fríggjadagur 28. desember 2007síða 8

8 tíðindi Nr. 250 - 28. desember 2007 Ikki pláss í rúmdini Tey seinastu árini hava nakrir ríkmenn brúkt ovurhonds nógvar pengar til at sleppa eina ferð út á altjóða rúmdarstøðina ISS, men nú fer hesin parturin av ferðavinnuni at nærkast endanum. Orsøkin er, at í 2009 skal ein rúgva av nútímans tøkni setast upp umborð á rúmdarstøðini. Tað fer at krevja, at seks fólk skulu búgva á støðini at kalla alla tíðina, og so er ikki pláss fyri nøkrum ferðafólki har, sigur Anatolij Perminov á russisku rúmdarumsitingini. Hann sigur, at áhugin fyri at sleppa eina ferð út í rúmdina er framvegis stórur. Poul Michelsen er firtin, tí hann saman við øðrum politik­ arum kendi seg koma undir illgruna í tíðindasending í útvarpinum fyri svik í sambandi við rindan av valstríði. Heðin D. Poulsen skuldsetir ikki Poul Michelsen persónliga, men fastheldur, at privatar fyritøkur rinda partar av val­ stríði hjá summum politikarum Valstríð Kári Mikkelsen karim@sosialurin.fo »Tað er vælkent, at politik­ arar senda rokningina fyri valstríðið til fyritøku sína, og tað er vælkent, at politikarar fáa fíggjarligan stuðul frá fyritøkum«. Hesi orðini átti Heðin D. Poulsen í eini tíðindasending 21. desember, har Annita á Fríð­ riksmørk eisini luttók og kom við líknandi útsøgn. Tey bæði eru uppstillaði fyri ávikavist Sjálvstýris­ flokkin og Tjóðveldi. Hetta hevur fingið ilt í Poul Michelsen úr Fólka­ flokkinum, sum í politiskari viðmerking í blaðnum í dag skrivar, at hann heldur hetta vera álvarsligar ákærur. »Heðin D. Poulsen sigur, at hann umvegis sítt polit­ iska arbeiði veit, at fyritøkur stuðla politikarum, men at tað av góðum grundum ikki kann dokumenterast. Annita er heldur varðin og sigur, at hon hevur varhugan av, at politikarar, sum hava egið virki, ikki gjalda valstríðið sjálvir, men lata fyritøkuna gjalda«, skrivar Poul Michel­ sen. Víðari stendur í viðmerk­ ingini hjá løgtingsmann­ inum hjá Fólkaflokkinum: »Av tí at eg eigi egið virki og tí má vera millum teir politikarar, sum eru undir illgruna um svik, vil eg krevja av Dánjali Højgaard (sum gjørdi samrøðuna við tey bæði, blm.), Annitu á Fríðriksmørk og Heðini D. Poulsen, at tey gera henda pástandin haldfastan. Tað kann ikki vera rætt, at hesar skuldsetingar móti virkis­ eigarum, sum eru politik­ arar, skulu sleppa at hanga í leysari luft. Tað kann heldur ikki vera rætt, at eg sum virkiseigari skal út at reinsa meg mótivegis skuldseting­ um, sum nakrir politikarar seta fram bert fyri at skaða aðrar og fyri at vinna sær sjálvum fyrimunir í valstríð­ num, og hetta ókeypis hjálpt av almenna útvarpinum.« Sosialurin hevur vent sær til Heðin D. Poulsen, sum er løgfrøðingur, og spurt hann, hvat hann leggur í sín­ ar útsagnir í útvarpinum: ­ Hetta er ikki nakað álop á nakran einstakan politik­ ara. Eg vísi bert á, at vit í Føroyum mangla reglur á hesum øki. Tað er absolutt eingin trupulleiki, at fyri­ tøkur stuðla valevnum, men trupulleikin er, at ongin upplýsingarskylda er fyri slíkum, sigur Heðin D. Poul­ sen. Hann heldur tað vera gott at fáa varpað ljós á hendan spurningin um at fáa gjøg­ numskygni í fíggingina av valstríðnum. Heðin D. Poulsen sigur seg vita fyri vist, at í sam­ bandi við lýsingaherferðir hjá onkrum fyritøkum verð­ ur oftani ein minni upphædd brúkt til at hjálpa einum flokki ella avísum valevni. ­ Eg haldi ikki, at tað er nakað skeivt í hesum, men trupulleikin er, at hetta ikki er alment kent. Eg ákæri heldur ikki Poul Michelsen fyri at gera sær dælt av hes­ um, men sum løgtingsmaður við nógvum árum á baki kundi hann havt gjørt sítt til at mana hendan trupulleikan í jørðina við at lagt lógar­ uppskot fram, sum álegði flokkum og valevnum at uppgeva, um teir stuðla val­ evnum. Til dømis ígjøgnum Toll­ og Skatt, sigur Heðin D. Poulsen. Stríð um hvør rindar valstríð – Í Danmark og Bretlandi hava valevnini skyldu at upplýsa, hvør fíggjar valstríðið hjá teimum. Hetta áttu vit eisini at havt í Føroyum, sigur Heðin D. Poulsen, valevni hjá Sjálv­ stýrisflokkinum Savnsmynd – Fólk í almennum starvi, sum her er talan um, skylda fólki, sum ikki livur av almennum pengum eitt sindur størri virðing, sigur Poul Michelsen, løgtingsmaður og valevni hjá Fólkaflokkinum Savnsmynd