fríggjadagur 11. januar 2008síða 17

Nr. 8 - 11. januar 2008 17 Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. nøvn SAMBAND MAgNuS guNNArSSoN MAggi@SoSiAluriN.fo tlf 341800 fAx 341801 Heilsan til pápa okk­ ara Eivind Petersen úr Oyndarfirði á áttati ára føðingardegnum                                          Tað munnu vera mong, sum  hugsa  tað  sama  sum  vit.  Fyllir hann veruliga 80 ár? Tað  ljóðar  kanska  eitt  sindur  gamalt,  men  tað  er  tað ikki, tá vit hugsa um teg  góði pápi, tí tú ert akkurát –  ella  næstan  akkurát  –  tann  sami,  sum  tá  ið  vit  vóru  børn.  Altíð  klárur  at  fara  allastaðni, altíð við uppá alt,  og altíð í gongd við okkurt. Handilin hevur  verið  títt  lívsstarv, síðan tú var 14 ár,  og røkir tú enn hettar starv  hvønn einasta dag, nógv av  tíðini  einsamallur  ella  við  hjálp frá mammu. Tað sein­ astu  tíðina  hevur  tú   eisini  fingið góða hjálp frá abba­ dóttrini,  men  tað  ger  ikki  tað,  at tú tekur tær sjálvum  nakra fríløtu, tí, sum tú ert  vanur at siga ­  tá er so góð­ ur friður at “skriva” . Tað at  “skriva”  er  tað,  sum  vit  í  dag  kalla  at  føra  roknskap  og  so  annað  papírarbeiði  eisini.  Teldu  hevur  tú  ikki  fingið  tær,  so  alt  verður  skrivað  við  hond.  Rokni­ maskinu  nýtir  tú  næstan  ikki, tí tú roknar bæði mvg  o.a og telur saman í høvd­ inum, líka skjótt sum nøkur  maskina klárar. Tú byrjaði  sum klokkari  í kirkjuni fyrsta sunnudag í  advent í 1957, og ringdi tú í  uml. 47 ár. Í eini 30 ár røkti  tú hettar starv so gott sum  einsamallur, men  tey sein­ astu árini hava yngri kreftir  avloyst. Nú ringir tú einans,  tá  onkur  biður  teg, men  í  kirkjuni ert tú líka  trúfastur,  hóast  tú  nú  situr  á  aftasta  beinki,  inni  í  krókinum,  undir lampuni, fyri at síggja  betur í sálmabókini. Hvønn  sunnu­ og halgidag, eru  tú  og  mamma  í  kirkju,  og  er  prestur til staðar, so verður  hann  boðin  heim  við  til  døgverða. Í  1954  var  tú  valdur  til  formann í sjúkrakassanum,  sum tá kallaðist “Andefjord  sogn  og  bygden  Hellernes  sygekasse”.  Í  Andefjord  sogn vóru bygdirnar Oynd­ arfjørður, Elduvík og Funn­ ingsfjørður.   Í  20  ár  sat  tú  sum  formaður  í  hesum  sjúkrakassa, men tá lagt var  saman  við  Fuglafjarðar  Læknadømis  Sjúkrakassa,  vart  tú  valdur  í  nevndina,  og situr tú har enn í dag.  Í tey 20 árini, sum tú var  formaður,  var  sjúkrakassin  inni hjá okkum í Garðamørk.  Har  fór  mest  sum  øll  avgreiðsla   fram,  kanska  mest á stovuborðinum, með­ an  eitt  kamar  var  tikið  til  kontór at goyma papírir o.a. Tú hevur verið formaður í  kirkjuráðnum í mong ár, og  eisini hevur tú  verið í stýrin­ um fyri Missiónshúsið, har­ av  fleiri  ár  sum  formaður.  Har var tú eisini ein av teim­ um,  sum  hevði  sunnudags­ skúla, tá ið vit vóru børn.  Tú hevur lisið málararnar  av í Oyndarfirði næstan síð­ an  teir  vórðu  uppsettir  og  hettar  gert  tú  eisini  enn.Tú  ert  eisini  kassameistari  hjá  pensionistunum  í  bygdini,  og møtir tú væl upp til tykk­ ara hugnakvøld hvørja viku. Tað er næstan eingin tíð á  árinum, at tú einki hevur at  takast  við  av  “frítíðarítriv­ um”. Um várið fert tú kvøld  eftir  kvøld  niðan  í  gerðið,  at  seta  eplir  niður,  og  um  heystið tekur tú uppaftur og  veltan má verða stór, so vit  øll  kunnu  fáa  burturav.  So  eru  tað  gæsnar,  tær  mugu  eisini passast væl, tí tú ynsk­ ir, at vit øll skulu fáa gása­ steik á jólum.  Tá lembingin  byrjar, livir tú mitt í verðini.  Seyðurin  hevur  altíð  havt  tín heilt stóra áhuga og røkt­ aði tú eisini í Ognarhaganum  í  40  ár,  men  fyri  3  árum  síðani læt tú røktina frá tær.  Men  kortini  so  dámar  tær  væl,  at  fara  í  hagan  at  hyggja  eftir  seyði,  at  trá­ draga  og  merkja   lombini  hjá tær og altíð er ein flokk­ ur  av  abba  og  langabba  børnum við tær. Um summ­ arið  ert  tú  altíð  við,  tá  ið  hoyggja  verður  og  næstan  áðrenn alt hoyggið er komið  inn,  byrjar  tú  at  tosa  um  fletting, har tú eisini altíð er  uppi í.  Mangan seyðin hev­ ur tú flett á yngri árum og  tey ungu hevur tú lært væl.  Vit   kunnu  bara  takka  tær,  fyri  alt  tað  kjøt  og  annað  gott, ið vit hava fingið.  Vit  hava  so  ómetaliga  mong rík  og góð minnir frá  okkara barna­ og ungdóms­ árum. Hóast tú hevði langar ar­ beiðsdagar og eisini arbeiddi  hvønn leygardag og ringdi i  kirkjuni  hvønn  sunnumorgun,  so  hevði  tú  altíð  tíð  til  okkum  aftaná.  Vit  minnast, tá tú tók okk­ um við niðan í Hjarðardal, tí  tú vildi læra okkum, hvussu  tað var, at vera í torvi fyrr,  og hendan dagin gloyma vit  aldrin aftur. Vit minnast so  mangar útfluktstúrar í góð­ um veðri, bæði í Oyndarfirði  og aðra staðni. Altíð vart tú  við  í  øllum,  tú  elskaði  at  spæla  stikkbólt  og  banka  kjøt,  tú  enntá  stóð  á  hond­ unum og eina fer í besta sól­ skinsveðri, uppi í haganum,  yvirraskaði tú okkum øll við  ísi, sum tú hevði koyrt í eina  flamingo  dós. Vit  minnast  allar  túrarnar,  tá  tú  tók  okkum  við  í  hagan,  har  tú  lærdi  okkum  um  fuglarnar  og  vísti  okkum  reiður  við  ungum í. Vit minnast túrar­ nar niðan á Vatn, við tráðu  og  tá  vit  komu  oman  aftur  við  sílum,  sluppu  vit  at  steikja  tey  beinanveg.  Vit  minnast allar teir mongu túr­ arnar við lítla báti, tá vit fisk­ aðu  bergyltu,  hvussu  kvirt  tað  mátti  vera  og  so  allan  spenningin,  tá  vit  sóu  tær  svimja  undir  bátinum  og  nærkast agninum. Vit minn­ ast eisini túrarnar, tá vit vóru  á  seiðabergi  niðri  í Víkum  og inni á Andrasstøð, tá vit  fiskaðu síl í Laksá og í Helj­ areyga. Og so ikki at gloyma  allar  pannukøkurnar  frá  mammu, tá vit komu til hús  av fiskitúrum. Alt  hettar  uppliva  vit  og  okkara  børn  og  barnabørn  enn  í  dag.   Ikki  líka  ofta,  men pápi er altíð  við. Enn  ger  hann  nakrar  av  hesum  túrunum, nú við sínum abba  og  langabba  børnum.   Og  útfluktstúrarnar dámar hon­ um  enn,  so  sera  væl.  Sum  seinasta  summar,  tá  vit  øll  vóru ein heilan dag uppi við  nýggja vøllin í  Oyndarfirði.  Har  var  pápi  eisini  við  í  einum fótbóltsdysti. Pápi hevur havt eitt upp­ livilsi,  sum  hevur  sett  seg  sera  fast  í  minni  hansara,  og  tað  er  veturin  1946,  tá  hann  var  á  Háskúla.  Alla  okkara  tíð,  hava  vit  hoyrt  hann tosa um hesar mánað­ arnar og trúfastur sum hann  er, so hevur hann enn sam­ band við nógvar av hinum,  sum vóru har. Tú og mamma eru familju­ kær  sum  fáur  og  tykkara  áhugi fyri slekt er stórur. Tit  vita  ótrúliga  væl  um  fam­ iljuviðurskiftir langt burturi,  enntá  syskinabørn  og  trí­ menningar  hjá  tykkara  for­ eldrum, og tit tosa ofta um  slekt. Tit  eiga  eisini  æruna  av, at vit í dag kenna nógvar  av  okkara  trímenningum.  Tykkara áhugi er ikki minni  fyri okkum sum familja. Vit  kenna  hvønn  dag  tykkara  kærleika  og  umsorgan  og  hóast familjan er vorðin stór  og tit eiga 20 barnabørn og  14 barnabarnabørn, so hava  tit  somu  umsorgan  fyri  øllum,  og  eru  so  trúføst  at  møta  upp  til  hvønn  tann  einasta føðingardag, sum er  í familjuni. Góði pápi, vit vilja takka  tær  fyri  alt,  sum  tú  hevur  verið fyri okkum øll og okk­ ara ynski er, at vit øll máttu  lært av tær, at liva eitt lívs­ játtandi lív í degnum, sum  vit hava í dag. Vit  ynskja  tær  hjartaliga  tillukku við áttati ára føðing­ ardegnum og ynskja at Harr­ in  má  signa  teg  og  mammu, og  geva  tykkum  nógv góð og lívsjáttandi ár  afturat.    Kærar heilsanir Judith, Anni, Leif, Eilif og Gunnleyg     Dagurin verður hildin í skúlanum í Oyndarfirði sunnudagin 13.01.2008 frá kl 13.30 til kl. 18.30. Øll eru hjartaliga vælkomin Eivind Petersen áttati ár Tað er við stórari sorg og  sakni at eg skrivi minning­ arorð  um  mína  elskaðu  systir  Minnu,  sum  doyði  bert 58 ára gomul.  Vit  báðar  vóru  nógv  saman. Um vit ikki sóust,  so  var  tað  telefonin.  Vit  gleddu  okkum  til  hvørt  mánakvøld og mikukvøld,  tí  tá  var  bingo,  og  tað  dámdi okkum báðum sera  væl, tí vit høvdu tað altíð  so stuttligt. Tú hevði ofta  onkrar viðmerkingar, men  tær vóru altíð so stuttligar  og rólig vart tú eisini. Í  mong  ár  vart  tú  sjúk,  var niðri á Ríkissjúkrahús­ inum  fýra  ferðir  um  árið  til kanningar, og Finn var  við  tær  hvørja  ferð,  hann  var  ein  góður  maður  og  stuðul  fyri  teg.  Men  so  í  mai  mánað,  tá  tit  vóru  niðri,  fingu  vit  tey  tungu  boð,  at  tú  hevði  fingið  lungakrabba, og har kundi  einki  gerast.  Men  tú  var  rólig,  sum  altíð,  og  segði  »tað  fer  nokk  at  ganga«,  men vit sóu hvønn veg tað  gekk, og longu 10. novem­ ber doyði tú. Men nú hev­ ur tú tað gott, eingin sjúka  og eingin pína. Við sorg og sakni minn­ ist eg aftur á hendan sang,  ið tú dámdi so væl: Takk Gud fyri alt sum hendi Fyri gávur tú oss ber Fyri tíð sum er at enda Fyri stundina sum er Takk Gud fyri ljósa várið Fyri myrka kalda heyst Fyri hvørt hitt gloymda tárið Fyri hjartafrið og treyst. Góði Finn, Kristian, Ann­ lis og Róðin við familju,  størst er sorgin hjá tykk­ um,  tit  hava  mist  eina  góða konu, mammu, svig­ armammu  og  ommu.  Jesus pápi styrki tykkum í  stóru sorg tykkara. Hvíl í friði góða Minna. Systir tín Karin Minningarorð um Minnu Jórun Dam (f. Ósá) fødd 25.12.1948 · deyð 10.11.2007 Føðingar eru í dag á síðu 50 -har tað hendir