mánadagur 10. desember 2007síða 34

34 Nr. 239 - 10. desember 2007 tíðindi Leygardagin varð skipað fyri stór­ fingnari móttøku í Losjuni í samband við, at hetjurnar frá GBOB finaluni komu aftur til Føroyar Móttøka Orð&myndir: gota.fo Gøta: Nakað seinkaðir komu teir fimm úr Boys in a Band fram og fagnaðurin var stórur í tí ovurfyltu Losj­ uni við Gøtugjógv. Boysarnir umboða tríggj­ ar bygdir í Eysturoynni – Gøta, Leirvík og Eiði ­ og sjálvandi stóðu tríggir stoltir borgarstjórar og tóku ímóti. Fyrstur at taka orðið var Hans Mourits Foldbo, borg­ arstjóri í Gøtu, sum bjóðaði vælkomin. Honum á baki kom Fríðgerð Heinesen, borgarstjóri í Leirvík, ið ynskti teimum til lukku við sigrinum og røddi um týdn­ ingin av einum virknum mentanarvirksemi í økinum og tey frálíku avrik, sum hetta hevur havt við sær seinnu árini. At enda helt Tordur Nicla­ sen, borgarstjóri á Eiði og pápi ein av limunum í bólk­ inum, røðu har hann røddi um mangt og hvat. Røðan hansara var bæði skemtilig og rørandi. Eftir at teir tríggir borg­ arstjórarnir høvdu havt orð­ ið, takkaði forsangarin, Pæt­ ur Zachariassen fyri við nøkrum vælvaldum orðum. Fleiri gávur blivu hand­ aðar. Millum annað fingu limirnir hvør sítt gávukort frá Tøting og eisini handaði Julia Lamhauge teimum gávu frá Gøtu Tónlistarskúla. Hon greiddi eisini frá týdninginum, sum orkestrið Boys in a Band hevur sum fyrimynd hjá ungu leikarunum, ið ganga á Tónlistarskúlanum. Eftir røður og gávuhandan var drekkamunnur og ikki minst autografskriving á skránni. ­ Jú av sonnum ein stór­ fingin móttøka av heimaft­ urkomnu hetjunum úr Lond­ on, skrivar heimasíðan hjá Gøtu kommunu. Boysarnir fingu stórfingna móttøku Tríggir erpnir borgarstjórar til móttøkuna hjá heimskenda føroyska tónleikabólkinum Boys in a Band Teir fimm í bólkinum fingu eina stórfingna móttøku. Nú gongur leiðin út í heim Við steypinum, 100.000 dollarum í heiðursløn og eini heimsumfatandi konsertferð