fríggjadagur 18. januar 2008síða 16

16 Nr. 13 - 18. januar 2008 Løgtingsvalið 19. januar 2008 Ja, heit var eg í Royn­ høllini. Tí – í 2008 leggur eitt modernað vælferðar­ samfelag ikki ein skúla á eitt øki sum er virki frammanundan. Í Hvalba skulu vit eisini hugsa um okkara egnu børn og ungu. Eg sakni eitt frítt kjak um eftirskúlan. Tá politikarar siga við harðari rødd at:”Um hvalbingar ikki vilja hava skúlan – so skulu teir bara vita, at aðrar kommunur standa og skríggja eftir skúlanum”, so kenni eg tað, sum at vit eru við í einari kapping um at fáa skúlan, og tað kann ikki vera meiningin. Vit mugu virða tey ungu meira her á landi. Vit kunnu ikki bara tosa um tey, sum um tey eru 90­ milliónir verkætlanir, sum kommunur kunnu kappast um og hótta hvørja aðra við. Ella sum politikarar kunnu fiska atkvøður uppá. Sjalvandi vil eg eisini hava skúlan til Hvalbiar, men eg fari ikki at renna kapp í eini verkætlan, hvørs innihald er menning av okkara ungu. Trúgv mær ella ikki Føroya Fólk: Eg bleiv so rúkandi ill, tí eg haldi, at vit í Føroyum skalta og valta við teimum ungu uttan veruliga at leggja alla okkara orku í at ganga teimum mest møguliga á møti. Nei, mítt stríð er at fáa einar frælsari, javnstøð­ ugari og samhaldsfastari Føroyar – ungdóminum fyrst og fremst at frama. Roynhøllin 14-1 Javnaðaflokkurin Nita Næs Val Ótrúligir møguleikar liggja • í betri samskifti og sam­ handli við útheimin. • Betri flogsamband við útheimin raðfestast fremst: Nýggjan altjóða flogvøll • Eitt føroyskt uttanríkis­ málaráð við landsstýris­ manni í uttanríkismálum og sendistovum kring heim­ in • Okkara egna lið av diplo­ matum • Handils­ og samvinnu­ sáttmálar við onnur lond um øll samfelagsøki • Limaskapur í EFTA trá­ roynast • Útlendskar fyritøkur betri atgongd til føroyska marknaðin • Føroyskar fyritøkur betri atgongd til altjóða markn­ aðin • Opnan arbeiðsmarknað Føroyar og alheimurin Fólkaflokkurin poul michelseN Val Hesi øki mugu á breddan nú: Fíggjarlógin sigur rættu­ liga nógv um hvussu høgt tann politiski meirilutin raðfestir. Tá talan er um ítrótt, hevur hendan játtan til ÍSF staðið í stað á 2,0 mió. kr. líka síðani fyrst í 90’unum, játtanin til ferðastuðul er enntá lækka seinastu árini, og játtaninar til eitt nú FSF og ÍSB hava staðið í stað rættuliga leingi. Tá talan er um tónleik hevur bert verið talan um eina fimm siffraða upp­ hædd alt seinasta valskeið. Játtanin til mentunar­ grunnin hevur eisini staðið í stað alt valskeiðið. Játtanin til Tjóðpall Føroya hevur somuleiðis verið tann sama sum við byrjanina á farna valskeiðið, og soleiðis kundi verið hildið fram. Í komandi valskeiðið er neyðugt at raðfesta hesi øki munandi hægri! Ítróttur, tónleikur og mentan Sjálvstýrisflokkinum DáNial petur haNseN Val Havandi í huga framtíðar menning av samfelagnum, er tað týðandi, at sam­ ferðslan verður útbygd, her verður hugsað um tunnlar undir og omanfyri sjóvar­ málan og vegir. Og er tað av størsta týdningi at fíggingarmynstrið av hesum íløgum verður soleiðis, at tað eisini er pláss fyri øðrum útbyggingum av samfelag okkara, sum skal mennast enn meira komandi árini. Íløgur í samferðslukervið eiga ikki at vera blandaðar saman við eitt nú bygging av skúlum og ellisheimum. Við skilagóðari fíggjarstýr­ ing og við dirvi at hyggja inn í framtíðina verður pláss fyri báðum. Fólkaflokkurin roDmuND NielseN Val Pisaskelkurin rakti eisini børnini. Sonur mín spurdi um tað passaði, at børnini í Føroyum vóru býttari enn onnur børn. Nei, mátti eg siga. Tit eru líka klók, deilig, fitt og frek, sum øll onnur børn í heiminum. Legði afturat, at kanningin vísti bara, at tað eru nøkur ting vit vaksnu kunnu gera betri, tá ið vit undirvísa og hjálpa tykkum við heimaarbeiðinum. Øll vilja vit børnum tað allar besta. Tí ganga vit eisini høgt upp í skúlan. Tað er jú ikki eitt heilt vandaleyst tiltak, at seta 24 børn inn í eina skúlastovu, frá tey eru 7 ár til tey koma út aftur 16 ára gomul. Avbjóðingin er, at fáa øll hesi árini at eydnast hjá børnunum. Málið er, at tey ungu koma út aftur styrkt við kunnleika, amboðum at nema sær enn størri vitan, sterkum sjálvsáliti og góðari sjálvsvirðing, við einari óvikaligari tráan eftir lívinum. Og tað kann undir ongum umstøðum góðtakast, at hendan roynd miseydnast. Her áliggur tí politisku skipanini, við nærlagni, alla tíðina at fylgja við og geva skúlanum neyðugu umstøðurnar, so vit kunnu røkka hesum høga málið. Lat tað ikki vera nakar ivi um, at børnini og lærararnir í fólkaskúlanum liggja Javnaðarflokkinum tætt at hjartanum. Í valskrá sínari hevur Javn­ aðarflokkurin tí skotið upp, at: Lærarar skulu hava kandidat útbúgving • Verandi lærarar skulu góða eftirútbúgving • Økistilboðið til børn við serligum tørvi verður útbygt • Tvílæraraskipan í fyrsta flokki • Liðiligar loysnir við tímapuljum á skúlunum • Meira føroyskt tilfar út til børnini Latið okkum fylkjast um skúlan, børnini og lærar­ arnar. Saman røkka vit málinum. Glað børn og ábyrgdarfull vaksin Javnaðaflokkurin Óluva NiclaseN Val Ein tunnil útilokar ikki ein skúla Tað eigur at kosta tað sama at koma til havnar, óansæð hvar tú býrt í landinum í Suðuroy ella úti í Fugloy. Hetta kann væl lata seg gera, um vit í framtíðini bert hava tvær gjaldstøðir. Eina norðanfyri høvuðsstaðin, og eina sunnanfyri høvuðs­ staðin. Sjálvandi noyðast vit at fyrihalda okkum til tað sum í dag í lítlan mun, er fíggja við bummgjaldi. Nú talan er um, at gera tunnil inn á Skálafjørðin, er hetta ein upplagdir møgu­ leiki uttan at nakar skal gjalda meira av teirri ørsøk. Hetta er ein solidarisk skip­ an, sum alt samfelagið fær gagn av. Skálafjarðartunnilin kem­ ur at verða ein pengamask­ ina í alla framtíð, uttan at gera skaða fyri nakað virk­ semi. Sambært tí ætlan, sum ABC samgongan hevur, skal hetta business projekt leggj­ ast til eitt privat partafelag, at byggja og reka. Hetta prosjekti kundi gjørt tað, at øll í Føroyum kundi koyrt ella silgt til havnar, fyri sama kostnað. Hetta er treyta av, at tað verða bert tvær gjaldstøðir tá koyrt verður ígjøgnum, ein á norð­ urleiðini og ein á suður­ leiðini. Politikkurin hjá ABC samgonguni er, at tey pro­ sjektini sum kosta nógvan pening skal skattaborgarin gjalda, meðan tey sum kunnu geva pening í alla framtíð, vera latin til eitt privat partafelag at reka. Uppá longri sigt kann peningamaskinan skála­ fjarðartunnilin, verða við at gjalda fyri víðari útbygg­ ingar av samferðslunet­ inum í Føroyum. Ferðagjáld-Bummgjáld Tjóðvekdi heiNi o. heiNeseN Val Landið ætlar at keypa 800 málningar frá Føroya Banka fyri áleið 24 milli­ ónir kr. Servitanin sigur at 20 málningar er nokk. Teir kosta áleið 3 milliónir kr. Eftir eru góðar 20 milliónir kr. mentanini at frama. Eg ætli at brúka pengarnar soleiðis: 7 mió. til Tjóðpall Føroya. 4 mió. til vistferðavinnu og mentan á útoyggj. 4 mió. til at fjálga og menna menturnar spírar kring landið. 2 mió. til rithøvundalønir. 2 mió. til at styrkja viðurkendar kreftir innan mentan. 1 mió. til føroyskan dans og kvæðir. 1 mió. til føroyskt báta­ smíð og mennan av før­ oyskum rossum. Latið okkum styrkja sam­ leika og menna mentan okkara í felag. Hygg hvat eg fann, 20 milliónir til mentan Javnaðarflokkurin jÓNleif johaNNeseN Val