týsdagur 11. desember 2007síða 9

9 tíðindi Nr. 240 - 11. desember 2007 vingardepil í Havn ans skal kunna bera til at halda feriu og fáa alt, sum tørvur verður á, uttan so mikið sum at noyðast at fara útum. Stórur áhugi at fíggja Mads Andrias Winther sigur, at sjálvandi fara teir ikki undir eina slíka ætlan uttan at hava trygd fyri fíggingini. - Vit hava fígging í rygginum og bæði í Føroy- um og uttanlands er stórur áhugi hjá íleggjarum at vera við í ætlanini, sigur Mads Andrias Winther. Annars vil hann ikki siga, hvussu nógv hetta kostar, tí hetta veldst um, hvørjar tillagingar verða gjørdar á vegnum. Men talan verður so um nakrar hundrað milliónir, ásannar hann. Hann leggur afturat, at teir hava havt samskifti við Býráðið og har var avgjørt vælvild mótvegis ætlanini. Í næstum fara tey at fyrireika verkætlanina so at tað verður klárt at søkja býráðið um byggiloyvi og hann væntar, at tað verður innanfyri eitt ár. Her fæst ein mynd av, hvussu allur upplivingardepilin á Hálsi fer at síggja út. Hetta skal vera eitt vørumerki fyri Havnina, sigur stigtakarin, Mads Andrias Winther. Longst til vinstru er luksushotellið og í Hamrinum undir hotellinum verður vælverumiðstøð, svimjihøll og venjingarmiðstøð. So skuldi hugurin verið til at ligið í gosbaði ella hugna sær í vælverumiðstøðini við frálíkum útsýni yvir Nólsoyarfjørð, verður tað ein møguleiki um stutta tíð Og soleiðis sær alt út norðaneftir. Hotellið verður ein sermerktur, stásiligur, svartur bygningur við nógvum glasi og í hamrinum undir hotellinum eru svimjihøll og miðstøð til vælveru og kropsvenjing Her fæst so ein heildarmynd av øllum tí 40.000 fermetra stóra upplivingarmiðdeplinum. Alt samalt verður samanbundið við eini innandura gongugøtu Føroysk fitness-video Uttan at sveitta er heitið á nýggjum føroyskum fitness- sjónbandið, sum nú verður sent á marknaðin. Konsept- ið handan sjónbandið eigur Kristian Ludvík Dam, sum er útbúgvin fitness-venjari, og sum hevur sett sína egnu venjingarskrá saman. Filmurin hevur 14 venj- ingar, ið taka góðar 50 minuttir at gera - um tú gert alt í einum. Upptøkurnar eru gjørdar úti í Grøv í Klaksvík. Hálv milliard meira í lønum Seinasta uppgerðin frá Hagstovuni vísir, at longu nú eru 479 mió kr. fleiri goldnar út í lønum í Føroyum, enn talan var um alt 2006. Størsti vøksturin er í privatu tænastuvinnuni, har lønarútgjald- ingarnar eru øktar 13%, men eisini byggivinna og onnur tilvirking hevur havt stóran vøkstur. Minsti vøksturin er innan fiskivinnu, har økingin er 2%.