fríggjadagur 25. januar 2008síða 17

Nr. 18 - 25. januar 2008 17 Sosialurin fyri 25 árum síðan: Ólavur Halgi rendi á Hælin Sosialurin 22. januar 1983: Blaðið skrivar um hendingina, tá vaktarskipið Ólavur Halgi rendi á Hælin í Hesti týskvøldið 18. januar í 1983. Fleiri skip komu til hjálpar: Lómur hjá Skipa­ felagnum, vaktarskipið Tjaldrið, sjóverjuskipið Fylla og onnur skip. Tað eydnaðist at fáa skipið av aftur, og umleið sjey tímar eftir at skipið rendi á land, kom Tjaldrið við Ólavi Halga inn á Havnina. Ongin var á brúnni, tá Ólavur Halgi rendi á Hælin. Vaktarskipið Ólavur Halgi fekk stóran skaða. Botnurin er illa farin nøvn Dagurin 26. januar. Polycarpos, deyður umleið ár 155. Var biskupur í Smyrna og høgt mettur kirkjumaður í Lítluásia. 86 ára gamal verður hann píndur og tikin av døgum. Navnið hevur enntá í nýggjari tíð verið brúkt sum mansnavn í Føroyum, Karpus. 27. januar. Chrysostomos, deyður ár 407. Jóannes æt hann, men fekk navnið Chrysostomos (gullsmiður), av tí at hann var tiltikin at prædika. Var patriarkur í Konstantinopel, men fekk so nógvar fíggindar innan fyri kirkjuliðið, at hann fleiri ferðir mátti taka til rímingar, og á einari av ferðunum doyði hann, men varð seinni skírdur halgimenni. 28. januar. Karlamagnus keisari, deyður í 814. Eini 400 ár eftir deyða sín varð hann eftir uppskoti frá týska keisaranum Fríðriki Barbarossa skírdur halgimenni, men heitið varð ikki viðurkent av páva­ num í Róm. Karlamagnus hevur annars verið høgt í metum, ikki minst í Føroyum. Karl er germanskt navn og merkir maður, og Magnus er latínskt og merkir stórur. Leygardagin 26. januar fyll­ ir Knud William Gray í Hoyvík 60 ár. Knút er føddur og upp­ vaksin í Havn, foreldrini vóru Anna, f. Petersen, og Harold Gray úr Onglandi, ið kom higar sum hermaður undir krígnum. Føroyski abbin var Knút skómakar­ in. Eftir loknan barnaskúla og realskúla fór Knút til skips, og sjólívið bleiv hans­ ara lívsstarv. Hann var nógv til skips við línuskipum. Síðan fór hann í læru á Tórs­ havnar Skipasmiðju og tók sveinaprógv sum maskin­ smiður. Eftir hetta fór hann so á maskinmeistaraskúla og fekk útbúgving har. Liðugur við maskinmeis­ taraskúlan fór hann út í verðina at sigla og gjørdist maskinchefur á teimum stóru tanga­ og konteinara­ bátunum hjá Maersk. Hann hevur eisini arbeitt nógv í oljuvinnu umborð á supply­ skipum, bæði í Afrika og Brasilia. Inn ímillum hevur hann arbeitt okkurt tíðarskeið í landi sum t.d. á Tórshavnar Skipasmiðju, og í 2006 arbeiddi hann á vaktar­ og bjargingartænastuni MRCC í Havn. Knút er sera arbeiðssamur, pliktuppfyllandi, perfektion­ istiskur og ein góður hand­ verkari. Í síni frítið lesur hann nógv og er serliga áhugaður í søgu, umframt at hann er HB­ari, so tað forslær. Knút er giftur Sólrun, f. Hansen, úr Saksun. Tey eiga døturnar Gunnvá og Anna. Abbabørnini, sum eru fýra í tali, gongur Knút høgt upp í og hann hjúklar um tey, tá hann er heima. Føðingardagin er Knút burturstaddur. Knút Gray 60 ár