týsdagur 22. mai 2001síða 8

14 Nr. 96 - 22. mai 2001 gult14 cyan14 magenta14 svart14 Meistaraliðum líkt gongst tað ikki so væl við fólkinum hjá VB í ár, sum tað gekk, tá teir vunnu meistara- skapin SAMANUM Jóannes Hansen Full ferð er komin á fót- bóltin heima á landi. Fjórða umfarið í landskappingini varð spælt sunnudagin. Hósdagin í hesi vikuni koma seinnu hálvfinalurnar í kappingini um løgmans- steypið fyri, og sunnudagin verður fimta umfarið í landskappingini. Áðrenn vit koma so langt fer Allan Simonsen at boða frá, hvørjar átjan hann vil hava at umboða Føroyar ímóti Sveis og Jugoslavia, og í hvussu so er í tí sam- bandinum fæst at vita, um Todi Jónsson verður tøkur á landsliðnum. Fjórða umfarið í lands- kappingini var søguligt á tann hátt, at hetta var fyrsta ferðin, at EB/Streymur fekk stig á útivølli í bestu deildini. Teir vunu 3–1 í Miðvági. Saman við B68 vóru teir í Sundalagnum undan hesum umfarinum teir einastu, sum ikki høvdu vunnið í ár. B68 vann á B71, og tað vil siga, at nú hava øll tíggju liðini roynt at vinna í ár. Oddaliðið Gongdin hesi fyrstu um- førini bendir á, at tað skjótt fer at verða neyðugt at grava allar yvirskriftirnar, sum vórðu brúktar í tíðar- skeiðnum 1993–1996 framaftur. Tá GÍ hetta tíðarskeiðið var á tindinum, varð aftur og aftur tosað um góða flogið hjá skurðunum og so víðari. B36 hevði ikki roynt at tapa, tá teir komu í Sarpi- gerði. Nú eru tað bara gøtu- menn, sum ikki hava tapt. Teir hava spælt ímóti KÍ og HB á útivølli, og teir hava havt vitjan av EB/Streymi og B36. Merkisvert er tað, at GÍ hevur staðið seg so væl so tíðliga á árinum. Fleiri av árunum, tá teir vunnu FM, hilnaðist tað illa fyrstu umførini, meðan teir stóðu seg væl betur enn hini feløgini, sum tað leið út á heystið. Johan Nielsen er roynd- asti føroyski venjarin. Hann kennir allar spælararnar í føroyskum fótbólti út og inn, eingin megnar taktiska spælið betri enn hann, og GÍ liðið er framúr væl skipað. Tað hevur verið eyðsýnt higartil, at Gøtu liðið hevur verið borið til sigrarnar í góðum felagsskapi, og at einstøku spælararnir sam- stundis rættuliga hava spælt væl. Sámal Joensen og Helgi L. Petersen eru betri fyri, enn teir nakrantíð hava verið, Magni Jarnskor hevur framvegis stóra spæligleði, Henning Jarn- skor hevur rættuliga funnið stevið aftur eftir eitt skulu vit kalla tað millumár, Pól Henning Jacobsen og Hans Pauli Petersen hava bitið seg fastar og spæla við alt størri sjálvsáliti, miðverjan er krútsterk, málverjin hevur ikki nógv at gera, og stendur seg væl, og so er Óli Hansen nú farin at skora mál so at siga hvørja ferð – akkurát sum hann gjørdi, áðrenn hann flutti úr NSÍ og til GÍ. Gøtumenn siga sjálvir, at hópurin ikki er nóg breiður, men tað er merkisvert, at tveir av innskiftu monnun- um stóðu seg væl og vóru meistarar fyri einum av málunum. Sunnudagin skal GÍ til Vágs, so skulu teir til Runavíkar, áðrenn B68 kemur til Gøtu. Um GÍ heldur fram, sum teir hava gjørt, so verða teir torførir at taka. Men kappingarárið er framvegis langt, og ivaleyst hava gøtumenn rætt, tá teir siga, at hjá teimum kennist smeiturin dyggari enn hjá fleiri øðrum, sum vilja vera við í FM kappingini, tá leikbann og skaðar fara at koma fyri. Meistararnir Vágbingar taptu ongantíð í fjør tveir dystir upp í slag. Tað hava teir longu nú roynt í hesum ár. Tað er altíð torført at verja meist- araheitið, hjá VB hava lyklaspælarar verið plág- aðir av skaðum, og tað hevur kenst sum dyggur smeitur. At spæla uttan pólversku álopsspælararnar í Gundadali ímóti HB var ov stórur biti. Nú fer tað nógv at ráða um hugburðin hjá vágbing- um. Avbjóðingin hjá teim- um verður ivaleysta stór komandi sunnudag. GÍ kemur suður, og um VB tapir fyri triðju ferð á rað, so verður tað ikki langt til støðuna, sum klaksvíkingar vóru í stóran part av kapp- ingarárinum í fjør. Men tað ber væl til at ímynda sær, at vágbingar fara at reisa seg. Tey tungu KÍ og HB hava altíð verið í bestu deildini, og tey seinnu árini hava teir í B36 aftur verið drúgvir. Klaks- víkingar hava í ár miðvíst undirspælt sín leiklut, men nú tykist gongd at vera komin á. Í fjør lá vánaliga byrjanin sum tungur skuggi yvir teimum alt kapping- arárið. Fyrstu umførini í ár var úrtøkan null, men eftir at teir hava fingið jugo- slaviska álopsmannin hevur gingið undan, og teir mugu roknast sum favorittar bæði á Sandi komandi sunnudag (sjálvt um teir skulu spæla steypadyst hósdagin) og á norðoyarstevnu, tá EB/ Streymur kemur til Klaks- víkar. B36 tapti fyri fyrstu ferð í ár. Tað kemur sjálvandi illa við hjá teimum, tá fleiri av landsliðsspælarunum sita uttanfyri, men sam- stundis man tað vera huga- ligt hjá teimum at síggja fleiri av ungu monnunum, sum eru uppvaksnir í felagnum, gerast alt meiri sentralir á liðnum. Hósdagin kunnu teir í seinnu hálvfinluni ímóti HB so at siga eftir sniðgøtu koma heilt tætt at atgongu- merki til altjóða fótbólt. HB megnaði ikki rættu- liga at fáa vágbingar niður í sekkin, men teir fótaðu sær eftir vónbrotið ímóti GÍ. Sunnudagin skulu teir spæla í Runavík. Tað verð- ur torført, tí eftir ósigurin í Klaksvík eru teir í NSÍ svangir. Tey ivasomu NSÍ hevur ætlað sær at vera við í toppinum í ár. Men higartil hevur tað ikki gingið, sum teir høvdu viljað. Sigurin mikukvøldið í Miðvági er tann einasti í fýra dystum. Teir hava bara tapt ta einu ferðina – í Klaksvík – men tað kostar nógv at spæla javnt. Tað tykist vera fongur í nýggja skotanum, men tað er rættuliga stórur smeitur, at Jens Martin Knudsen ikki verður tøkur hósdagin í steypadystinum ímóti KÍ. Um NSÍ skal finna ein royndan 1. liðs málverja, so mugu teir fáa Trygva Mortensen, sum í fjør og í fyrraárið vandi besta liðið, fara í mál. Mortan Hansen, sum onkuntíð var neyð- loysn, er nú í B68 álop- inum. Eitt hugskot hevði kanska verið Abraham Løkin, sum onkuntíð hevur verið málverji, ella kanska Petur Mohr, núverandi venjarin, sum í sínum ung- dómsdøgum plagdi at vera málverji. Hvussu tað stendur til hjá B68 er framvegis ilt at siga. Teir gjørdu sína skyldu og vunnu ímóti B71, men avrikið var ikki støðugt og harvið sannførandi. Sunnu- dagin verða teir favorittar á Mølini, og annan sunnu- dag, tá teir fáa vitjan av B36 fæst at síggja, um tað eru knotur í teimum. Botnstríðið FS Vágar var ikki leingi í barónaseingini. Eins søtur, sum sigurin á Sandi smakk- aði, so beiskt var tapið á heimavølli ímóti EB/ Streymi. Vágaliðið má finna seg í, at í løtuni eru teir besta boðið upp á aftasta plássið. B71 tapti á Toftum, men í løtum sást, at har eru nógvir spælarar við góðum hegni, og ikki minst hevur tað týdning, at Kári Nielsen er komin afturíaftur. EB/Streymur fekk luft undir veingirnar, og tað krevja teir at hava komandi vikurnar. Eftir B68 vitjan- ina skulu teir á norð- oyarstevnu, áðrenn HB kemur norður á Mølina, og so skulu teir til Vágs. Gøtumenn eru fantastiskir Sum støðan er nú, verður skjótt neyðugt at leita aftur á yvirskriftirnar frá 90’unum, tá vit ferð eftir ferð søgdu frá fantastisku gøtumonnunum Mynd: Álvur Haraldsen C M Y K 14 Nr. 96 - 22. mai 2001 15 gult15 cyan15 magenta15 svart15 HB tók seg uppá ann- að pláss eftir uppi- borna sigurin á føroyameistarunum VB, havnarliðið fekk samstundis uppreisn eftir tvey tap á rað. Tey bæði veingja- skerdu liðini spældu ikki nakran góðan dyst, men HB hevði fleiri málmøguleikar enn VB, ið sum heild hevði ilt við at fóta sær FÓTBÓLTUR Stefan í Skorini Tað vóru tvey lið við ógvu- liga skerdum álopum, ið sunnudagin fóru á vøllin í Gundadali. HB hevði ikki Una Arge og Andrew av Fløtum at dúva uppá, með- an vágbingar saknaðu Robert Cieslewics, ið hevur leikbann, og leikandi venj- aran Krzyzstof Popczynski. Tað var eyðsæð frá byrjan av, at hesir leikarar ikki vantaðu á vøllinum, og serliga VB hevði ilt við at vera hesar týdningarmiklu leikarar fyriuttan. Tó so, leikararnir, sum komu í teirra stað, kemp- aðu væl og gjørdu sítt til at geva verjunum trupulleikar. HB betri byrjan Tað var heimaliðið, ið kom betri frá byrjan. HB hevði nakrar naskar royndir, sum tó ikki nervaðu Bjarna í VB-málinum stórvegis. Hinvegin var VB heldur ikki fyri ongum, og teir leitaðu sær eisini niðan á HB-hálvuna. Jón Pauli Olsen hevði vandamiklastu royndina hjá VB fyri steðgin, tá hann fluktaði eitt innlegg frá Marek móti málinum, men Bárður gjørdi eina góða bjarging. Tað var sum um at dysturin gekk í tómgongd eftir tær fyrstu royndirnar, men so við eitt fekk HB mál eftir hálvan tíma. Allan sendi hornaspark innfyri, har Bjarni leyp út eftir bóltinum, men fór skeivur. Við handaru stong stóð lágvaksni áleyparin Bárður Mortansson og setti høvdið á bóltin, sum fór í tóma málið. Bjarni Johansen er ein tann besti málverjin á strikuni, men hann sýndi veikleikar í luftspælinum í hesum førinum. Hann iðrar seg óivað um hetta málið. Í álopinum hevði VB Birgir Jørgensen, ið er gamal í garði. Hann er sera sterkur í luftini, og VB royndi ofta at senda langar høgar bóltar fram til Birgir, sum í dysti við Hans á Lag royndi at høvda niður til viðleikarar. Tað var eftir eina slíka støðu, at VB fekk mál, sum tó var kolldømt. Marek sendir høgan bólt inn í HB- brotsteigin, har Birgir vinn- ur luftbóltin móti Hans. Bólturin dettur fyri føturnar á tveimum VB-arum, ið hava ilt við at avgera, hvør teirra skal skjóta. Eftir einar tvær royndir endar bólturin í netinum, men tá er annar av vágbingunum dømdur at vera rang- staddur. Opin dystur Seinni hálvleikur var meira opin enn fyrri. VB var aftanfyri og fór tí eitt sindur longri fram á vøllin í strembanini eftir einum útjavnandi máli. Marek Vierzbicki stóð fyri øllum tí uppbyggjandi spælinum hjá VB, men tað tóktist sum hinir leikararnir ikki megnaðu at fylgja hansara tonkum. Hann var ov einsamallur og hevði tí ilt við at seta nakað veruligt álop í gongd. At VB fór longri fram gav HB møguleikan til nøkur skjótálop. Hetta er ein av stóru dygdunum hjá HB, men hesuferð fingu havnarmenninir ikki nóg stóra úrtøku burturúr. Fleiri ferð var vandi á ferð frammanfyri VB- málinum, men HB-ararnir vóru ikki nóg neyvir og avgjørdir í avgerandi løt- uni. Gestirnir vóru ikki tó ikki fyri ongum. Birgir Jørgen- sen gav HB verjuni høv- uðbrýggj nakrar ferðir, men ongantíð vóru royndirnar eins naskar sum í hinum endanum. Hans á Lag og Jón Rói Jacobsen stóðu stinnir í miðverjuni, so saknurin av Jóhannisi Joen- sen var ikki so stórur. Allan avgerð Allan Mørkøre hevði allan seinna hálvleik havt ríkiligt av plássi í høgru síðu, og tað var eftir eitt av hansara væl kendu gjøgnumbrotum úr høgru, at klaksvíking- urin avgjørdi dystin til ein HB sigur. Allan dróg við fullari ferð framvið Eyðuni Jacobsen og inn í VB- brotsteigin. Ístaðin fyri at leggja bótin innfyri snýtti Allan VB-verjuna og dróg sjálvur innfyri málið. Hann var nú staddur tætt undir málinum og hevði lætt við at leggja HB framum 2-0. Eingin vón var nú hjá VB at fáa stig burturúr dystin- um, men Marek gjørdi tó ein vørr áðrenn dystarlok. Vagnur Mortensen var dømdur at forða Marek í einum gjøgnumbroti beint uttanfyri brotsteigin. Óbeinleiðis fríspark til VB. Jón Gærdbo trillar stutt til Marek, sum sendir bóltin í handara stólpa og inn. Bárður Johannesen skuldi havt vart fyri í hesari síðuni, men lat seg snýta og var fangaður á skeiva beininum. VB tveitti nú alt fólkið fram, men HB megnaði at halda málið reint teir seinastu minuttirnar. HB megnaði sostatt at fáa trý stig til høldar, hóast Uni, Andrew og Jóhannis ikki vóru við. Teir hava nú sjálvsálitið í lagi undan dystinum móti B36 í hálvfinaluni hósdagin. VB er hinvegin steðgað upp eftir tveir sigrar at byrja við. VB hevur ikki so breiðan hóp sum HB, so tað merktist týðuliga, at Tórður Holm, ið kom inn seint í dystinum, Cieslewics og Popczynski ikki vóru við. HB vann fyri aðru ferð í ár á VB í Gundadali og hevur hálað seg av fjórða uppá annað pláss trý stig eftir oddaliðið GÍ. HB-VB2-1 (1-0) 1-0: Bárður Mortansson 33 2-0: Allan Mørkøre 75 2-1: Marek Vierzbicki 90 Dómari: Petur Hansen (LÍF) HB: Bárður Johannesen – Janus M. Joensen, Jón Rói Jacobsen, Hans á Lag, Vagnur Mohr Mortensen – Hallur Danielsen, Rógvi Jacobsen, Rúni Nolsøe, Allan Mørkøre – Bárður Mortansson, Pætur M. Dahl VB: Bjarni Johansen – Eyðun Jacobsen, Magni Jacobsen, Predrag Zisko- vic, Jón Pauli Olsen – Palli Augustinussen, Olivur Abrahamsen, Gisli Svein- bjørnsson, Jón Gærdbo – Dan Djurhuus, Birgir Jørgensen HB — VB 2-1 (1-0) HB reistist Allan Mørkøre var sera væl fyri í Gundadali sunnudagin, og var eisini maðurin, sum avgjørdi dystin, tá hann skoraði til 2-0 15