann altíð ímillum teir bestu og best at fiska. Ùtróðurin í Ravn Stóroy royndi hann eisini við »Fiskakletti«, sum systursonur hansara, Sommer Winther var formaður á. Tað tíðina tá skopuningar róðu út í Ravnsoynni var nakað serligt, tá hesir vøkru bátarnir fóru siglandi út úr havnini flaggskrýdd­ ir á veg til Grønlands. Og komu so aft­ ur um heystið, so vakrir sum svanar siglandi inn í havnina. Jú, hesir før­ oyskt bygdu bátar, sum nú fæ­kkast í tali, eru eitt sera føroyskt handverk, sum vit politikarar eiga at vísa virðing og stuðla, soleiðis at hetta handverk ikki fæ­r mønustingin. Salli er enn virkin á sjónum, við bátinum hjá sæ­r »Hemarin«, nú hann er fyltur 80 ár. Í ’69 keypti hann »Haraberg« sum var 30 tons, saman við beiggja sínum Ásmund Lognberg, Tórolv Poulsen, Eyðun Poulsen, Herman Winther og Ádvald Juul. Teir drivu tann bátin í nógv ár og fiskaðu væ­l. Salli var motorpassari á »Haraberg« øll árini. Tá teir seldu »Haraberg« mitt í 80’unum, keypti Salli glastrevjabátin »Hemarin«, sum hann róði nógv út við línu um vetrarnar. Smádreingir engdu í skúrinum. Sum onkur hevur sagt so beinrakið, at egningarskúrarnir vóru universitetini úti á bygdunum. Um so er, ja so hava verið og eru nógv av slíkum her í bygdini. Jú satt er tað at hesir menn, sum hava haft sín arbeiðsdag í bátunum, hava alt mang­ an ungling til mans. Jú vit minnast virksemi á keiini fyri nøkrum árum síðani, allir skúrarnir vóru fullir av smádreingjum og eldri monnum, sum engdu. Dreingirnir komu úr skúlanum, taskan kom sum eitt lyn inn í gangin og síðan var kósin sett oman á keiina. Ofta var ilska inn á hesar dreingir, tí skúlating vóru forsømd, men atlíkavæ­l tá man hugsar um hesar dreingir, so eru teir komnir væ­l framm, væ­lskúlaðir við góðum úrslitum, so universitetini á keiini, ímillum sild og høgguslokk og fløktar stampar, hava givið nakað har hesir tilkomnu menn terpaðu sína vitan í hesar dreingir, sum vóru partvís grundarlag undir útróðrinum. Nú er Salli farin um tey áttati, men sigast má, at hesin aldur sæ­st ikki á honum, sum rør út tá líkindi eru, og annars luttekur í øllum viðurskiftum her á landi, poltiskt hevur hann sína sannføring og í missiónshúsinum er hann virkin. Góðu tit, Jutta, Hendrik, Karina og abbabørnini hjartaliga tillukku við pápanum, verpápanum og abbanum. Og enn einaferð hjartaliga tillukkku og Guds signing í komandi døgum. Salli Lognberg 80 ár Tann 1. desember, verður pápi okkara 70 ár. Í tí sambandinum havi eg hug at hyggja eitt sindur aftureftir, eftir tí, hesin megnar maður hevur fingið av skafti, nú hann rundar tey sjeyti. Pápi er elstur av fýra systkjum og gjørdist hann faðirleysur sum 10 ára gamalur. Foreldur hansara vóru Oluffa Samson Joensen, æ­tt­ að av Strondum og Petur Hans Samson Joensen úr Gerðum í Klaksvík, pápin doyði fyri 60 árum síðani og mamman í 1996. Smá vóru korini tá í tíðini, men tey hava klára sítt alla tíðina og hava svarað hvørjum sítt. Hetta hevur hann læ­rt nógv av og tað er hetta, ið alla tíðina hevur ligið fremst í huganum hjá pápa og tað er at klára seg sjálvan. Sigur man Jógvan á Høvdanum, so sigur man eisini Klaksvíkar Timburhandil. Har arbeiddi hann í yvir 50 ár og er tað hansara verk, at Klaksvíkar Timburhandil gjrdist ein av teim størstu timbur­ handlunum í Føroyum. Hann hevur verið tann, sum hevur stýrt øll árini, bæ­ði í góðum og ringum tíðum. Við hansara vitan innan byggivinnuna, hevur hann megna at givið Norðoyingum byggitilfar av bestu góðsku. Hann gekk ógvu­ liga høgt uppí, at góðskan skuldi vera í lagi og at Klaksvíkar Timb­ urhandil skuldi hava so stórt úrval av vørum sum gjørligt. Tikið var mangan til orðafellið tá leitað var eftir einhvørjum, sum ikki fekst í øðrum handlum, so “fæ­r norður á Varpið, tí teir hava tað heilt sikkurt”. Í 1994 eydnaðist tað okkum at keypa Klaksvíkar Timburhandil og tað má vera ein tann størsti dagurin í lívinum hjá pápa. Nógv stóð á monnum, ti nógv stóð uppá spæ­l. Timburhandilin hevur altíð verið eitt arbeiðispláss hjá familj­ uni, og bleiv hann stongdur, kundi tað fáa óbøtandi skaða fyri familj­ una. Tíðirnar vóru sera ringar í Føroyum júst tá og arbeiðsloysið var stórt. Vit fundaðust í húsunum hjá Advokatfelagnum við Ósa­ skúlan og eftir drúgvar samráð­ ingar við peningastovnarnar, JFK og sakførarar, eydnaðist tað okk­ um at fáa fatur á Timburhandlinum. Minnist væ­l, tá ið sakførarin Jógvan Páll Lassen segði, at nú, tá ið tit fara út higani, so kunnu tit kallað tykkum eigarar av Klaksvíkar Timburhandli, nakað, pápi hevði droymt um alt sítt lív og tað týdningarmesta, at hann fekk bjarga sínari familju og arbeiðisfólkunum. Í 1995 fekk pápi ein blóðtøpp í hjartað, tað tók hart uppá hann, men stríðsviljan hevur hann altíð havt góðan og tað eydnaðist hon­ um at vinna seg upp aftur. Pápi er perfektionist, har alt skal passa uppá millimetrar. Hann er sera dugnaligur í hondunum og tað sum hann hevur gjørt, kann ongin seta ein fingur á aftaná. Hann hevur hjálpt okkum børnun­ um við húsum okkara og húsini á Helnabrekku hevur hann bæ­ði tekna og hevur staðið fyri allari byggingini. Tína hjálp eru vit øll tæ­r takksom fyri. Pápi hevur altíð havt nógvar góðar vinir. Næ­stan hvønn sunnu­ dag spæ­lir hann krokk í skúlagarð­ inum og har hevur hann havt nógvar góðar løtur. Hann gongur sera høgt uppí bátarnar hjá sæ­r, har hann ígjøgnum árið pjøssar um teir og nakrar túrar um árið, verður eisini farið á flot. Í kjallara­ num hevur hann eitt hobbyrúm, har hann gerð modellskip, horn­ prýðislutir o.a., har fara nógvir tímar um vikuna. Privat hevur tú altíð bjóðað tað besta fram, tá ið tit hava havt gest­ ir og øll, sum eru komin á gátt í Jørundsgøtu hava kent seg sum heima. Tykkara heim hevur altíð verið opið fyri øllum og har hava mong sitið væ­l. Til seinast vil eg minna á, at “aftanfyri ein góðan mann, er altíð ein góð kona”, tí uttan henn­ ara hjálp og stuðul, so vart tú neyvan komin so langt, sum tú ert komin ídag. Hon er heimsins besta mamma og hevur hon altíð tikið familjuna framum alt annað. Takk fyri tað mamma. Við hesum orðum vilja vit ynskja tæ­r tillukku við 70 ára føð­ ingardegnum. Tæ­r og mammu verður ynskt alt tað besta í fram­ tíðini. Samstundis verður sagt frá, at pápi heldur føðingardagin saman við familjuni í Århus. Tillukku pápi frá okkum systkinunum. Símun á Høvdanum. Jógvan á Høvdanum 70 ár Stórt jólatiltak verð­ ur í Billardhúsinum í Vági sunnudagin, har alskyns lutir og góðgæti eru at til sølu, umframt at livandi tónleikur og ymisk spøl, so sum lutaseðlasøla og meksikansk uppboðs­ søla eru á skránni Jólatiltak Dagfinn Olsen dagfinn@sosialurin.fo Sunnudagin 2. desember verður stórur jólamarknað­ ur við árasølu, lutaseðlasølu og meksikanskari uppboðs­ sølu í Billardhúsinum í Vági. Nógvir góður vinningar eru at vinna t.d. flogferðir, lamb, gás, kalvi, fartele­ fon, olja, gávurkort og mangt annað. Á jólamarknaðinum verð­ ur eisini sølubúð við jóla­ prýði, góðgæ­ti, køkum og øðrum heimagjørdum. Hjalmar Magnussen stend­ ur á odda, tá livandi tónleik­ ur eisini verður á skránni, og vitjandi kunnu keypa sæ­r eplaskivur og gløgg ella kaffi og rís alamande. Jólamarknaðurin, sum 7.a og 7.b í Vágs Skúla skipa fyri, letur upp kl. 17.00 sunnudagin í Billard­ húsinum í Vági. Stórt jólatiltak í Vági nøvn