týsdagur 4. desember 2007síða 33

Nr. 235 - 4. desember 2007 33 Nú Norðurlendsku Junior Meistarakapp­ ingin er liðug á hesum sinni, er tíð komin til at taka samanum og at meta um úrtøkan var góð, og um vit eru á røttum palli SVIMJING Niels Petersen niels@sosialurin.fo Okkara svimjarar eru ikki meira enn komnir úr hylin­ um, nú vit taka samanum, og meta um hvussu úrtøkan hevur verið, og tá verður ikki einans hugsað um heiðursmerkir. Menning Jón Bjarnason, venjari hjá SuSvim, er sum vera man, serstakliga nøgdur við úrslitið hjá Páli, ið hann venur dagliga, og hann ivast ikki í, at vit framhaldandi eiga at senda okkara ungu svimjarar út í slíkar stór­ kappingar, har tey mennast almikið og læra, hvat krevst, fyri at gera seg galdandi á hesum støði, og hvat krevst, til tess at koma enn longur. ­ Úti í feløgunum eiga vit at leggja dent á at fáa góðar og royndir venjarar, sum arbeiða miðvíst við at menna føroyska svimjiung­ dómin, og alla tíðina hava fingurin á pulsinum. Hvat fyri tørv, hvør einstakur svimjari hevur, og hvat krevst fyri at koma enn longur, sigur venjarin hjá Páli í SuSvim, Jón Bjarna­ son. Danski leisturin Michael Hinge, høvuðsvenj­ ari hjá danska Junior lands­ liðnum, ið eisini hevur lut­ tikið í NJM í Havn, sigur at fyri at føroyskir svimjarar eiga at venja nógv meira, og meiri miðvíst. Sum er, sigur hann, at tað bert er Pál, ið venur nóg nógv, og á rættan hátt. Hann vil sjálvandi pro­ klamera danskan svimji­ ítrótt, so hann mælti til at føroyskir svimjarar komu til donsk feløg at fáa røttu venjingina og fyri at menna seg á ein nøktandi hátt. ­ Føroysku svimjararnar mugu venja minst 75 tímar um vikuna á ”rættan hátt”, og tey mugu venja undir nøktandi umstøðum, og tað hava tit ikki her í Føroyum. Tit hava ongan langbana (blaðm. 50 m), og bara tað setur longu ein øðiligan stoppara fyri víðari menn­ ing, sigur Michael Hinge, danskur høvuðsvenjari hjá juniorum. Svenski leisturin Svøríki hevur í nógv ár verið ein svimjitjóð á hægsta internationala støði. Teir hava lagt seg eftir, með­ an svimjararnar enn eru blaðungir, at venja miðvíst við teimum. Tað verið seg bæði kroppsliga, mentala og kostrelateraða venjing, ið so eisini hevur givið sera góða úrtøku. Svøríki vann eisini samlaðu NJM kapp­ ingina frammanfyri Dan­ mark og Finland. Føroyar endaðu á fjórða plássi. Anders Bladh, høvuðs­ venjarin hjá Svenska Junior landsliðnum sigur at hans­ ara svimjarar eru í absolutt­ um toppformi, og at tað er neyðugt, um man skal gera seg galdandi á hesum støði. ­ Svimjararnar, vit hava við okkum hava øll til fel­ ags, at tey eru í absoluttum toppformi, og tey hava arbeitt øðiliga hart til at náa hetta, og tað hava tey veru­ liga uppiborið. Samstundis vil eg siga at vit hava fleiri svimjarar heima eftir í Svøríki, ið eru á nógv hægri tekniskum støði, men sum kanska ikki hava vant nóg nógv, og tessvegna ikki eru vald í landsliðshópin, sigur Anders Bladh, høvuðsvenj­ ari hjá svenska landsliðn­ um. Føroyingar og íslendingar Sambært Anders Bladh, mennast føroyingar og íslendingar, skjótari enn til dømis sviar, danir og nor­ menn. Hetta hevur so eisini við sær, at føroyingar og íslendingar vanliga eru góð­ ir svimjarar á ungum aldri, men so kanska ikki venja nóg hart og rætt og fella so burtur í onki. Hetta eigur man at broyta uppá og fanga ungu føroysku talent­ ini, longu á heilt ungum aldri, sigur Bladh Grundarlagið Grundarlagið undir einari og hvørjari succes er at karmarnar eru nøktandi, sum tað fyrsta, og tað eru teir ikki í Føroyum. Okkum tørvar ein langbana, so at okkara svimjiíðkarar, ið eru ein so ómetaliga góð rekl­ ama fyri Føroyar, kunnu mennast enn meira, og gera seg galdandi á kanska enn hægri høpi, enn vit higartil hava megnað. So nú er spurningurin, hvat Svimji Samband Før­ oya fer at gera við hetta, so at vit einaferð innan longi fara at hava nøktandi umstøður fyri føroyskari svimji ítróttini. SAMBAND jákup Mørk jAkup@SoSiAluriN.fo tlf. 341800 ítróttur Rætta støðið