mánadagur 3. desember 2007síða 7

7 tíðindi Nr. 234 - 3. desember 2007 Fólk við gikt hugna sær Giktafelagið hevur hugnakvøld í MBF húsinum í kvøld, mánakvøldið. Hugnakvøldið byrjar klokkan 19.30 og tá fer Eva M. Holm, sjúkrarøktarfrøðingur, at greiða frá um giktaheiluvág og aftaná svarar hon spurningum um evnið. Men jólamánaður er og tí bjóðar Giktafelagið ein drekkamunn, gløgg og holukøkur. Tiltakið er alment. Landsstýrismaðurin í almanna-og heilsu- málum skilir púra onki av, at pensjón- istar nú knappliga ikki longur skulu fáa avsláttur, tá ið teir ferðast við tyrluni hjá Atlantsflogi og hann fer nú at kann málið til botns Pensjónistar Áki Bertholdsen aki@sosialurin.fo - Hetta góðtaki ikki uttan víðari og tí má tað kannast til botns. Hans Pauli Strøm, lands- stýrismaður í almanna og heilsumálum, skilir púra onki av, hví pensjónistar nú knappliga hava mist avslátt- urin, sum tey í nógv ár hava fingið, tá ið tey hava ferðast við tyrluni hjá Atlantsflogi. Hetta kanst tú lesa um í aðr- ari grein í Sosialinum í dag. Hann sigur, at hetta er ikki eitt mál, sum Almanna- stovan hevur havt ávirkan á, tí hetta er eitt stig, sum Atlantsflog hevur tikið av sínum eintingum. Men í fyrstu syftu er hann ikki sinnaður at góðtaka frá- greiðingina frá Atlantsflogi. - Hatta takið eg ikki fyri góða vøru, sum landið ligg- ur nú og tí fari eg beinanveg- in mánamorgunin at seta fólk í umsitingini á málið og at fáa tað kannað til botns. Hann skilir ikki, hví einskiljingin av Atlantsflogi skal hava kostað pensjónist- unum avslátturin við tyrluni. - Tað fái eg illa at passa og fyribils taki eg hatta ikki sum eitt nøktandi svar, sigur hann. Sær ongan samanhang Hann staðfestir, at tað er ikki meiri enn ein triðingur av Atlantsflogi, sum er ein- skildur og tí heldur hann fyribils, at tað er óskiljandi, at hetta skal kosta pensjón- istunum avsláttur. - Eg fái ongan samanhang í, hvussu spurningurin um at einskilja ein triðing av Atlantsflogi kann hava sam- band við, at pensjónistarnir missa avslátturin. Hann sigur, at í sambandi við at málið verður kannað, fer hann eisini at ringja til landsstýrismannin í vinnu- málum, sum umsitur Atlants- flog og biðja hann fáa greiði á, hvussu einskiljing kann rættvísgera, at pensjónistar- nir missa avslátturin. - Vit mugu fyrst fáa eina grundgeving frá Atlantsflogi og tá ið vit hava fingið hana, verður hon løgd fyri lands- stýrismannin í vinnumálum fyri at vita, hvat talan er um. - Møguliga liggur ein haldgóð frágreiðing krógvað onkustaðni, men so mugu vit fáa hana undan kavi, men fyri- bils eri eg ikki sinnaður at góðtaka avgerðina um at taka avslátturin frá pensjónistun- um, sigur Hans Pauli Strøm Hann ásannar, at avsláttur- in við tyrluni hevur sera stór- an týdning fyri pensjónistar- nar á útoyggj, tí hjá nógvum av teimum er tyrlan álitið. - Á útoyggj er nógv eldri fólk, so hetta rakar tey ómeta- liga meint, sigur Hans Pauli Strøm. – Hetta má kannast til botns Serliga eru pen- sjónistar á útoyggj hart raktir. Eftir øllum at døma er tað einskiljingin av Atlantsflogi, sum nú gevur pensjónistum ein frammaná Pensjónistar Áki Bertholdsen aki@sosialurin.fo Í nógv ár hevur ein skipan verið galdandi, har pensjón- istar fáa 50% í avsláttri, tá ið teir ferðast við Strand- ferðsluni, Bygdaleiðum og tyrluni hjá Atlantsflogi. Sum prógv um, at teir hava rætt at ferðast fyri hálv- an prís, hava pensjónistarnar fingið sendandi avsláttarkort frá Almannastovuni, sum teir skulu vísa fram, hvørja ferð, teir keypa ferðaseðil á einum skipi hjá Strandferðsl- uni, einum bussi hjá Bygda- leiðum ella við tyrluni. Nú um dagarnar hava pensjónistarnir aftur fingið nýtt avsláttarkort sendandi og tað hevur fingið nógvar pensjónistar at undrast. Tað, sum serliga hevur ørkymlað teir, er, at nú stend- ur bara á kortinum, at tað gev- ur 50% í avsláttri Frá Strand- ferðsluni og Bygdaleiðum. Hinvegin er tað strikað út við svartari tussj, at tey eisini hava fáa til avsláttur við tyrluni. Tað er rættiliga dýrt at ferðast við tyrluni, aftur- ímóti við Strandferðsluni og bygdaleiðum og tí er hetta nakað, sum rakar pen- sjónistar rættiliga meint. Serliga rakar hetta pensón- istar á útoyggj hart. Á út- oyggjunum er vanliga mynd- in tann, at har er stór yvirvág av eldri fólki og pensjónist- um. Samstundis hevur tyrlan ógvuliga stóran týdning fyri ferðasambandi hjá útoyggj við meginøkið, tí ferða- mannaskipini sigla sjáldan, eru lítil og ofta er veðrið ótespuligt. Tað hevur gingið strilti at finna útav, hví pensjónistar- nir nú brádliga hava mist avslátturin við tyrluni. Men tað, vit fyribils hava fingið uppspurt, er, at tað er Atlantsflog, sum av sínum eintingum hevur tikið avslátt- urin av og hevur givið Al- mannastovuni boð um hetta. Almannastovan hevur so borið boðini víðari til pensjónistarnar og hevur sent teimum nýtt asvláttar- kort, har tað er strikað út, at tey eisini hava rætt til avsláttur við Atlantsflogi. Tað, vit hava fingið at vita, er, at frágreiðingin, sum Atlantsflog hevur uppgivið, er tann, at nú felagið er einskilt, ber ikki til at hava eina slíka avsláttarskipan. Taka avsláttur frá pensjónistum Nú um dagarnar fingu pensjónistar nýtt avsláttarkort frá Almannastovuni, men feitari tussj er strikað út, at tey eisini hava rætt til avsláttur, tá ið tey ferðast við tyrluni hjá Atlantsflogi. Serliga rakar hetta pensjónistar á útoyggjunum hart Hans Pauli Strøm sigur, at fyribils góðtekur hann ikki frágreiðingina um, hví pensjónistarnir nú knappliga ikki longur sleppa at flúgva bíliga við tyrluni hjá Atlantsflogi og hann vil hava málið kannað til botns Samstarva um tyrlur Norsku og íslendsku myndugleikarnir hava skrivað undir ein samstarvssáttmála, sum millum annað sigur, at tey bæði londini skulu í felag virka fyri at finna bjargingar- tyrlur, sum egna seg best til tørvin hjá londunum báðum. Endamálið við samstarvinum er at tryggja, at bjargingar- tænastan á havleiðini millum Noreg og Ísland er so góð og trygg, sum til ber. Tey bæði londini ætla sær eisini at samstarva beinleiðis, tá tað snýr seg um at keypa tyrlur.