hósdagur 20. desember 2007síða 16

16 Nr. 247 - 20. desember 2007 Tøkk Hjartaliga takki eg tykkum øllum, sum við gávum, blómum, telefonsamrøðum, fjarritum og vitjanum, gleddu meg á 80 ára føðingardegnum 4. juni 2007. Somuleiðis ynski eg ætt og vinum eini gleðilig jól og Harrans signing í komandi árið. Kærar heilsur Hansa Petersen, Oyndarfjørður Tøkk Í samband við silvurbrúðleyp okkara 30. okt. og veitsluna 3 nov. takka vit tykkum øllum, sum vórðu við til at gera dagarnar til nakað serligt fyri okkum. Takk fyri morgunsang og góðan morgunmat, gávur, talur, sangir, telegrammir, uppringingar og øllum tykkum, sum á ein ella annan hátt vórðu við til at gera dagin so hugnaligan, takka vit hjartaliga. Somuleiðis vilja vit ynskja øllum gleðilig jól og eitt gott nýggjár. Ynskja Poula og Hans Petur Ellingsgaard Tøkk Øllum tykkum, sum á ymiskan hátt mintust meg á 80 ára føðingardegnum tann 5. desembur veiti eg mína hjartans tøkk og við ynskjum um eini gleðilig jól og eitt gott nýggjár. Vinarligar heilsanir Daniel Jacob Nielsen Tøkk Øllum tykkum, ið á ymiskan hátt gleddu meg á 85 ára degnum, takki eg hjartaliga. Aðalbjørg Somuleiðis ynskja vit ætt, vinum og kenningum eini gleðilig jól og eitt av Harranum signað nýggjár. Bestu heilsanir Aðalbjørg og Sigurd Í dag, hósdagin 20. desem­ ber, verður Haldgrím Gregersen í Syðrugøtu 75 ár. Hann er kendur sum for­ maður í GÍ, umsjónarmaður í ítróttarhøllini á Kambsdali og longri afturi sum arbeiðs­ formaður í fiskaarbeiðnum í Gøtu. Foreldrini vóru Maria fødd Hansen uttan av Rætt í Syðrugøtu og Martinus í Inniguttastovu, sum sat við Guttastovufestinum. Tey fingu fýra børn: Haldgrím, Hans Dávid, sum býr á Glyvrum, og sum í mong ár var tiltikin skipari á Stapan­ um hjá toftamonnum, Óluvá Jakobsen í Syðrugøtu og Arnfríð Jacobsen sum býr í Ballinge á Skive leið­ ini í Jyllandi. Tríggjar vikur eftir at hann var farin úr skúlanum, fór Haldgrím til skips. Hann sigldi í fimm ár. Hug­ urin var góður, og ætlanin var at halda fram á sjónum, men soleiðis varð tað ikki. Haldgrím upplivdi alla ta stóru broytingina og menn­ ingina, sum fiskivinnan á sjógvi og landi fór ígjøgnum í tíðini eftir kríggið. Hann var við Føroyingi, sum Óla Hans Olsen í Syðrugøtu førdi og Dánial Jákup í Skipshandlinum átti. Hetta var við snøri og í sjálvdrátti. Við sama skipara var hann í Grønlandi við Tinganesi. Partafelagið Norðlýsið átti, og Niels Juel Arge var út­ gerðarmaður. Felagið átti eisini Glyvursnes. Henda trí­ mastraða skonnartin sigldi við koli, sementi og øðrum millum Føroyar og Dan­ mark. Bernhard Arge var skipari, og í tveir vetrar var Haldgrím við. Hann plagar at taka til, at hetta var óførur lærdómur og mest sum átókt at vera í militerinum. Haldgrím var eisini við Svínoynni, sum Jóhannes Husgaard førdi. Tá ið Haldgrím var 22 ára gamalur, bað Jóan Pauli Gregersen hann til arbeiðs­ formann, og í tí starvinum var hann í 32 ár. Teir vóru tveir arbeiðsformenn, sum samstarvaðu hendinga væl øll hesi árini. Hin var Sverri Hansen, sáli. Virksemið var í Syðrugøtu, Norðragøtu og Gøtugjógv, og tað var fjøl­ táttað. Teir arbeiddu fisk, sum fyrstu árini varð breidd­ ur út á helluni og seinni turkaður á nýmótans turk­ aríi, teir arbeiddu sild, sum varð saltað í tunnur og eisini breidd til mjøl, og gøtumenn vóru millum teir fyrstu, sum frystu flak. Tá ið ítróttarhøllin á Kambsdali varð tikin í nýtslu í 1983, gjørdist Hald­ grím umsjónarmaður, og í tí starvinum var hann, inntil hann legði frá sær fyri ald­ ur. Í kirkjuráðnum var hann í seytjan ár. Haldgrím hevur altíð ver­ ið sera áhugaður í ítrótti, og hann var við, tá ið GÍ varð endurstovnað í 1954. Tey fyrstu árini snúði tað seg ser­ liga um kappróður. Skurðin við gentum vann nógv, og tað gekk eisini væl hjá 8­ mannafarinum Tróndi í Gøtu. Í 1965 varð fótbólts­ vøllurin í Sarpugerði tikin í nýtslu. Hann varð gjørdur á økinum, sum gøtufólk løgdu burturav til ítróttarøki, tá ið tað varð skift út í 1947. Tey fyrstu árini vóru stetl­ andi hjá GÍ, Gunnari Thom­ sen, Haraldi Hammer, Haldgrími og øllum hinum í Gøtu. Tá ið tað verður hugt aftur á fótbóltsavrikini í Gøtu, so verður íslending­ urin Gisli nevndur. Hann var venjari miðskeiðis í sjeyti árunum. Teir vunnu unglingadeildina, fóru við ferð upp ígjøgnum deildir­ nar, og í 1983 vórðu teir fyrstu ferð meistarar. Tað hava teir síðani eisini verið í 1986, 1993, 1994, 1995 og í 1996. Haldgrím plagar at taka til, at hetta var púra óhugs­ andi, tá ið vøllurin varð tik­ in í nýtslu. Gamli Poul Enok spurdi eina ferð Hald­ grím, um hann helt, at gøtu­ menn nakrantíð fóru at verða so góðir sum klaks­ víkingar. Tá var hetta púra veruleikafjart! GÍ og fótbólturin hava givið Haldgrím og konuni nógvar upplivingar og vinir heima á landi og eisini runt um í Europa í sambandi við altjóða avbjóðingarnar. At sita á Ibrox í Glasgow og síggja GÍ spæla ímóti Rang­ ers mundi kennast sum tind­ urin í hesum. Fleiri av per­ sónunum, sum gøtufólk tá hittu, samskiftir Haldgrím framvegis við. Haldgrím er heiðraður við gullmerkinum hjá ÍSF, GÍ hevur gjørt hann til heið­ urslim, og hann kendi tað sum serliga stórt herða­ klapp, tá ið FIFA í sambandi við 100 ára føðingardagin handaði honum heiðurin Order of merit. Á gullkrón­ uni stendur skrivað: In recognition of your dedication to football. Í 1958 giftist Haldgrím Hallgerð Vágsheyg úr Klaksvík. Tey fluttu beinan­ vegin í húsini, og har hava tey búð síðani. Hallgerð hevur altíð verið Haldgrími stórur stuðul, og nú sigur hann seg einki kunna uttan konuna. Tey bæði eiga fýra gentur: Maria (1959) í Syðrugøtu, Kirsten (1962) í Rituvík, Randi (1965) á Argjum og Jónvá (1969) í Guttastovu í Syðrugøtu. Yngsta dótturin og maður hennara Atli F. Hansen hava nú festið, men tað er næstan ikki dagur, at Haldgrím og ofta eisini Hallgerð síggjast í bilinum innanfyri Gøtueið, har hagin er. Umframt seyð­ in so eygleiða tey náttúruna, og Haldgrím plagar at siga, at hann mest sum hvønn dag upplivir okkurt nýtt. 75 ára føðingardagurin verður hildin hjá dóttrini í Rituvík leygardagin klokk­ an 18. J Haldgrím Gregersen 75 ár Sangløta í Ebenezer tollaksmessu­dag Sunnudagin, 23. desember kl. 17, verður fjølbroytt sangløta í Ebenezer. Sangkórið og manskórið fara at syngja nakrar sangir, sum flest allir umrøða føðing frels­ arans. Eisini verða felagssangir á skránni. Sunnudagin 23. desember frá kl. 12 – 13 skipar sam­ koman Lívdin fyri eini jola­ løtu við nógvum tónleiki í Hoyvíkar skúla. Tey sum framføra eru Jóhan Magnus úr Salt, Petur og Sanna, Bjarni Jøkladal og lovsongsbólkurin í Lívd­ ini. Eisini sunnudagsskúla­ børnini framføra og ein hug­ leiðing um gleðiboðskapin verður. Jólaløta í Hoyvíkar skúla nøvn Petur Háberg