fríggjadagur 4. januar 2008síða 20

20 Nr. 3 - 4. januar 2008 Nú eru fýra mánaðir síðan omma okkara slóknaði eftir eitt langt lív. Omma okkara vaks upp á Válinum. Foreldur henn­ ara vóru Hanna og Kristian Olsen. Omma vaks upp í stórum systkinaflokki. Hon var triðelst av 11 systkjum. Omma giftist við abba okkara Vilhelm Olsen, eisini ættaður av Válinum. Tey fingu 6 børn og tóku 2 onnur til sín. Omma gjørdist einkja í 1985, tá abbi brádliga doyði. Omma fekk nógvar eftirkomarar, uppaldi 8 børn, sum viðførdi nógv ommu­ og langommubørn. Omma var so heppin at liva so høgan aldur við góðari heilsu og síggja bæði ommu­ og lang­ ommubørn vaksa upp. Omma var eitt ógvuliga róligt og toli menniskja. Alt, ið omma tókst við, var handfarið róliga og stillis­ liga, men nógv kom burt­ urúr. Omma var ógvuliga lítillátin, gjørdi lítið burtur úr sær sjálvari. Orðatakið sigur: »Har tað er hjartarúm er eisini húsarúm«. Tað kunnu vit sanniliga siga um heimið hjá ommu. Hóast húsini eru smá, hava vit altíð øll somul rúmast har, uttan at geva okkum far um, at tað í roynd og veru er so lítið pláss. Vit minnast øll væl, tá vit sum børn, komu út á Vál at ferðast. Ofta vóru vit fleiri, ið komu í senn, og tað kundi verða rættiliga lívligt, men við sínum róliga lyndi setti hon okk­ um upp á pláss, hóast hon ongantíð skeldaði. Sigast kann, at omma var ein rættiliga góður pedagogur. Hesi seinastu árini hevði omma fastan bústað hjá dóttrini Dinnu og versoninum Jóhan í Kvívík. Har treivst omma væl og kendi tað sum sítt annað heim. Nú omma var viknað, vóru Dinna og Jóhan henni ein góð hjálp. Hetta eru vit øll sera takk­ som fyri. Omma flutti á sambýlið í Vestmanna í januar 2007. Har hevði hon tað gott og kendi fólkini, ið vóru um hana, umframt at Dinna, ið arbeiðir har, var um hana næstan dagliga. Ikki vardi tað okkum, tá omma bleiv sjúk í summar, at hennara lívsskeið var at enda komið, tí hóast omma var ússalig av og á, hevur hon altíð vunnið á sjúkuni. Men nú vildi Harrin hava ommu heim í ævigu bústaðirnar. Nú á jólum kendist eitt rómrúm, nú omma ikki er ímillum okkum meira. Tað var undarligt ikki at fara inn til Dinnu og Jóhan á jólum at heilsa uppá ommu og bera henni jóla­ pakkan, ið hon var so gleð fyri, og sum hon gleddi seg sum eitt smábarn at pakka upp. Saknurin eftir ommu er stórur, men minnini eru rík. Ærað veri minnið um okkara elskaðu Vál­ ommu. Bjørg, Vilhelm, Bina, Marjun og Jórun Minningarorð um ommu okkara Magdalenu Olsen (Vál-omma) fødd 29.09.16 · deyð 17.08.07 Dagurin 5. januar. Símeon. Halgimenni úr Kilikiu í Lítluasia, sum doyði í árinum 459. Fekk navnið Stylites, tá ið hann í 422 fekk sær tilhald á einari 6 alin høgari súlu. Súla eitur stylos á grikskum. Hebráiska navnið Shimon er av somu rót sum navnið Sámuel og merkir lítli Sámal. 6. januar. Trettandi dagur jóla. Trettandi verður hildin til minnis um vísmenninar úr Eysturlondum, sum komu at tilbiðja nýfødda jødakongin. 6. januar var í forn­ kirkjuni hildin sum føðingardagur Krists og var róptur Epifania Domino (opinbering Harrans). Tá teir í 4. øld semjast um 25. desember sum føðingardagin, verður 6. januar trettandi dagur jóla. 7. januar. Knútur hertogi. Talan er um sonin hjá danska konginum Erik Ejegod. Hann varð myrdur av systkinabarni sínum Magnusi henda dag í 1131. Í danskari søgu verður hann róptur Knútur Lávardur, ið er sama orðið sum tað enska lord, ið merkir harri. Knútur varð skírdur halgimenni í 1169. Navnið Knútur er kanska upprunaliga norrønt og merkir júst knútur, brúktur sum eyknevni. Ella kanska er tað gamalt týskt navn: hin (hug)djarvi. Kunngjørt verður fyri ætt, vinum og kenningum, at okkara høgt elskaða kona, mamma, vermamma, omma og langomma Sonja Magreta Olsen ættað úr Skúvoy, búsitandi í Miðvági andaðist á Landsjúkrahúsinum mikumorgunin 72 ára gomul. Bønarhald verður í Landsjúkrahúskapellinum fríggjakvøldið kl. 18 Jarðarferðin verður leygardagin kl. 13 úr Miðvágskirkju. Familjunnar vegna Hans Jacob Marianna, Christian og Jónfinn v/familjum Tey sum vilja minnast Sonju kunnu lata Diabetisfelag Føroya eina gávu. Konta í peningastovninum Kunngjørt verður at Alex Lundgaard Benzon á Sandi vanliga nevndur Alex í Toppigarðinum andaðist leygardagin 29. des. 2007, 71 ára gamal. Jarðarferðin verður úr Sands kirkju leygardagin 5. jan. kl. 13.00. Familjunnar vegna Gudrun Jacquelina og Kamilla Tey, sum vilja minnast Alex, kunnu lata eina gávu til Hjartafelagið. nøvn Tøkk Hjartaliga takka vit øllum tykkum, sum sýndu okkum samkenslu og hjálpsemi, tá ið elskaði maður, pápi, verpápi og abbi okkara Tollakur Petersen Bøur brádliga andaðist og varð jarðaður. Tøkk til Ingu Dahl, prest, fyri troystarrík orð í kirkjuni. Tøkk til tykkum øll, sum bakaðu køkur og á ymiskan hátt hjálptu til við jarðarferðini og ervinum. Tøkk til berarar, sangarar, kirkjutænarar og gravarar. Tøkk til starvsfelagar á Ellisheiminum. Tøkk øll tit, sum mintust hann við kransum, blómum, peningagávu, og tøkk tit, ið hava vitja og ringt. Hjartaliga takka vit øllum tykkum, sum vóru í kapellinum, í kirkjuni og sum fylgdu honum til hansara seinasta hvíldarstað. Hjartans tøkk øll somul. Familjunnar vegna Solveig, Thora, Róin, Eva, Búi v/familjum Lesið Sosialin - so eru tit við