mikudagur 5. desember 2007síða 9

9 tíðindi Nr. 236 - 5. desember 2007 Men vit skulu kortini minnast til, at tey tiltøk, sum vit nýliga hava sett í verk, eru ikki farin at virka áðrenn hendan kanningin varð gjørd, sigur Jógvan á Lakjuni PISAKANNING Leo Poulsen leo@sosialurin.fo Tað var talan um hóvligan fagna, tá PISA-kanningin varð almannakunngjørd í Mentamálaráðnum í gjár. Fólk flest vistu, hvat var í væntu, og tí kom heldur vánaliga úrslitið ikki bein- leiðis óvart á. Heldur ikki á Jógvan á Lakjuni, menta- málaráðharra. - Vit skulu minnast til, at tað er eitt hálvt ár gingið síðani undankanningina, so vit vóru eitt sindur stúrin fyri, at úrslitið fór ikki at verða so nógv øðrvísi enn undankanningin vísti, hóast at onkur bati var. Eitt nú hava vit fingið 450 stig í støddfrøði, sum er tað mesta vit hava fingið, segði Jógvan á Lakjuni við Rás2. Mentamálaráðharrin dyl- ir ikki fyri, at úrslitið langt frá er nøktandi. - Vit mugu viðganga, at okkara skúli liggur ov lágt. Men vit mugu hinvegin eisini minnast til, at tey til- tøk, sum vit hava sett í verk, eru gjørd eftir kanningina, og hava tí onga ávirkan á úrslitið, sigur Jógvan á Lakjuni. Tiltøkini, sum hann sipar til, eru fleiri tímar, bæði í verandi skúlaári og eisini í komandi ári, umframt fleiri royndir inn í skúlarnar. - Vit eiga at halda fast við við tað, sum vit hava sett í verk. Men vit vita sam- stundis væl, at vit hava tørv á lærarum innan náttúruvís undagreinarnar, og har er tað, at Læraraskúlin kemur inn í myndina. Tað verður neyðugt at gera nakað har, sjálvt um eg ikki upp á standandi fót kann siga nágreiniliga, hvussu vit loysa tað málið, sigur Jógvan á Lakjuni. Lesingin lykilin Men samstundis, sum Jógvan á Lakjuni slær fast, at tað er alneyðugt at fáa fólk at útbúgva seg á nátt- úruvísindaliga økinum, so eru onnur viðurskifti, sum hava líka stóran týdning. Eitt av hesum er eftirútbúgv- ing av lærarum. Og júst hetta økið hevur verið gjølla viðgjørt í Sosi- alinum herfyri, har víst var á, bæði hvussu illa stóð til á økinum, men eisini hvussu tvørligt tað var hjá lærarum, skuldu teir verða so hepnir at sleppa til eitt eftirútbúgv- ingarskeið. Ikki minst tað, at teir máttu sjálvir hava matpakka við, skuldu teir ikki doyggja í hungri til hesi skeiðini. Landsstýrismaðurin kundi tó upplýsa, at hesin trupulleikin var loystur, men at tað framvegis eru ábøtir neyðugar á økinum. - Tað er eingin ivi um, at vit mugu skipa fyri nógv meiri miðvísari eftirútbúgv- ing av lærarum, og eisini har mugu vit fáa Lærara- skúlan við á banan, nakað, sum vit eisini fyri so vítt hava fingið. Tá tað kemur til lesing, hava vit sett gransking á stovn á økinum, sigur Jógvan á Lakjuni. Og júst hetta við lesing metir mentamálaráðharrin er av alstórum týdingi. - Lesingin er lykilin til alt annað hjá næmingunum, sigur hann. Jógvan á Lakjuni heldur annars, at frágreiðingin er sera áhugaverd, og nemur eisini við broytingina frá fiskivinnusamfelagi til vit- unarsamfelag. Men fremst av øllum heldur mentamála- ráðharrin, at vit eiga at nýta kanningina konstruktivt. Vit mugu sláa kalt vatn í blóðið og arbeiða saman í hesum málinum, segði Jógv- an á Lakjuni við Rás2. Tað er ikki nóg gott Jógvan á Lakjuni, mentamálaráðharri, sá eitt sindur »millumfornøjaður« út, tá úrslitið av PISA-kanningini varð almannakunngjørt Mynd: Jens Kristian Vang Sofus í smiðjuni Sofus Poulsen hevur í løtuni eina røð av framsýningum kring landið. Talan er um nýggjar oljumálningar, og sunnudagin letur framsýning upp í Smiðjuni í Lítluvík í Havn. Framsýningin letur upp klokkan 15, og mána- til mikudagin er opið millum klokkan 14 og 17.30. Kaupthing hækkar rentu Kaupthing Bank byrjaði í vár kappingina um innlánskundar í Føroyum. Eitt av vápnunum her var at hækka innlánsrentuna á innlánum við tríggja mánaða uppsøgn í 4,5%, og nú boðar bankin frá, at rentan verður hækkað enn einaferð. Hesa ferð upp í 5%. Býlingsstjórin í SMS, sum kemur av eini kendari, pol­ itiskari familju í Miðvági, umhugsar at stilla upp a Sam­ bandslistanum. Kitty May Ellefsen hevur fingið nógvar áheit­ anir, og í kvøld fellur avgerðin, tá Føroya Væl í Havn hevur triðja og seinasta upp­ stillingarfund PolItIKKur Kári Mikkelsen karim@sosialurin.fo Ellefsen er ein kend politik- arafamilja í Miðvági, so bara eftirnavnið kann iva- leyst sparka hurðar inn í ein- um politiskum flokki. Um tað er hetta Kitty May Ellef- sen, býlingsstjóri í SMS, ætlar sær at gera, vil hon ikki siga beint nú, men vátt- ar, at hon hevur fingið nógv- ar áheitanir um at stilla upp á Sambandslistanum. Kitty May Ellefsen er dóttir Jens Eli Ellefsen úr Miðvági, og pápabeiggarnir, Pauli Ellefsen og Svend Åge Ellefsen, hava verið nógv ár í politikki. Fyrr- nevndi sum formaður í Sam- bandsflokkinum og løgmað- ur, og síðstnevndi sum løg- tings- og landsstýrismaður fyri Fólkaflokkin. Kitty May Ellefsen, ið hev- ur arbeitt sum fulltrúi í Vinnu- málaráðnum, áðrenn hon fór í starvið sum býlingsstjóri í SMS, hevur sagt núverandi starvið frá sær, og tí verður gitt dúgliga, at hon er á veg upp í politikk. Hesar gitingar eru ikki heilt viðsíðuna av, tí sjálv sigur hon seg vera freistað av teimum áheitanum, ið eru komnar. - Eg eri rættiliga impulsiv, og tí passar tað mær væl at skifta hest nú, sigur 39 ára gamla Kitty May Ellefsen. Fyri Sambandsflokkin er hetta helst góð tíðindi, tí tor- ført hevur verið hjá flokkin- um at fingið yvirtala kvinnur at koma á listan. Flokkurin hevur gjørt av at stilla 32 til 34 valevni upp fyri alt landið, og higartil eru bert fýra kvinn- ur at finna millum evnini til at gerast valevni. Tær eru Ingvør Nolsøe, Majbritt Jacobsen, Sæðunn Ólavs- dóttir og Rósa Samuelsen. Tann fimta verður altso eftir øllum at døma Kitty May Ellefsen, um hon verður góð- kend á uppstillingarfundinum hjá Føroya Væl, ið er val- felagið hjá Sambandsflokkin- um í Suðurstreymi, sum held- ur triðja og seinasta uppstill- ingarfund í kvøld. Her skal leggjast dentur á, at upp- stillingin runt um í landinum langt frá er liðug, og tí er framvegis møguleiki fyri, at fleiri kvinnur koma á listan. SMS-stjóri á veg upp í politikk Kitty May Ellefsen hevur fingið politikkin inn við móðurmjólk- ini, og sum fyrrverandi fulltrúi í Vinnumálaráðnum hevur hon royndir sum embætisfólk hjá einum landsstýrismanni Savnsmynd