mikudagur 23. mai 2001síða 3

4 Nr. 97 - 23. mai 2001 Nr. 97 - 23. mai 2001 5 gult4 cyan4 magenta4 svart4 gult5 cyan5 magenta5 svart5 – Tað farna árið hevur verið ómetaliga spennandi, gevandi og læruríkt, og vit eru eina uppliving ríkari, sum vit ikki vildu verið fyriuttan, sigur Árni Jensen, ið saman við familju síni hevur verið við trúboðaraskipinum Doulos í Fjareystri í eitt ár TRÚBOÐARASKIP Stefan í Skorini Fyri einum góðum ári síð- ani fóru hjúnini Árni og Maiken Jensen úr Havn saman við dóttrini Erlu umborð á trúboðaraskipið Doulos, har tey hava nýtt eitt ár av lívi sínum. Árni greiðir frá, at hetta var ein gamal dreymur, sum gjørd- ist veruleiki. Hósdagin leggur eitt ann- að trúboðaraskip at bryggju í Havn. Tað er Logos, sum nú hevur lagt leiðina til Føroyar. Á brúnni stendur føroy- ingurin Árni Jensen. Hann hevur júst verið við Doulos, og nú er hann farin umborð á Logos. Hetta verður tó bara fram til august mánað. Altíð kent OM OM stendur fyri Operation Mobilisation, og tað er navnið á felagsskapinum, sum eigur skipið Doulos. Árni sigur, at hann frá ungdómsárum mangan hevur hoyrt um felagsskap- in OM, og tí hevði hann alt- íð eitt ynski at fara í tæn- astu hjá hesum felagsskapi. Tá sipar hann til ameriku- mannin George Verver, sum bleiv persónliga trúgv- andi, tá hann var til møti hjá kenda prædikumannin- um Billy Graham. Hann sigur, at tey onkuntíð hava tosað um henda møguleik- an at fara við Doulos, men ongantíð er nakað komið burturúr. Júst sum vónirnar mink- aðu fyri at fáa henda møgu- leikan, stóð teimum í boði at fara við Doulos fyri ein- um ári síðani. Árni er skipsførari, og Doulos hevði stóran tørv á yvir- monnum. Tí gjørdu hann og Maiken kona hansara av at fara við Doulos og at taka 14 ára gomlu dóttrina við sær. Fyri fyrst var bara talan um fýra mánaðir, men so tók familjan tveir mánaðir afturat, og so hálvt ár. Til- samans er tað blivið til eitt heilt ár umborð á Doulos. Nú fer Árni so eisini við Logos til august mánað. Tey fáa ongan pening fyri at sigla við Doulos. Skip- anin er soleiðis, at tey, ið eru umborð, sjálv gjalda fyri uppihaldið. Tey, sum koma úr tí ríkara partinum av heiminum gjalda meira enn onnur úr fátækari lond- um. Fólk úr 35 londum Umborð á Doulos eru til- samans 350 fólk úr 35 ymiskum londum. Maiken greiðir frá, at tú kennir øll, sum eru umborð, tí øll liva so tætt saman, og tí er sam- anhaldið millum tey øll sera gott. Tað eru ógvuliga ymisk fólkasløg, ið búleikast á skipinum. T.d. hava nógv av teimum ongantíð sæð sjógv, tá tey koma umborð. Tosað verður enskt um- borð, og tey, ið ikki skilja málið, fáa undirvísing. – Vit vóru ógvuliga væl móttikin, tá vit fyri fyrstu ferð settu fótin umborð á Doulos. Samanhaldið er eisini ómetaliga gott mill- um øll umborð. Øll tóku sær av okkum ta fyrstu tíð- ina, meðan vit skuldu finna okkum til rættis, og vit føldu okkum sum ein part av Doulos-familjuni, greið- ir Maiken frá. Tí var um- skiftið frá gerandisdegnum í Føroyum til Doulos ikki ov stórt. Eitt, sum føroyingarnir beinanvegin bitu merki í, var, at fólk umborð hevði lítið av peningi um hendi. Hetta hevði við sær, at fólk- ini vóru meira kreativ, og hetta var við til at styrkja samanhaldið umborð. Umborð virkaðu Maiken og Árni sum foreldur at fleiri ungum, so tey høvdu onkran at halda seg til, um trupulleikar stungu seg upp. Maiken arbeiddi dagliga í leiðbeiningini, meðan Árni var stýrimaður. Maiken skelkað í Manila Doulos sigldi bara millum lond í Fjareystri, meðan Jensen-familjan var um- borð. Siglt varð ímillum Filipsoyggjarnar, Hong Kong, Teivan, Japan, Kina, Maleisia, Singapor, Teiland og Vjetnam tað seinasta árið. Tey vóru enntá fleiri ferðir í onkrum av londun- um. Stórur munur er á hesum londunum. Maiken sigur frá, at hon fekk ein skelk, tá hon kom til Manila. – At síggja fátækradømið og vesældómin í Manila, høvuðsstaðnum á Filips- oyggjunum, var ræðuligt, sigur Maiken. Hinvegin greiða hjúnini frá, hvussu reint og væl skipað alt var í Tokyo í Jap- an. Her komu mótsetning- arnir í økinum greitt til sjóndar. Filipsoyggjarnar eru eitt tilafturskomið land, meðan Japan hinvegin er eitt tað fremsta landið í Fjareystri og hevur hálað seg framum fleiri av lond- unum í Vesturheiminum. Eisini vitjaðu tey Teivan, sum var illa rakt av jarð- skjálvta í 1999. Tey ferðað- ust millum húsaleivdirnar, men tó merktu tey, hvussu takksom fleiri av hesum fólkunum vóru, hóast neyð- ina, tey vóru stødd í. Frásøgnirnar hjá Maiken benda á, at tey í hesum partinum av heiminum hava eina heilt aðra fatan at menniskjum. Eitt nú vitjaðu tey á ein- um heimi fyri brekað børn. Tann týska fyristøðukvinn- an greiddi frá, hvussu lítið brekað børn verða vird í Teivan. Tey verða mangan vrakað av foreldrunum, og tí er neyðugt at sjálvboðin seta á stovn heim fyri hesi børnini. At fáa eitt brekað barn verður av fleiri mett sum ein revsing frá gudun- um. Hjá okkum eru fyritreyt- irnar øðrvísi, tá talan er um at taka sær av teimum menningartarnaðu, og tí hava vit ikki teir somu trup- ulleikarnar at dragast við. Send út í bólkum Arbeiðið umborð var so- leiðis skipað, at tey vórðu býtt upp í bólkar. So vóru tey send út í býirnar og millum fólk á staðnum at boða tann kristna boðskap- in. Soleiðis komu tey út ímillum fólkið og komu at kenna nærumhvørvið hjá teimum innføddu. Tey greiða frá, at tey út- sendu frá Doulos bæði gera vælgerandi arbeiði og boða kristindómin fyri fólkinum. Tað kann vera at hjálpa gøtubørnunum ella at hjálpa einum trúðboðara á staðnum við onkrum prakt- iskum. Maiken sigur, at tey í Teilandi vitjaði eitt kvinnu- fongsul, og har vóru seks kvinnur, ið ynsktu at játta kristna trúgv. Tað er enda- málið við arbeiðnum á skipinum. At boða kristin- dómin og at fólk játta kristna trúgv. – Hetta er tað, sum ger tað so stórt at vera umborð. Tú hoyrir slíkar søgur og upplivir slíkar hendingar allatíðina. Nógvir bólkar verða sendir út, og allir hava hvør sína sólskinssøgu at siga frá, tá teir koma aft- ur. Altíð hevur onkur okk- urt áhugavert at greiða frá, og tað ríkar lívið umborð, sigur Árni. Árni greiðir frá eini ser- ligari andaligari hending, sum talaði til hann, tá hann var úti á markini við einum bólki. – Vit sigldu niðan eftir eini á til eina lítla bygd í Maleisia. Í tí eina húsinum í bygdini var húsbóndin deyður, og sorgin var ómetalig í allari bygdini. Har vóru grátikonur við hátalarum, sum skipaðu grátin, og har vóru eini 400 fólk í og kring húsið, sigur Árni. – Tað var tí ringt at skipa nakað veruligt møti, og vit góvust at enda. So kom ein kona til okkara og bað um bøn fyri dóttrini og fleiri gjørdu tað sama. Vit bóðu tí, og eg greiddi henni frá lyftum Guds. Endin var, at alt húsið játtaði trúgv á Kristus, og gleðin var stór millum okkum, sigur Árni, ið leggur afturat, at hann enn hevur samband við hesi fólkini í maleisisku bygd- ini. Dreymurin gjørdist veruleiki Árni og Maiken í føroyskum búna eftir at hava hitt Dronning Margrethe í Bangkok Trúboðaraskipið Doulos, sum var heim hjá Maiken, Árna og Erlu í eitt ár Møttu drotning Margrethe Ein dagin fingu Árni og Maiken møguleikan at møta Hendes Majestæt Dronning Margrethe. Ein danskur tíðindamað- ur var umborð á Doulos í Bangkok í Teilandi, har hann hoyrdi um føroying- arnar. Hann skipaði tí so- leiðis fyri, at hann hjúnini sluppu til eina móttøku á donsku sendistovuni, har Margrethe og Henrik vóru hjástødd. Donsku konga- hjúnini vóru og vitjaðu teilendsku kongahjúnini. – Margethe kendi bein- anvegin tey føroysku klæðini, og hon spurdi okkum um arbeiði umborð. Vit góvu henni eina bók og eina innbjóðing sum heiðursgestur, tá Logos vitjar í Danmark. Eisini prátaðu vit við Fredrik krúnprins, sum var til stað- ar, sigur Maiken, ið ikki dylur fyri, at tað var serligt at síggja drotningina á ferðini. Ódn mundi gjørt av við tey Veðrið var næstan altíð avbera gott, men einaferð mundi Doulos rent seg í eina ringa ódn. Siglt var ímillum Kina og Maleisia, tá veruligt ódnarveður brast á. Doulos royndi at sigla undan sum frægast, og tað var sum tá ketta spælir við mús. – Við eitt steðga motor- arnir umborð á skipinum, sigur Árni, ið stóð á brúnni. Motorarnir fóru ikki í gongd aftur fyrr enn fýra tímar seinni, og hesa tíðina lá skipið stilt. Tað vísti seg aftaná, at ódnin eisini hevði ligið still hesa tíðina, og tað heldur Árni vera bønarsvar, tí skiparin hevði í hátalar- anum biðið øll umborð um at biðja fyri støðuni. Ríkandi uppliving Tá hjúnini verða spurd, um tey iðra seg um, at tey tóku avgerð um at fara avstað, siga tey sum við ein munn, at hesa upplivingina vildu tey ikki verið fyriuttan. – Hetta hevur verið ein ómetaliga stór uppliving, og vit angra als ikki, at vit fóru avstað. Vit kunnu bara luta tað við onnur her heima í Føroyum í veikt mát, tí tað skal upplivast. Tað eru bara heilt smáir partar av øllum, sum vit kunnu greiða frá, siga Mai- ken og Árni at enda. Nú er Árni so farin við einum øðrum trúboðara- skipi. Tað er nevniliga Log- os, sum kemur á Havnina hósdagin, og øll kunnu fara umborð at vitja skipið. 14 ára gamla Erla Jensen úr Havn hevur saman við foreldr- unum verið við trúboðaraskipinum Doulos í eitt ár. Henni dámdi so væl, at hon fer við aftur, um høvi býðst TRÚBOÐARASKIP Stefan í Skorini Tað eru ikki øll 14 ára gom- ul føroysk børn, ið hava verið í eins nógvum lond- um sum Erla. Hon hevur tað seinasta árið siglt mill- um fleiri av londunum í Fjareystri við trúboðara- skipinum Doulos. – Tað var eingin trupul- leiki at fella til, tí øll vóru so blíð og fyrikomandi. Eg eri eisini framlig, so tað gekk bara væl, sigur Erla. Skúlagongd Doulos er sum ein lítil bygd, og har er barnagarð- ur, sjúkrahús, skúli og ann- að, ið hoyrir til. Erla gekk í skúla frá klokkan 9 á morgni til klokkan hálvg- um fýra seinnapartin, so skúlanum slepst ikki und- an, hóast hon er langt av landi skotin. Eftir skúlatíð arbeiddi Erla nógv í tí stóru bóka- søluni á skipinum. Eina slíka bókasølu verður eisini møguleiki fyri at vitja, tá Logos kemur á Havnina. Umframt at røkja sína skúlagongd og arbeiða í bókasøluni, so var hon eis- ini við í einum tónleika- bólki, so Erla keddi seg ongantíð umborð, greiðir hon sjálv frá. – Har var eingin, sum var júst á mínum aldri, men fleiri vóru umleið javn- gomul við meg, so eg fekk fleiri góðar vinir umborð, sigur Erla. Viðmælir øðrum Erla sigur, at hon avgjørt viðmælir øðrum at taka eitt ár umborða á Doulos, tí tað er ein góð íløga seinni í lív- inum. – Eg havi ætlanir um at fara við aftur einaferð seinni, um høvi verður til tess, sigur Erla. Erla greiðir frá, at hvørja ferð, tey komu til eitt nýtt land, so fingu tey at vita, hvussu atburðurin skuldi vera, hvat var loyvt, og hvat var bannað. Tað var hvørja ferð okk- urt nýtt, sum tey skuldu minnast til. Tá tey komu til muslimsk lond, skuldi konufólkið minnast til at vera í klæðum, sum fjaldu allan kroppin, tí annars kundi tey verða tikin av myndugleikunum. Og í Maleisia var tað umráðandi ikki at sita við krosskastað- um beinum. Hetta kundi vera eitt sindur ringt at venja seg við. Erla sigur, at hetta hevur verið eitt spennandi og hendingaríkt ár, sum hon hevur verið ógvuliga glað fyri, tí tað gevur henni eina góða barlast seinni í lív- inum. Hósdagin kemur eitt ann- að trúboðaraskip á Havn- ina. Tað leggur væntandi at hósdagin seinnapart, og fyrireikararnir vóna, at fleiri koma at taka ímóti. Skipið letur alment upp fríggjadagin. Føroyski listamað- urin Edvard Fuglø hevur gjørt nýggja búmerki hjá Lista- stevnuni, sum verður í døgunum 8. – 19. august LISTASTEVNA Stefan í Skorini Búmerkið er eitt fingra- merki, sum ímyndar tað persónliga, nú ein egin før- oysk listastevna verður fyriskipað. Samstundis sum búmerkið varð avdúk- að, varð ein plakat eisini sýnd fram. Á plakatini er ein ørgrynna av fingra- merkjum, og plakatin verð- ur seld í sambandi við Listastevnuna. Stevnan verður í tólv dagar frá 8. til 19. august. 40 ymisk tiltøk eru á skránni, har helmingurin er í Havn, meðan restin er úti á bygd. Atgongumerkjasøl- an byrjar 10. juni, tá fólk kunnu ogna sær atgongu- merki. Byrjað verður við eini opera, tá Den Jyske Opera fer at framføra »Det For- jættede Land« fyri børnum. Henda opera verður fram- førd í Vesturkirkjuni 8. aug- ust og í Kristianskirkjuni 9. august. Endað verður somuleiðis við opera. Tað er tann írska operain, sum fer at fram- føra Madam Butterfly. Framførslan verður 18. og 19. august. Hetta er ein ógvuliga kend opera í trim- um aktum, sum Puccini er upphavsmaður til. Erla ætlar sær við aftur Erla Jensen fevnir ein leopard í einum djóragarði í Teilandi. Hon sigur seg fegnast um árið umborð á trúboðaraskipinum Árni var stýrimaður umborð. Her er hann í hvítum búna, sum hann ofta var í, tá hann var til arbeiðis Maiken til arbeiðis í leiðbeiningini Búmerkið fyri listastevnuna avdúkað Búmerkið hjá Listastevnuni varð alment avdúkað týsmorgunin. Helga Hjørvar og Birgir Kruse, ið sita við borðið hava verið við til at skipa fyri Listastevnuni Mynd: Jens Kr. C M Y K 5 4