mikudagur 2. januar 2008síða 22

22 vinnan Nr. 1 - 2. januar 2008 Atlantic Petroleum átti ta størstu virðis­ hækkingina á parta­ brævamarknaðinum í Reykjavík í fjør, og Føroya Banki átti tað minsta fallið ??? Árni Joensen arni@sosialurin.fo Atlantic Petroleum var tað felagið, sum stóð seg nógv best á tí íslendska virðis­ brævamarknaðinum í 2007. Virðið á partabrøvunum í felagnum vaks heili 258 prosent, og tað var nógv meiri enn nakað annað felag. Á næsta plássi kom íslendska felagið Vinnslu­ stöðin hf, hvørs partabrøv hækkaðu 89 prosent í virði, og nummar trý var felagið Nýherji, sum hækkaði 52,63 prosent. Hini trý føroysku feløgini, sum eru skrásett í Kauphöll Íslands, fullu øll í virði í fjør. Størsta fallið høvdu partabrøvini í Eik Banka, sum fullu 26,24 prosent, síðani kom Atlantic Airways við 8,49 prosentum, og minsta fallið átti Føroya Banki, hvørs partabrøv minkaðu 3,17 prosent í virði í fjør. Av teimum feløg­ unum, sum eru skrásett á marknaðinum í Reykjavík, og sum minkaðu í virði í fjør, átti Føroya Banki tað minsta fallið. Størsta fallið á marknað­ inum hevði Flaga Group við 67,56 prosentum, 365 hf minkaði 55,74 prosent, og SPRON, sum bleiv skrá­ sett seint á árinum, fall 51,69 prosent í virði. Tað kenda felagið FL­ Group lækkaði 42,82 pro­ sent. Hækkingar í 2007 P/F Atlantic Petroleum 257,89% Vinnslustöðin hf 88,89% Nýherji hf 52,63% Atorka Group hf 46,45% Alfesca hf 36,71% Landsbanki Íslands 33,96% Marel Food Systems hf 32,47% Tryggingarmiðstöðin hf 24,67% Teymi hf 9,80% Hf. Eimskipafélag Íslands 6,77% Kaupthing Bank 4,64% Icelandair Group hf 0,54% Century Aluminum Company 0,18% Fall í 2007 Flaga Group hf. 67,56% 365 hf. 55,74% SPRON hf. 51,89% FL Group hf. 42,82% Icelandic Group hf. 31,32% Eik Banki P/F 26,24% Straumur-Burðarás 13,22% Össur hf. 12,83% Exista hf. 12,22% Atlantic Airways P/F 8,49% Bakkavör Group hf. 6,40% Glintir banki hf. 5,79% Föroya Banki P/F 3,17% (Kelda: Vísir) Føroysk partabrøv hækkaðu mest og minkaðu minst í virði Virðisbrævamarknaðurin í Reykjavík (Mynd: Vísir) Tyngjandi upptøkur fella politikara Chua Soi Lek, heilsumálaráðharri í Malaysia, fór í dag frá, at tyngjandi sjónbandaupptøkur við honum og eini kvinnu sóu dagsins ljós í farnu viku. Upptøkurnar vísa hann og kvinnuna í kynsligari samlegu, og í gjár viðgekk Chua, at tað var hann, sum var á sjónbandaupptøkunum. 60 ára gamli Chua Soi Lek er giftur maður og pápi at trimum børnum. Tískil hava upptøkurnar av honum í song við fremmandu kvinnuni skakað Malaysia, sum í stóran mun er muslimskt. Sunda-skúlar felags nevnd Á seinasta bygdaráðsfundi fyri jól samtykti Sunda Kommuna at seta eina felags nevnd fyri skúlarnar í kommununi. Tað boð kommunan frá á heimasíðu sínari. Talan er um eina nevnd, sum skal síggja til, at hvør einstakur skúli í kommununi tekur fyrilit fyri kommunalu eindini, og har lagt verður upp til samstarv millum skúlarnar í mest møguligan mun. Nevndin verður sett saman av formonnunum í verandi skúlastýrum og umsitingin í kommununi fer at hava skrivarauppgávuna um hendi. Sunda Kommuna fer í næstum at venda sær til Eiðis kommunu viðvíkjandi Felagsskúlanum, so hann eisini kann gerast partur av ætlanini.