hósdagur 3. januar 2008síða 7

7 tíðindi Nr. 2 - 3. januar 2008 Ein sosialdemokrat­ iskur flokkur við eini sterkari religiøsari dimensjón. Tað var niðurstøðan, tá Mið­ flokkurin sum fyrsti flokkurin legði fram sína valskrá fyri komandi løgtingsval. Mest hugvekjandi var støða Miðfloksins um, at almennur stuðul til mentan og list einans skal latast til kristiligt virksemi LøgtingsvaLið Heini í Skorini heini@sosialurin.fo So legði fyrsti politiski flokkurin fram sína valskrá til løgtingsvalið tann 19. januar á parnassinum á Haf­ nia í morgun (hósmorgun). Ein fundur, sum var alt ov drúgvur fyri okkum, sum hava evstamark sama fyrra­ part, og sum hinir flokkarn­ ir vónandi taka hædd fyri á komandi tíðindafundum. Við 17 punktum gjøgn­ umgekk formaðurin Jenis av Rana tey mál, sum Mið­ flokkurin ynskir at arbeiða fyri í komandi valskeiði. Og flokkurin kann framveg­ is lýsast sum ein sosial­ demokratiskur flokkur við eini sterkari religiøsari dimensjón. Humanistiskar hóttanir »At bera tað merki, sum eyð­ kennir verkið, ið varðveitir Føroyar, mítt land«. Við hesum slagorðinum á stórskíggja markeraði Miðflokkurin, at høvuðs­ endamálið framvegis er at »verja absoluttu virðini á kristna grundstøðinum«, sum tað stendur at lesa undir punktinum »Tjóðar­ frælsi«. ­ Humanisman setir menn­ iskjuna í hásætið, men kristindómurin setur skap­ aran í hásætið. Miðflokkurin fer framhaldandi at berjast ímóti humanistisku lívs­ áskoðanini, segði Jenis av Rana. Formaðurin ávaraði ímóti tí ávirkan, sum kemur uttanífrá, og sum í fremsta punktinum í valskránni kemur til sjóndar, tá Mið­ flokkurin skrivar, at alheims­ gerðin má ganga báðar vegir. ­ Vit taka ímóti øllum, sum kemur uttanífrá, og avnokta samstundis okkara egna ríka arv. Tað er sum at síggja ein hund, sum legst fyri øllum, sum kemur framvið. Miðflokkurin trýr á egin virði og egið grundar­ lag, segði Jenis av Rana. Sami boðskapurin kom til sjóndar í sambandi við rúsdrekkalógina, har tað stendur at lesa, at »nú­­ verandi liberaliseringskós má vendast«. ­ At Smyril fekk skeinki­ loyvi, og at tað nú er loyvt at skeinkja uttandura í ávís­ um støðum, er enn eitt dømi um, at tað er brúk fyri einum flokki sum Miðflokk­ inum. Kristiligt tjóðarfrælsi Miðflokkurin er framvegis ein loysingarflokkur, men Jenis av Rana legði dent á, at hansara fullveldis­ verkætlan ikki er tann sama sum hon hjá Tjóðveldi. ­ Okkara tjóðarfrælsi byggir á føroyska grund, meðan Tjóðveldi í alsamt størri mun byggir á eitt danskt virðisgrundarlag, sum undirgrevur tann kristna siðaarvin, segði Jenis av Rana. Um hetta í praksis merkir, at hesir báðir flokkarnir ikki longur kunnu samstarva um fullveldisspurningin, soleiðis sum flokkarnir áður hava gjørt, kom Jenis av Rana ikki nærri inn á. Men at formaður Mið­ floksins tók sær stundir at taka frástøðu frá Tjóðveldi, er enn eitt dømi um, at tónin millum flokkarnar er harðnaður. Um Tjóðveldi aftur skal í samgongu, er ikki ósannlíkt, at flokkurin fær brúk fyri teimum tveim­ um ella trimum mandatun­ um hjá Miðflokkinum, og tí verður áhugavert at síggja, hvussu viðurskiftini millum hesar flokkar fer at laga seg. Almennur peningur til kristiligt virksemi Miðflokkurin leggur undir punktinum »Mentan og frítíð« dent á, at almennur peningur í samband við stuðul til mentan og list einans skal latast til virk­ semi, sum byggir á kristna grund. ­ Hvat fólk finna uppá privat, kann politiski mynd­ ugleikin ikki gera so nógv við, men tá vit fara eftir skattaborgarans peningi, skal peningurin sjálvsagt nýtast til virksemi, sum føroyingurin kann taka undir við. Tí hevur Mið­ flokkurin eitt greitt mál um, at stuðul til mentan og list skal byggja á nøkur krøv, sum liva upp til og samsvara okkara kristna grundstøði, segði tinglimur Miðfloksins Bill Justinussen undir tíðindafundinum. Ein mentanarpolitikkur, sum sambært Bill Justin­ ussen merkir, at ein bóka­ útgáva sum hon hjá Hans Andrias Sølvará, »Guds orð ella orð um Gud«, ikki skal fáa almennan stuðul. Sosiali profilurin Umframt sjónligu átrúnað­ arligu dimensjónina er val­ skráin hjá Miðflokkinum eyðkend av einum sterkum sosialum profili. Millum tey seytjan punktini, sum flokkurin í morgun legði fram, fekk almannapolitikk­ ur, heilsupolitikkur og fam­ iljupolitikkur stórt rúm, og flokkurin ynskir aftur at skipa familjupolitikk undir egið málsøki. Samanumtikið heldur flokkurin fram í tí kós, sum áður hevur eyðkent Mið­ flokkin, og sum byggir á eina kombinatión av einum sosialum profili við eini sterkari religiøsari dimen­ sjón. Dansa 13. kvøld Dansifelagið Tøkum Lætt skipar 5. januar fyri 13. kvølds dansi í Sjónleikarahúsinum í Havn. Í stuttum skrivi boðar nevndin í Tøkum Lætt frá, at tey hava bæði gólv og pall, so pláss er bæði fyri at dansa og at hvíla beinini, sum tey taka til. 13. er 6. januar, sum er ein sunnudag. So fyri at fáa dansin at fella á leygarkvøld, verður dansurin altso 5. Ritan í minking Ritan minkar í bjørgunum í Føroyum. Tað er eisini galdandi fyri bjørgini í flestu Norðurhøvum, og seinastu fýra árini hava verið serstakliga ring. Orsøkin er helst, at hevur verið ov lítið til av nebbasild. Hetta boðar Fiskirannsóknarstovan frá. Síðani 1988 er á hvørjum ári talt, hvussu nógvir rituungar í miðal komu undan fyri hvørt reiður í Høvdanum í Skúgvi. Hesi úrslit vísa at árini eru sera misjøvn. Bara 55 % av ritupørunum fáa ein unga á hvørjum ári, og tað er ov lítið til at halda stovninum í javnvág. Men ein partur av teimum pisunum, sum blivu floygdar tey góðu árini 1999­2002, eru uppi í búfuglastovninum nú. Tað gevur vón um, at ritustovnurin kann menna seg aftur, sigur Fiskirannsóknarstovan. - Stuðul til mentan og list skal einans latast til virksemi, sum byggir á eitt kristiligt grundarlag, segði Bill Justinussen, tá Mið- flokkurin í morgun legði fram sína valskrá fyri løgtingsvalið. Her situr Bill undir liðini á partamanninum Karsten Hansen Mynd: Jens Kristian Vang 16 Almennur stuðul einans til kristiligt virksemi