týsdagur 8. januar 2008síða 6

6 tíðindi Nr. 5 - 8. januar 2008 - Hølini eru ljós og nosslig, og ljóð- viðurskiftini eru framúr góð. Tað eru vit øll samd um, sigur deildarleiðarin í Runavík, Ingvard Lamhauge Skúlabygging Vilmund Jacobsen vilmund@sosialurin.fo Í gjár var fyrsti skúladagur hjá umleið 150 framhalds­ skúlanæmingum í tí parti­ num av nýggja skúlanum í Runavík, sum nú er lið­ ugur. Tá ið tú sært inn á skúla­ økið, er ikki lætt at síggja, at nøkur skúlagongd er her. Økið líkist einum byggi­ plássi, og tað er tað eisini, tí samlaða verkætlanin er rættiliga umfatandi. Men tá ið tú kemur suður í syðra enda, sært tú skjótt, at hesin parturin nú stendur liðugur. Átta skúlastovur eru lidn­ ar, trý bólkarúm, eins og rúmligur og væl útgjørdur skúlakøkur og stovur til træ­og maskinlæru. Enn er allur útbúnaðurin ikki kom­ in upp á pláss, men tað kem­ ur hann, sum dagarnir ganga. Tann parturin, sum nú stendur liðugur og er tikin í nýtslu, er soleiðis tann sunn­ asti parturin av skúlabygg­ ingini. Talan er um einar 1500 fermetrar tilsamans av sløk­ um 5.000 fermetrum, sum samlaða byggingin fevnir um. Sera væl nøgd Bæði lærarar og næmingar eru sera væl nøgd við hend­ an fyrsta partin av skúlanum í Runavík. Á stuttari vitjan í skúla­ num í gjár, vísti Ingvard Lamhauge, deildarleiðari, okkum snotuligu hølini, sum nú standa liðug. Høgt er til loft, og vítt er til veggja. ­ Hølini eru ljós og noss­ lig, og ljóðviðurskiftini eru framúr góð. Tað eru vit øll samd um, sigur deildarleið­ arin. Inni í skúlastovunum var stórur áhugi fyri nýggju og talgildu talvunum, og bæði lærarar og næmingar vístu okkum mongu og ymisku møguleikarnar við hesum talvum. Nógvir møguleikar Við nýggju talvunum er kritið farið í søguna. ­ Hvør einstøk talva er sett í samband við eina teldu, sum hevur netsam­ band. Forritini kunnu velj­ ast á telduni sjálvari, við mús ella við at nerta við val­ møguleikarnar á myndini, sum tú hevur uppi á talv­ uni. Tá ið vit vitjaðu, vóru vit eitt nú inni á gólvinum í skúlastovuni, har Ólavur Magnussen, lærari, undir­ vísti nøkrum næmingum í støddfrøði. ­ Um tú vilt, kanst tú goyma alt, tú skrivar upp á talvuna, antin tað er á teld­ uni – ella við “penninum”. Í øðrum lærugreinum kanst tú leita eftir tilfari á netinum og taka hetta fram á talvuni. Møguleikarnir eru næstan óavmarkaðir, siga bæði lærarar og næmingar. Ljós og lyklar Ljósini í nýggja skúlanum slókna av sær sjálvum, tá ið einki rørist í rúminum ­ og tey tendra aftur, tá ið tú kemur gangandi eftir gong­ ini. Tað eru soleiðis sensorar sum – eftir rørslum í rúm­ inum ­ stýra, nær ljósini brenna, og nær tey eru sløkt. Meðan vit vitjaðu, vísti Ingvard Lamhauge okkum eisini lyklarnar til ymisku rúmini, sum eru forritaðir til ymisku stovurnar. ­ Tú nertir bara lykilin við “lyklarholið”, so fer hurðin upp, sigur hann. Í nýggja skúlabygningi­ num eru eisini væl skipaði goymslurúm til skúlabøkur. Eingin gongur inni í skóm, og hetta kemur eisini at gera, at hølini altíð eru rein og nosslig. Í eini aðrari grein fara vit at venda aftur til hesa stór­ fingnu skúlabygging í Runa­ vík. Trivnaður og arbeiðsgleði Jóhanna Andreasen og Bergtóra Høgnadóttir Joensen skipa fyri tveimum fyrilestrum undi heitinum “trivnaður og arbeiðsgleði fyri øll” í januar. Fyrri fyrilesturin verður í annaðkvøld kl.19.30 á Margarinfabrikkini í Tórshavn. Seinni fyrilesturin verður hósdagin kl.19.30 í Virkishúsinum í Klaksvík . Jóhanna og Bergtóra starvast báðar sum HR­mennarir í Eik, men tær skipa eisini fyri fyrilestrum og undirvísing sum hava við starvsfólkaviðurskifti og trivna at gera. Høvi verður at seta spurningar og kjakast um evni. Tjenar meir enn Putin Jóannes Eidesgaard tjenar meiri enn russiski forsetin Vladimir Putin. Tað vil ein listi, sum kenda amerikanska blaðið Forbes hevur gjørt, vera við. Dimmalætting, sum hevur Forbes sum keldu, skrivar, at russiski forsetin Vladimir Putin tjenar 500.000 krónur um árið, men Jóannes Eidesgaard tjenar 700.000 krónur. Altso 200.000 krónur meiri enn russiski forsetin. Sambært hesum sama lista, er Lee Hsien Loong, forsætisráðharri í Singapore, er ovast á listanum við eini ársløn áljóðandi 11 milliónir krónur. Niðast á listanum og tann ríkisleiðarin við minst løn er Evo Morales í Bolivia. Hann fær einans 100.000 krónur um árið. Ólavur Magnussen, lærari, undirvísir í støddfrøði, meðan vit vitja. Nýggju talvurnar eru ein fongur fyri undirvísingina Mynd: Vilmund Jacobsen Syðri partur av nýggja skúlanum í Runavík er nú liðugur. Talan er um einar 1500 fermetrar av sløkum 5.000 fermetrum, sum samlaða byggingin fevnir um Mynd: Vilmund Jacobsen - Vit eru øll sera væl nøgd við nýggja skúlabygningin, sigur Ingvard Lamhauge, deildarleiðari Nýggjur skúlabygningur í Runavík