týsdagur 15. januar 2008síða 42

42 Løgtingsvalið 19. januar 2008 Fólkaflokkurin er sær sjálvum líkur. Moralko­ deksið er tað sama sum hjá nazistunum, sig eina lygn nóg oftani, til endans fer fólkið at trúgva henni. Eftir at fólkaflokskandidaturin til løgtingsvalið leygardagin, Hanna Jensen, á valfundi­ num í KÍ­høllini hevði spurt umboðini fyri flokkarnar ein sera relevantan spurn­ ing, um mentanarpolitikk, loyvdi eg mær at seta Jørgen Niclasen spurning­ in, um hann og Fólkaflokk­ urin framvegis hildu fast um, at sølur av fiskiloyvum skuldu brandskattast við 80%´um. Svarið var hetta, skrivað beinleiðis eftir sendingini: ”Ja, nú fekk Tjóðveldi so eitt umfar afturat í hesi her sending­ ini, tað eru vit von við, eh, lat meg siga fyrst, Tórbjørn Jacobsen tosar um at eg havi sagt 80%, tað er fyri tað fyrsta lygn, men lat tað fara…………….” Sum les­ arin sær í greinini niðan­ fyri, so serverar nýggi formaður Fólkafloksins tvær lygnir fyri Føroya fólki í einum evarska lítlum reglubroti eitt og sama kvøld. Hvør definitiónin er um ein notoriskan lygnara veit eg ikki, men hetta man so kjálka framímóti. Guð viti hvørjum Bjørn Kalsø bíðar eftir - Spekulatiónin við fiskil- oyvum kann steðgast nær tað skal vera, men tað hend- ir alt ov lítið hjá Bjørn Kalsø, sigur formaðurin í Fólkaflokkinum á tingi - Reiðarar, sum selja fiskiloyvir, skuldu betalt 70-80 % í skatti av vinning- inum, sigur Jørgen Nicla- sen. Men Fólkaflokkurin vil ikki hoyra talan um tilfeingisgjald og ein fiski- dagabanki hevði knúst føroyska samfelagið. Handil við skipum og loyvum - Guð viti hvørjum Bjørn Kalsø bíðar eftir. Eisini Jørgen Niclasen, formaður í Fólkaflokkinum á tingi, sóknast eftir, at lands- stýrismaðurin í fiskivinnu- málum tekur ítøkilig stig fyri at forða fyri, at útlend- ingar leggja okkara fiskiríkidømið inn undir seg. Hann vil eisini hava, at spekulatiónin við fiski- loyvum verður steðgað. Sostatt er nú eisini fólka- flokkurin farin at ótolnast inn á Bjørn Kalsø og tí kann ikki annað enn staðfestast, at trýstið á Bjørn Kalsø fyri at gera nakað við hesi viðurskiftini, alsamt veksur. Áður hava bæði Tjóð- veldisflokkurin, javnaðar- flokkurin og hansara egnu partamenn í Sambands- flokkinum, eisini kravt, at málið verður tikið upp. Somuleiðis hevur Atli Hansen, sum hevur verið formaður í felagnum Nóta- skipum, í hvassorðaðum vendingum, átalað, at onki veðrur gjørt. Men tað var stjórin í Fiskirannsóknarstovuni, sum setti hol á kjakið, tá ið hann fýltist á, at tað skal bera til hjá einstøkum reiðarum, at selja feløgum, sum íslendingar og norð- menn eiga, føroysk fiski- rættindi fyri hundraðtals milliónir - stinga vinningin skattafrítt í lumman. Onki kemur burturúr hjá Bjørn Kalsø Og Fólkaflokkurin er samdur í, at hetta er ein spurningur, sum eigur at verða tikið upp. Men samstundis staðfest- ir Jørgin Niclasen, at tað hendir alt ov lítið í Fiski- málaráðnum. - Bjørn Kalsø hevur verið landsstýrismaður í hálvt triðja ár, men har kemur snøgt sagt onki á skaftið. Tað er líka mikið, hvat tosað verður um, so skal alt bíða eftir eini nevnd, sum hann hevur sett at endurskoða lógina um vinnuligan fiski- skap. Men tað hendir onki!. Formaðurin í Fòlkaflokki- num á tingi sigur, at hetta var ikki ætlanin við lógini um vinnuligan fiskiskap. - Bjørn Kalsø hevur sett eina nevnd at endurskoða alla lógina um vinnuligan fiskiskap. Tað merkir, at hann vil hava, at alt lóga- verkið sum tað er, skal endurskoðast og broytast í einum. Jørgen Niclasen sigur, at her má vera okkurt, sum landsstýrismaðurin hevur misskilt. - Tann, sum hevur royndir í polikki, veit, at tann, sum leggur seg eftir at fáa alt í einum, sum Bjørn Kalsø ger í hesum føri, endar mangan við at onki sum helst at fáa. Formaður Fòlkafloksins á tingi leggur tvørturímóti dent á, at skulu vit varð- veita fiskidagaskipanina so góða, sum vit krevja av henni, mugu vit altíð verða til reiðar at gera tillagingar í smáum og at rætta hana til alla tíðina, so hvørt vit varnast ein trupulleika. - Ta tíðina, eg varð lands- stýrismaður, gjørdu vit fleiri ferðir smáar tillaging- ar í lógini fyri at fáa hana at tæna sínum endamáli. - Hvørja ferð, vit varn- aðust ein trupulleika, fóru vit í Løgtingið og rættaðu hann. Soleiðis eigur tað eisini at vera og tí kunnu vit ikki bíða longur eftir nevndini hjá Bjørn Kalsø. Jørgen Niclasen sigur, at eisini tá ið spurningurin tók seg upp um, at útlendingar lógu framvið at keypa føroysk fiskirættindi, varð lógin tillaga fyri at forða fyri hesum. - Fyrst varð sett í lógina, at útlendingar máttu bara eiga ein triðing av einum fiskiskipi. Men har varð skjótt eitt hol funnið, tí aftan á tað varð mannagongdin, at eitt føroysk felag varð stovnað, har útlendingar áttu ein triðing. Men síðani settu útlendingarnir eina rúgvu av ábyrgdarpeningi í felagið afturat, so at teir í veru- leikanum høvdu ræðið. - Fyri at forða fyri hesum, varð so eisini kravt, at parta- pengarnir í einum felagi skuldi standa mát við íløg- una, soleiðis, at partapengar- nir skuldu vera minst 10% av íløguni. Men tað varð eisini kravt, at teir føroying- arnir, sum áttu teir báðar kravdu triðingarnir av parta- pengunum, skuldu veruliga vera góðir fyri pengarnar. Tað varð ikki góðtikið, at partapengarnir vórðu læntir. Ùtlendingar skulu ikki hava ræðið Jørgen Niclasen sigur, at tað er ógvuliga nógv, sum bendir á, at tað eru ikki før- oyskir pengar, sum liggja aftanfyri teir skipahandlar, sum eru gjørdir í seinastuni. - Tað haldi eg, er lítið at ivast í, tá ið vit síggja prísir- nar, sum verða nevndir. - Í mínari tíð sum lands- stýrismaður, var vanligt, at Fiskimálaráðið kannaði einstøk feløg væl og virði- liga fyri at vita, um allar treytir vórðu loknar. Men nú sær tað út til, at Fiski- málaráðið letur alt um seg ganga, ásannar formaður fólkafloksins á tingi. Í hansara verð er ongin ivi um, at útlendingar skulu ikki hava ræðið á okkara fiskatileingi og tí heldur hann, at tað er neyðugt at taka málið upp beinanvegin. Formaður Fólkafloksins á tingi, heldur eisini, at tað er neyðugt at steðga speku- latiónini við fiskiloyvum, so at tey, sum fáa loyvi fyri onki, kunnu selja tey aftur og stinga vinningin í lumman skattafrítt. Hann sigur, at tá ið hann var landsstýrismaður, arbeiddi hann við at gera ein skipan, har eini 70-80% skuldi gjaldast í skatti av vinninginum, tá ið fiski- rættindi vórðu seld. - Men eg varð frákoyrdur, áðrenn eg kom á mál við tí, leggur hann afturat. Hann sigur, at tá ið skip og loyvi vórðu seld, hevði spurningurin sjálvandi tikið seg upp um, hvat var nú virðið á skipinum og hvat varð virðið á loyvinum. - Men tað hevði sjálvandi borið til at funnið fram til rætta virðið á einum skipi, leggur hann afturat. Bjørn arbeiðir til onga nyttu Formaðurin í Fólkaflokki- num vísir á, at heldur ikki á hesum øki sær út til at nakað hendir. - Ístaðin brúkar Bjørn Kalsø kreftir upp á at gera ein skipan við tilfeingisav- gjaldi, har teir, sum fiska skulu rinda avgjald fyri fiskirættindi. Samstundis ger Jørgen Niclasen púra greitt, at ein slík skipan verður ikki framd so leingi Fólkaflokk- urin er í samgongu. - Vit taka undir ongum umstøðum undir við eini skipan, har tey, sum fiska, skulu betala avgjald fyri at fáa rættindi. Jørgen Niclasen staðfestir sostatt, at hetta arbeiðið hjá landsstýrismanninum er burturspilt. - Vit hava fleiri ferðir boðað frá, at hann kann akkurát tað sama gevast við arbeiðnum at gera eina avgjaldsskipan fyri tey, sum fiska, tí í hesi samgonguni verður hon ikki sett í verk kortini. - Men tað hendir onki og hevur landsstýrismaðurin hug at lýsa eitt mál, sum hann heldur er áhugavert, hava vit onki ímóti tí, tað verður bara ikki framt. Kortanei til fiskidagabanka Í hesum sambandi hevur eisini nógv verið tosað um at gera ein fiskidagabanka, sum skal umsita øll loyvi og fiskirættindi. Men tað sigur Fólkaflokk- urin kortanei til. - Hetta er ein skipan, sum hoyrir til gomlu sovjett- tíðina, har staturin skal umsita øll loyvini. Sostatt verður tað eisini ein polit- isk avgerð um, hvør skal sleppa at brúka tey og ikki. Jørgen Niclasen sigur, at skulu vit hava ein fiskidaga- banka, skulu fyrst øll loyvi takast inn og seljast aftur á uppiboði. - Hetta er eisini at leggja avgjald á tey, sum fiska. Men hetta er eisini at fáa reiðarar at spæla vinnulívs- menn, hóast teir í veruleika- num eru almennar trælir. - Men, sum tað vísir seg at vera nú, eru tað útlendskir vinnulívsmenn, sum hava ráð at betala mest fyri loyv- ini, og skulu loyvini seljast á uppiboði, er rættiliga stórir møguleiki, at útlendingar fara við teimum. - Ný Sæland gjørdi eina slíka skipan, har loyvini vórðu seld og har vísti tað seg, at útlendingar keyptu alt, sum var. Skipini ikki so mikið sum avreiddi í Ný Sælandi longur og tí steðg- aði øll fiskivinna har. - Hetta vísir, at ein slík skipan knúst tað føroyska samfelagið, staðfestir Jørgen Niclasen. Hinvegin hevur onkur eisini nevnt, at loyvini skulu seljast fyri lítið og lætt, men at tað er neyðugt at stað- festa, at talan er bara um brúksloyvi og ikki um ogn, sum kann seljast víðari. - Hvør skal so fáa loyv- ini, spyr fólkafloksmaðurin. Verður ein slík skipan sett í verk, verður neyðugt at taka politiskar avgerðir um, hvør skal sleppa at virka í fiskivinnuni. Ein slík skip- an kann ikki koma upp á tal, tí tann tíðin er farin, tá ið politiskur litur er avgerð- andi fyri, hvør skal sleppa at virka, sigur Jørgen Niclasen. Í hálvtannað ár hevur Jørgen ikki afturvíst, at hetta framvegis er Fólka­ floksins hugsjón viðvíkjandi skatting, táið almenn fiskiloyvir verða seld ímill­ um privat áhugamál, hóast hann er konfronteraður við hesa útsøgnina fleiri ferðir m.a. í sjónvarpskjakum, har vit báðir hava luttikið. Eitt er at lúgva av ósketni, annað at gera tað við beráddum huga. Samanumtikið, so snýr uppskotið hjá Tjóðveldinum um Tilfeingisbúðina seg um, at staðfesta ognarrættin til havsins tilfeingið hjá fólki­ num, samstundis sum markn­ aðarkreftirnar gerast ráð­ andi á rakstrarsíðuni, tvs. at rætturin at reka fiskiveiði verður liberaliseraður og fiskivinnan rationaliserað í størst møguligan mun. Hin­ vegin vil Fólkaflokkurin flyta ognarrættin til loyvishavar­ arnar og brandskatta sølur­ nar av loyvum við 80%´um. Ella pellaði Jørgen eisini tann dagin hann tosaði við Áka á Sosialinum, sum ann­ ars plagar at vera eftirfaran­ di í sínum endurgevingum? Jørgen og Lygnin Tjóðveldi Tórbjørn jacobsen Val Støðan við EFTA limaskapinum er: Sveits hevur ongan ikki hug at hava Føroyar sum lim í EFTA (hevur verið skrivað um tað í sveitsiskum blaðið). Lichstenstein fylgir avgerðin,i sum Sveits tekur og tekur somu støðu. Norðmenn “spæla” lunk- aðir, men sannleikin er at teir heldur ikki eru áhug- aðir at hava Føroyar við. ONGIN EBS avtala - ein lítið verd avtala. Tann limaskapur sum Føroyar evt. vildi fingið, verður uttan EBS sam- starvið tvs. tey 4 frælsini, - og tá er avtalan als onki verd, - hon kemur einans at umfatað tær handilsavtalur sum EFTA hevur. Danmark hevur sagt ja til at bakkað Føroyar upp í ynskinum um EFTA limaskap og er tað positivt tí tað kann møguliga politiskt opnað dyr fyri okkara samráðingarfólkið. Sjálvsavgerðarrætturin skerdur? Øll limalond í ES og ørðum felagskapum t. d. ASEAN, havi avgivið nakað av sínum sjálvs- avgerðarrættið og tað koma vit uttan ivað eisini at gera, - eg dugið tó ikki at síggja hvussu Jóannes og Jørgin ætla sær EFTA limaskap, uttan at teir eisini har komað at avgevað nakað av sjálvsavgerðarrættið. At vit kunnu fáa eina seravtalu um fiskivinnu okkara vilja samráðing- arnar vísa - um vit eru dugnaligir nokk til okkara handverk – at samráðast. Men uttan samráðingar kunnu vit halda á við at gita og fyrigykla okkum eitt og annað – uttan substans. Jørgin og Jóannes manipulera Føroya fólk Sambandsflokkurin johan Dahl Val 4 Nr. 10 - 15. januar 2008