fríggjadagur 14. desember 2007síða 16

16 Nr. 243 - 14. desember 2007 nøvn Eg havi ætlað mær at skriva nakrar reglur um mín vin og samstarvsfelaga, Christian Olsen, sum andaðist fyri einum ári síðani, tann 15. Desember 2006. Christian og eg vóru starvsfelagar umborð á Norrønu í umleið átta ár, og vit komu at kennast rættiliga væl, og vit høvdu tað ógvuliga gott saman. Vit vóru ikki altíð líka samdir, men vit virdu hvønn annan, og vóru væl. Vit vóru báðir biðnir at fara umborð á Norrønu, sum tá lá í Keyp­ mannahavn sum flóttafólkaskip á Islands Brygge. Har upplivdi vit mangt stuttligt og vit fingu eitt avbera gott forhold til bosnisku flótta­ fólkini, og serliga væl dugdi Christian at fáast við tey. Seinni, eftir at Christian var farin í land, sótu vit báðir í nevndini fyri Ferðavinnuni í Norðoyggjum, Christian sum leiðari fyri Norðoya Kunningarstovu, og allir limirnir í nevndini vóru samdir um, at Christian var júst tann rætti persónurin at leiða Kunningarstovuna. Og hetta vísti seg eisini í verki, tí ferðavinnan og Norðoya Kunningar­ stova mentist undir Christian’sa leiðslu. Hansara stóra vitan og kunn­ leiki um alt, sum hevði við Klaksvík og Norðoyggjar at gera, var heilt einastandandi. Christian kendi hvørt einasta menniskja í Klaksvík, og umframt at vera ein vinsælur maður, var hann eisini ordiligur. Har sum Christian var, har var skil í. Nú vit nærkast 15. desember, sum var dagurin, tá Christian slóknaði, so má eg siga, at tað hevur verið ein stórur saknur og eitt stórt tómrum eftir Christian. Eg skal við hesum reglum bera eina heilsu og djúpa samkenslu við tær góða Sólfríð og børnini. Ærað veri minnið um Christian Olsen John B. Hansen Minningarorð um Christian Olsen Tøkk Hjartaliga takka vit fyri sýnda samkenslu, tá elskaða mamma , vermamma, omma, langomma og systir okkara Amalia Østerø Skálafirði andaðist og varð jarðað. Ein serstøk tøkk til tykkum á Sambýlinum á Skála, fyri umsorgan og kærleika, tíðina hon var har. Tøkk til starvsfólkini á B8 fyri góða røkt og umsorgan. Tøkk til Lisu fyri sera vakran sang í kirkjuni. Tøkk til Emil Olsen, prest, fyri góð og troystarrík orð, í kapellinum og í kirkjuni. Tøkk til berarar, sangarar, kirkjutænarar, gravara og tykkum, sum bakaðu og á ymsan hátt hjálptu til við ervinum. Tøkk fyri blómur, kransar, heilsanir og peningagávur til Sambýlið á Skála. Tøkk øll tit mongu, sum fylgdu henni til hennara seinasta hvíldarstað, her á fold. Hjartans tøkk øll somul Familjunnar vegna Harald, Karla, Hanna O. og Jansy Tøkk Hjartaliga takka vit tykkum øllum, sum sýndu okkum samkenslu og hjálpsemi, tá ið pápi og verpápi okkara Andreas Signar Dalfoss Tórshavn (ættaður úr Froðba) brádliga andaðist og varð jarðaður Tøkk til B8 á Landssjúkrahúsinum, læknar og portørar. Tøkk til tykkum øll, sum bakaðu smákøkur og á ymiskan hátt hjálptu til við jarðarferðini og ervinum. Tøkk til kirkjutænarar, berarar, sangarar, urguleikarar og gravarar. Tøkk til Bjarna Bæk, dómprósti, fyri vøkru orðini til andaktina, kórsetingina og prædikuna. Tøkk fyri blómutyssir, kransar og peningagávu til Havnar Kirkju. Hjartaliga takka vit øllum tykkum, sum vóru í kapellinum, til kórseting, í kirkjuni og sum fylgdu honum til hansara seinasta hvíldarstað. Familjunnar vegna Heidi, Poul og Chiharu Niels Joensen, ættaður úr Skopun, búsitandi í Tórshavn, andaðist á Lágargarði mánadagin 83 ára gamal. Bønarhald verður á Lágargarði fríggjakvøld­ ið kl. 18. Jarðarferðin verður úr Kirkjugarðskapell­ inum leygardagin kl. 13. Sálmabókin verður nýtt. Óliva Nolsøe í Trongisvági, vanliga nevnd Ollan, andaðist á Suðuroyar sjúkrahúsi mikudagin, 74 ára gomul. Kistan fer úr kapellinum á Suðuroyar sjúkra­ húsi leygardagin klokkan 18. Jarðarferðin verður úr Tvøroyrar kirkju sunnudagin klokkan 14. Elieser Arge, vanliga nevndur Essa, fyrrverandi yvirlækni, andaðist á Landssjúkrahúsinum miku­ dagin. 82 ára gamal. Bønarhald verður í Lands­ sjúkrahúskapellinum leygarkvøldið kl. 18.00 Jarðarferðin verður úr Ebeneser sunnudagin kl. 13.30. Tey, ið vilja at minnast Essa, kunna lata heiminum við Vallalíð eina gávu, konta í peningastovnunum Andlát og jarðarferðir Tøkk Hjartaliga takka vit øllum tykkum, sum á ymiskan hátt gleddu okkum á silvurbrúdleypsdegnum 1. mai 2007. Ein serstøk tøkk til tykkum, sum hjálptu so væl til at fyrireika dagin og gera hann ógloymandi. Gleðilig jól og eitt gott nýggjár Heilsan Dorit og Egin Simonsen Okkara kæra mamma, omma, langomma og ver- mamma Marjun Lamain fødd Niclasen svav stillisliga inn í heiminum hósdagin 13. desember 69 ára gomul. Bønarhald verður í Samuelskirkjuni leygardagin 15. desember kl. 11. Jarðarferðin verður lýst seinni. Familjurnnar vegna Jona, Zacharias, Turid og Randi www.sosialurin.fo