fríggjadagur 7. desember 2007síða 10

10 tíðindi Nr. 238 - 7. desember 2007 Fornminnafelag jólasølu Í morgin og sunnudagin skipar fornminnisfelagið á Eiði fyri jólasølu, har fólk fáa høvi at ogna sær ymsar heimagjørdar lutir. Á jólasøluni eru millum annað heimagjørdir bundnir og seymaðir lutir umframt nógv annað jólaligt. Jólasølan hjá Eiðis fornminnisfelag er í húsunum á Látrinum og er opin í morgin frá klokkan 14 til 20 og sunnudagin frá klokkan 14 til 18. Tey, sum støkka inn á gólvið, kunnu keypa sær kaffi og okkurt afturvið. Gjaldoyra frá ferðavinnu Íslendingar fáa altsamt størri inntøkur av fremmandum gjaldoyra burtur úr ferðavinnuni. Ein uppgerð hjá Seðlabanka Íslands fyri níggju teir fyrstu mánaðarnar í ár vísir, at hetta tíðarskeiðið gav ferðavinnan 15 prosent størri gjaldoyrainntøku enn somu mánaðir í 2006. Ferðavinnan skrásetti 16,5 prosent fleiri ferðafólk níggju teir fyrstu mánaðirnar í ár enn í somu mánaðir í fjør, og hagtølini vísa, at bretar og skandinavar eiga tann størsta vøksturin. Dagurin í gjár var merktur av stórum spenningi millum tingfólk. Neyvan man løgmaður í stjórnartíð síni hava verið so kroystur, tí tað breyt veruliga í bæði borð POLITIKKUR Leo Poulsen leo@sosialurin.fo Tað byrjaði longu frá morgunstundini av. Sosialurin tosaði við Kaj Leo Johannesen tíðliga á morgni, í formaður Sam­ bandsfloksins hevði nevni­ liga givið ilt av sær í løg­ tinginum dagin fyri, har hann førdi fram, at hildu samgongulimir ikki uppat at fiska í sjálvdrátti, so vildi Sambandsflokkurin ikki sigla við meir. Tað, at samgongulimír leggja uppskot fram av sínum eintingum, kann stutt sagt ikki góðtakast, segði Kaj Leo Johannesen við Sosialin í gjár. Hann segði eisini, at hann fór at krevja ein fund við hinar báðar formenninar í samgonguflokkunum har greiða skuldi fáast á, um flokkarnir vóru sinnaðir at fylgja fíggjarlógarsemjuni, sum gjørd var í síðstu viku. Tí, sum hann segði, var eingin fíggjarlógarsemja, var heldur eingin samgonga. Løgmaður var staddur uttanlands til fiskivinnu­ samráðingar við ES, og hann fekk sanniliga onga »standing ovation« tá hann kom heimaftur við einari fyri so vítt rættiliga góðari avtalu. Fyrst var hann kravdur á samgongufund, og – sum um tað ikki var nóg mikið – fekk hann sanniliga eisini eitt misálit sett fram ímóti sær. Hetta misálit var lagt fram, meðan teir tríggir floksformenninir sótu á fundi. Og hóast tað framman undan hevði verið okkurt graml um hetta í »korridor­ unum«, høvdu samgongu­ tingmenn týðiliga ikki roknað við, at misálitið kom so knappliga. Steðga samgonguni Tað var heilt týðiligt, at mis­ álitið varð lagt fram av andstøðuni fyri at brúka so nógva arbeiðstíð upp hjá samgonguni sum gjørligt. Andstøðan visti framman undan, at uppskotið ongan møguleika hevði fyri at koma ígjøgnum, eisini – men ikki bara – tí, at ein av andstøðutinglimunum ikki vildi stuðla misálitinum. Hetta tóktist eisini púra greiða endamálið við upp­ skotinum, tá andstøðulimir ein eftir annan trinu á tings­ ins røðarapall, meðan sam­ gongulimir vóru merkiliga tigandi. Kortini var tað fundurin í Sambandsflokkinum, sum gjørdist meiri spennandi málið sum seinnaparturin leið. Vantandi áhugin hjá samgongulimum at taka orðið í málinum um misálit á løgmann saman við bíðan­ ini eftir einum úrsliti frá fundinum í Sambandsflokk­ inum gjørdi, at bæði sam­ gongulimir og miðlafólk mistu áhugan fyri umrøðuni í tingsalinum. So hesi sam­ an við teimum andstøðu­ limum, sum »ikki áttu tørn« á røðarapallinum, savnaðust í gongini í tinghúsinum. Tá so klokkan nærkaðist hálvgum átta á kvøldi, kundi Kaj Leo Johannesen endiliga boða frá, at Sam­ bandsflokkurin hevði tikið eina støðu. Men hann vildi kortini ikki upplýsa, hvør hendan støðan var, tað skuldi bíða, til triðja viðgerð av málinum um broytingar í vallógini komu fyri. Formaðurin í sambands­ flokkinum kundi tó vátta, at teir ikki fóru at slíta sam­ gonguna, men tað lá kortini í luftini, at teir heldur ikki skuldu roknast sum trúgvur stuðlar til triðju viðgerðina um broytingar í vallógini. So menn vóru eitt sindur í iva um, hvussu teir skuldu lesa støðuna hjá Samband­ inum. Men eitt stóð í hvussu er fast: Kaj Leo Johannesen var »centre og attention« í løgtinginum í gjárkvøldið. Spenningur í løgtinginum Tað var næstan sum at bíða eftir Goudot, men Kaj Leo Johannesen kundi at enda boða frá, at hann hevði tikið eina støðu – sum hann ikki vildi siga, hvør var. Hetta kom tó fram seini um kvøldið Mynd: Jens Kristian Vang Komandi vikuskifti verða tey seinasta jólatrøini í kommun­ uni tendrað, uttan tað í Syðradali, ið verður tendrað um eina viku. Jólatræið í Kirkjubø verður tendrað nú fríggjakvøldið kl.19. JÓL Jólatræið á Velbastað verð­ ur tendrað leygardagin kl. 16. Tað verða Jógvan Arge, býráðslimur, og Kristine Hestbech, prestur, ið tala. Havnar Hornorkestur spælir hugnaligan jólatónleik, tá træið verður tendrað, og jólamaðurin vitjar. Jólatiltak verður í skúlanum. Klokkan 18.00 verður træið tendrað á Hvítanesi. Har fara Annika Olsen, býráðslimur, og Hanus Sim­ onsen, prestur, at halda røðu. Jólamaðurin kemur á vitjan, og tey fara at bjóða drekkamunn í skúlanum á Hvítanesi. Sunnudagurin 9. decem­ ber verða ikki færri enn seks jólatrø tendrað ymsa­ staðni í kommununi. Í Kaldbak verður tendrað klokkan 15.30, har Jan Christiansen, býráðslimur, og Hanus Simonsen, prest­ ur, fara at halda røðu. GHM spælir, og jólamaðurin kem­ ur við brandbilinum úr Kollafirði. Drekkamunnur verður at fáa í skúlanum. Á Argjum fara tey at tendra jólatræið við brúnna um Sandá klokkan 17.00. Har fara Jógvan Arge, býráðslimur, og Heri Joen­ sen, prestur, at halda røðu, og GHM fer at spæla. Ein skúlaflokkur á Argjum bjóðar drekka og hevur sølubás frá kl. 15. Í ár fær jólamaðurin stundir at vitja á Argjum. Í Norðradali verður træið tendrað klokkan 18.30. Heðin Mortensen, borgar­ stjóri, og Heri Joensen, prestur, halda røðu, og eis­ ini í Norðradali fer GHM at spæla jólaløg. Í Norðra­ dali bjóða tey ein drekka­ munn í skúlanum. Í Kollafirði verður verður stórt adventstiltak í ítróttar­ høllini kl. 15, har verður borðhald, og korið Dropar syngur, og Marjun Bæk, prestur, heldur røðu. Kl. 17 verður træið tendrað við skúlan, og dansað verður um træið. Í Nólsoy verður jólatræið tendrað sunnudagin klokk­ an 15.30. Havnar Hornork­ estur verður í Nólsoy hend­ an dagin, Hildur Eyðuns­ dóttir, býráðslimur, og Sverri Steinhólm, prestur, halda røðu og tendrað træ­ ið. Í Nólsoy eru tey so hepp­ in, at hava egnan jólamann. Hann býr har úti, so hann kemur sjálvandi framvið sunnudagin. Eisini nólsoy­ ingar og tey, sum vitja í Nólsoy sunnudagin, fáa ein drekkamunn, tá jólatræið er tendrað. Jólatræið í Hesti verður tendrað klokkan 14.30. Heri Joensen, prestur, fer at halda røðu. Eisini í Hesti bjóða tey ein drekkamunn, tá træið er tendrað og jóla­ maðurin vitjar. Tendra átta jólatrø í Tórshavnar kommunu