leygardagur 2. juni 2001síða 7

12 Nr. 104 - 2. juni 2001 gult12 cyan12 magenta12 svart12 C M Y K 12 gult13 cyan13 magenta13 svart13 Nr. 104 • leygardagur • 2 juni 2001 • 75. árgangur • www.sosialurin.fo Hóast hann í ár hevur vunnið tríggjar stórar steypasigrar, so er 26 ára gamli Stephane Henchoz ikki bangin um at taka ov lætt upp á komandi uppgávuna LANDSDYSTUR Jákup Mørk Hóast ferðalagið við sveis- iska landsliðnum var nakað seinkað hósdagin, so komu bæði leikarar, venjarar og tíðindafólk fram í øllum. Eftir at hava fingið sær eitt lítið ábit á Hotel Føroyum, skuldi vøddarnir mýkjast nakað, og í hálvan annan tíma vandu mótstøðumenn- inir hjá Føroyum so á Tórs- vølli. Sum tíðindamaður er talan í slíkum førum ofta um langa bíðitíð, og í so máta var hendan venjingin einki undantak. Bíðitíðin tóktist tó at vera til fánýtis fyri okkara viðkomandi, tí beint eftir lokna venjing hildu at kalla allir leik- ararnir beina kós móti bussinum, sum skuldi føra teir niðan aftur á hotellið. Ein sveisisk radiostøð fekk okkurt orðið á ein av leik- arunum, men annars tóktust teir ikki at vísa fjølmiðlu- num serliga ans. Við góðari hjálp frá einum sveisiskum tíðinda- manni, eydnaðist okkum tó at fáa ein av best kendu sveisarunum út úr aftur bussinum, og tá alt kom til alt, so tóktist Stephane Henchoz ikki á nakran hátt at vera serliga stórlætin. Heldur ikki hóast hann longu nú hevur vunnið ein stóran part av tí, sum vinn- ast kann í fótbólti. Við enska felagið sínum, Liverpool, hevur hann í ár verið partur av søguskriv- ing í fótbóltshøpi. Liðið hevur verið í trimum steypafinalum, og hevur vunnið hesar tríggjar, og hetta hevur einki enskt lið megnað áður. Eingin løtt uppgáva Ein skuldi tí kanska hildið, at ein landsdystur móti eini pinkutjóð norðarliga í At- lantshavinum ikki var nakað, sum ein slíkur spæl- ari sá fram til, men hetta tóktist als ikki at nerva tann sera fyrikomandi Stephane Henchoz. - Sjálvandi hevur tú rætt í, at hetta er øðrvísi enn eitt nú FA Cup finalan. Atmos- feran kann ongantíð verða hin sama, men hetta ger tó ikki, at eg ella liðfelagarnir taka lætt upp á uppgávuna. Hóast eg havi vunnið trý steyp við Liverpool, so er hetta nakað heilt annað, og málið hjá landsliðnum er at koma til HM-endaspælið. Skulu vit tað, so krevur tað helst trý stig her, og hetta verður eisini setningurin hjá okkum. Hetta ljóðar jú sum ein ógvuliga fábroytt standard- útsøgn frá einum yrkisleik- ara, men hóast vit royndu at orða hetta enn einaferð, so tóktist verjuleikarin ikki at vika í hesum. Heldur ikki hóast Sveis longu hevur vunnið 5-1 á okkara monn- um. - Sjálvandi eru vit favorittar, men vit hava sera stóra virðing fyri teimum úrslitum, sum føroyska landsliðið hevur fingið seinnu árini, so talan verður ikki á nakran hátt um ein lættan dyst fyri okkara við- komandi. - Sum eg segði, so hava vit eina uppgávu at loysa her, og eg eri ikki í iva um, at skal hendan loysast, so krevur tað eitt gott avrik frá okkum. Tað er so eisini tað, sum vit ætla at gera. Vit verða noyddir at spæla ein góðan dyst, har vit ikki kunnu loyva okkum at taka nakað fyri givið, sigur fryntliga Liverpool-stjørn- an at enda. Stríðsmaðurin úr Sogndal kennir seg at vera væl fyri, men hann hevur fingið at vita, at vandin er stórur fyri, at liðbondini í fót- liðnum dragna uppaftur meiri LANDSDYSTUR Jóannes Hansen Tað hevur ikki verið so nógv at hoyr til hansara síðstu tíðina, men undir venjinginii á Svangaskarði í fyrradagin og í gjár tóktist hann at vera væl fyri. Tað er Julian Johnsson, sum vit tosa um. Stríðsmaðurin, sum plagar at tuska og renna uppaftur meiri enn allir hinir á landsliðnum. Í vár hevur hann havt trupulleikar við beininum. Hetta hevur havt við sær, at hann ikki hevur spælt í tippuliguni í meiri enn ein mánað. Men nú er hann tøkur aftur. Undan heim- ferðini til Føroya hevur hann spælt ein dyst á 2. liði hjá Sogndal, og hann sigur seg ikki kenna nakað til skaðan. – Eg havi fingið at vita, at liðbondini í fótliðnum ikki hava tað heilt gott. Um hesin veikleikin skal hvørva, so skal eg binda frið í fleiri mánaðir, ella kanska verður tað neyðugt við skurðviðgerð. Tað ber væl til at venja, soleiðis sum støðan er, og tað havi eg valt at gera. Um skaðin versnar, og tað ikki fer at bera til at spæla, so má tað fáa tær avleiðingarnar, sum eru neyðugar, men fyribils spæli eg við fullari ferð, sigur Julian Johnsson. Í Hvidovre var ætlanin, at Óli Johannesen skuldi spæla við teimum komandi hósdag, sum er dagin eftir dystin ímóti Jugoslavia LANDSDYSTUR Jóannes Hansen Síðani hann seinast var í Føroyum og spældi lands- dyst, er Óli Johannesen fluttur úr einum felag í superliguni og til eitt felag í næstbestu donsku deildini. Men eingin ivi kann vera um, at aftasti verjuskansin, sum fyri tveimum mánum síðani í Moskva spældi fyri 50. ferð á landsliðnum, er betri fyri enn nakrantíð. Í AGF var hann síðstu tíðina fyri tað mesta á beinkinum, meðan hann í Hvidovre er í miðverjuni hvørja ferð. Venjingarstøð- an er eisini góð, tí í Hvid- ovre venja teir sjey ferðir um vikuna. – Viðurskiftini í felag- num eru á allan hátt sera professionell, og eg trívist stak væl. At Frank Skytte er venjari var mær til fyri- munar, tá eg í fyrstu tíðini eftir skiftið úr AGF og til Hvidovre skuldi stríðast fyri at koma á liðið, heldur Óli. Frank Skytte hevur verið venjari hjá TB. Fyri stuttum hevur hann longt sam- starvsavtaluna við Hvid- ovre inntil komandi summ- ar. Hvidovre skal spæla á Tórsvølli ólavsøkuaftan. Og sambært Óla Johanne- sen, so er venjarin fram- vegis áhugaður í Føroyum og føroyskum fótbólti. Hetta sæst m. a. í, at hann er væl kunnaður um gongd- ina í bestu deildini í Før- oyum. Óli Johannesen var lið- formaður á landsliðnum í Moskva. Hesa ferð eru hvørki Jens Kristian Han- sen ella Todi Jónsson við, og tí kann roknast við, at Óli aftur fer at vera høvuðs- álitið á vøllinum. At Hvidovre eisini hevur stórt álit á Óla Johannesen sæst aftur í, at teir ætlaðu at fáa hann at spæla við teim- um dagin eftir, at landsliðið komandi mikudag hevur spælt ímóti Jugoslavia. Í Danmark eru reglurnar soleiðis, at eitt felag hevur loyvi at biðja um at fáa landskappingardyst fluttan, um tveir spælarar á liðnum eru upptiknir av landsdyst- um. Í síðstu viku var Stefan Andersen, sum er málverji hjá Hvidovre, úttikin til danska U–21 landsliðið. Tá Óli Johannesen framman- undan var úttikin til før- oyska landsliðið, bóðu teir í Hvidovre um, at lands- kappigardysturin hjá teim- um 2. hvítusunnudag varð fluttur, men grundarlagið undir áheitanini datt burtur síðsta vikuskifti: – Tá fekk eg gula kortið, og tað hevði leikbann við sær. Tí var tað bara mál- verjin, sum ikki kundi vera við 2. hvítusunnudag, og harvið verður tað ikki neyðugt hjá mær at spæla bæði mikudagin og hós- dagin, greiðir Óli Johanne- sen frá. Arbeiðið skal gerast - Sjálvandi eru vit favorittar, men vit hava sera stóra virðing fyri teimum úrslitum, sum føroyska landsliðið hevur fingið seinnu árini. - Um hesin veikleikin skal hvørva, so skal eg binda frið í fleiri mánaðir, ella kanska verður tað neyðugt við skurðviðgerð Mynd: Jens Kr. Vang Julian spælir upp á lænta tíð Óli skuldi spæla mikudag og hósdag 13