mikudagur 19. desember 2007síða 17

Nr. 246 - 19. desember 2007 17 tíðindi Nú kann hin gløggi, hin snildi og hin hepni sita við sama borð. Og allar talent­ irnar koma til sín rætt SPÆL Heri Simonsen heris@sosialurin.fo Í ítrótti og tónleiki verða talentini ofta umrødd. Mangul uppá talentir, røkt av talentum, at finna tey røttu talentini. Uttanlands hava teir talentspeidarar, menn og kvinnur, sum fara til alskyns ítróttartiltøk, fyri at vita, um ikki onkur bólt­ snillingur er at finna. Hiln­ ast væl hjá t.d. einum ítrótt­ arfelagi, so verður tosað um eina “Talentfabrik”. Fabrikkin liggur kanska í Kina, men hesuferð er Talent´ið at finna í Føroy­ um. Nýggja spælið hevur fingið sítt snið og skap í Klaksvík. Eitt frískligt ný­ brot seinastu árini er, at vit hava fingið føroysk spøl. Fyrst fingu vit Landastrok, síðani komu Kánus og Manna. Landastrok er tengt at almennu vitanini um fost­ urlandið. Kánus er tengt at málinum, og Manna er tengt at Halgubók. Talent er tað higartil breiðasta spælið, sum er upphugsað í Føroy­ um. Spælið tekur útgangs­ støðið í Føroyum, og higani fer ein til grannalondini. Áhugin drívur spæligleðina Tað er áhugin og ynski um at læra nakað, og at menna seg, sum drívur hugin hjá teimum, sum hava keypt Talent. Og sum ger, at tey spæla tað upp til fleiri ferðir um vikuna. “Spælið hevur selt javnt og samt um alt landið.” sigur ein annar av stigtakarunum, Palli Ziska­ son. Palli hevur víst spælið fyri fremmandafólki. Bæði norðmenn, póllendingar og týskarar gjørdust sera for­ vitnir, og hugtiknir av spæli­ num. Hin stigtakarin, Stein­ tór Rasmussen veit eisini at siga frá kinverjunum, sum hava framleitt spælið, at teir halda tað verða sera forvitnisligt og hugvekjandi. Palle heldur, at kinverjarnir vóru so hugtiknir av spæli­ brettinum, sum symboliserar bláa havið og kuldan. Heimasíðan hjá Talent hevur eisini havt nógvar vitjanir, úr øllum Evropa, og eisini úr Fjareystri. Men tey, ið vitja á heimasíðuni, eru primert føroyingar. Ansni og dugnaskapur Ein av mongum lærdómum í Talent, er at tey sum spæla við í spælinum, læra at rutta við tí peninginum tey hava. Man krevur at disponera peningin rætt. Hepnið spæl­ ir eisini inn, sum tað jú eisini ger í veruliga lívinum. Eins og í veruliga lívinum, so kann onkur, ið er ribbað­ ur fíggjarliga í spælinum, velja at fara til skips fyri at koma undan aftur. “Timing og netverk hava eisini týdn­ ing her” leggur Steintór dent á. Tað er týdningar­ mikið hjá einum Talent­liði at síggja dygdirnar hjá hvørjum øðrum. Spælið leggur upp til klassisku bíblisku meginreglina, at ein nýtur tær gávur ein hev­ ur fingið. Stigtakarnir leggja eisini dent á, at tey ynska at menna sjálvsálitið hjá teimum, ið spæla Talent. Tí verður ikki bara buldra út við tungvektara­spurn­ ingum. Fólk, sum eru stinn innan tankar, logikk, tekn­ ing og at evna koma eisini til orðanna í Talent. Stig­ takarnir hava greitt peda­ gogiskt frá reglunum, so eingin skal misskilja teir. Palli og Steintór vóna eisini, at spælið kann verða ein íblástur til kjakið um Pisa­ kanningina. Ferðast eftir vali Meðan farleiðin er rættuliga bundin á øðrum spælibrett­ um, so er ferðafrælsið størri á Talent­spælibrettinum. Londini, sum figurera á spæli­brettinum, eru lond­ ini, sum Føroyar hava mest samvinnu og samhandil við. Spurningarnir, sum verða spurdir í spælinum eru úr Grønlandi, Íslandi, Bretlandi, Noreg, Svøríki, Finnlandi, Danmark, Týsk­ landi, Týsklandi og Føroy­ um. Lagt er upp til, at tey sum spæla Talent býta seg upp í lið. Ein litríkur tern­ ingur hoyrir til spælið. Er ein so heppin, at terningurin vísir eitt flogfar, so kann ein fara til ein høvuðsstað eftir egnum vali. Fellur lut­ urin á eitt skip, so kann liðið sigla eftir teimum bláu linjunum á spælibrettinum. Eisini í hesum førinum ger liðið av, hvørt tey fara til Íslands, Noregs, Danmarkar ella til Bretlands. Fellur lut­ urin á bilin, so kann liðið koyra innanvert landamark­ ið. Í Føroyum millum Klaks­ vík og Tórshavn. Fjórði møguleikin er, at terningurin vísur eina stjørnu. Tá skal liðið taka eitt kort úr bunk­ anum, sum nevnist “Stjørnu­ skot” og fylgja boðunum. Liðið sleppur ikki at ringla um aftur, tá tað fær stjørnu. Annars sleppa liðini altíð at ringla um aftur, tá tey svara rætt ella loysa ásettu upp­ gávuna. »Flaggspurningar« Ein lítil felagsnevnari er við “Matador”, nevnliga eitt byrjunnarfæ. Hvørt lið­ ið fær 64 gyllin tá spælið byrjar. Er liðið komið fram til t.d. Bretlands, so fær liðið ein sonevndan “Flagg­ spurning”. Her skal liðið svara einum spurningi um eitthvørt forvitnisligt í Bret­ landi. Verður svarað rætt, so setur liðið oljutilfeingið í ein av sínum haldarum, og tey seta á tilfeingismerki við Aberdeen. Hetta merkir so, at liðið eigur oljuna í Bretlandi. Tá so hini liðini vitja Aberdeen skulu tey gjalda eitt ávíst gjald til lið­ ið, sum eigur oljuna í Aber­ deen. Hvørt liðið skal royna at savna teir seks bók­ stavirnar í T­A­L­E­N­T. Nú renna tennirnar í vatn hjá onkrum spælihugaðum. Men ráð er fyri tí. Allir spælireglarnir eru at finna á www.talent.fo. Men ein er best tæntur við at keypa spælið sjálv/ur. Tó er møgu­ ligt at spæla eina netútgávu á www.talent.fo Ikki fastar katagoriir Steintór Rasmussen sigur, at grundhugsanin við spæli­ num er, at tað ikki skal verða eitt spæl við føstum katagorium. Ein fær avbjóð­ ingar, í mun til tað landið ein kemur til í Talent­spæli­ num. Ein hevur eisini møgu­ leikan at ferðast har, sum vitanin hjá einum er. Um ein t.d. er sterkur innan norsk viðurskifti, so velur ein at fara tann vegin. Umframt hetta, er eisini talan um eitt spæl, sum opn­ ar fyri teimum kreativu evn­ unum. At ein skal læra at síggja ríkdóm og tilfeingið. Ein skal eisini læra at fáa nakað burtur úr virðisbræva­ marknaðinum. Virðini í Talent liggja í somu londun­ um, sum tey liggja í veruliga Heiminum. Bilídnaðurin liggur eisini í Týsklandi, Træídnaðurin liggur eisini í Finnlandi o.s.fr. “Talent er ikki eitt uppslagsverk. Men vit hava fingið inn í spælið; áhugaverdar spurningar, gátur og avbjóðingar.” sigur Steintór. Góð samvera Kappingarelementið er sjálvsagt í Talent. Men ideal­ ið fyri spælið er góð sam­ vera, samanhald, og ein góður liðandi. Men eins og í fótbólti, so kunnu luttak­ arnir leggja støði eftir tørvi. Stigtakarnir fáa eisini aftur­ meldingar frá fólki, sum bæði hava tað sum ein hugnaliga kapping, og øðr­ um sum ganga hægri uppí kappingina. Heldur spælið fram á sigursferð sínari kring landið, er ikki óhugs­ andi, at stigtakarnir koma við nýggjum spurningum og avbjóðingum. Tá er spælibrettið jú longu tøkt í fleiri heimum. Men Palli og Steintór vóna, at tey kunnu gerast fleiri enn. Við hetta lag verður eingin føroyingur Talent­leysur. Talent: Vit hava ymiskar gávur Nýggja føroyska borðspælið, Talent, er fyri vaksin børn og barnslig vaksin