mánadagur 28. januar 2008síða 24

24 [ Nr. 19 - 28. januar 2008 ] Slagið skal standa við Margáir Tá ið fótbólturin aftur fer á rull í vár, verður tað ikki á navnleysum vølli í Streymnesi, at EB/Streymur fer at dystast ímóti hinum liðunum. Vøllurin var liðugur í 2007, men saknur hevur verið í einum navni til hann. Men nú er gjørt av, at vøllurin skal eita Vøllurin við Margáir, sigur Sunda Kommuna á síni heimasíðu. Staðarnavnið Margáir hevur sín uppruna í teimum mongu áunum, sum renna oman í Stórá, beint við vøllin. Holst skoraði ímóti Brøndby Føroyski landsliðsspælarin Christian Lamhauge Holst dugir at gera mál. Hann skoraði mál í ársins fyrsta venj­ ingardysti hjá Lyngby, og um vikuskiftið skoraði hann eisini í tí næsta. Hesaferð spældi Lyngby ímóti Brøndby, og úrslitið gjørdist 2­2. Holst javnaði til 1­1 beint eftir hálvleikssteðgin. Hin føroyski landsliðsspælarin í Lyngby, Tem Hansen, spældi eisini við hendan dystin. Hóast verjuparturin ikki var so sann­ førandi hesaferð, so skoraði Stjørnan somikið væl, at sigurin á Kyndli ongan tíð var í vanda Hondbóltur Jákup Mørk jakup@sosialurin.fo Í seinastu dystunum móti Neistanum og VB hevur Stjørnan veruliga havt stórspælið frammi. Tí var ikki væntandi, at Kyndil kundi gera nakað sum helst við oddaliðið, og við einum tapi upp á 10 mál var tann spádóm­ urin so ikki gjørdur fyri skommum. Men Kyndil royndi tó at spæla sín møguleika. Stjørnan var kanska ikki heilt so væl gearað hesa­ ferð, og fyri steðgin megn­ aði Kyndil so hampuliga væl at fylgja við. Og hóast tað alla tíðina so tungt út hjá gestunum, so var tað kortini ikki fyrr enn seinastu løtuna, at tað veruliga skrædnaði mill­ um liðini. Ikki minst tí spælararnir hjá Stjørnuni eru somikið væl fyri krops­ liga, og tí veruliga kundu seta trumf á seinastu løt­ una, tá Kyndil varð runnið niður og norð. Enn sum áður er Stjørn­ an greitt á odda í Sunset­ kappingini, og tann støðan verður so ikki broytt í endaspælinum. Har er einasti spurningurin, hvør verður mótstøðan í final­ uni. Kyndil tykist hinvegin hava rokkið fremsta málin­ um um at halda sær burturi frá botninum. Og í so máta høvdu tær væl ráð at liva við tapinum í Klaks­ vík. Stjørnan-Kyndil 35-25 (18-15): Stjørnan buldrar víðari Stjørnan-Kyndil 35-25 (18-15) 10 min: 7-6 20 min: 12-11 40 min: 22-18 50 min: 27-23 Málskjúttar Stjørnan: Durita Christophersen 10, Simona Peter- sen 10, Una Olsen 5, Durita Ljósstein 4, Edith Han- sen 2, Anna Kristina Samson 2, Hann Mikkelsen 1, Bára Skaale Klakstein 1 Kyndil: Jackiln Durhuus 8(3), Randi Wardum 6(2), Lina Andriulyte 5, Tordis Tróndarson 2, Barbara Egilstrøð 1, Ása Apol 1, Eyðritt Andreasen 1, Mia Káradóttir 1 Brotskøst: Stjørnan 1, Kyndil 5 Útvísingar: Stjørnan 3, Kyndil 5 Dómarar: Kristian Joensen & Karstin Joensen FAKTA StÍF sýndi mest sum ræðandi styrki, tá teir í dag vundu burtur úr VÍF Hondbóltur Jákup Mørk jakup@sosialurin.fo Kanska er einasta loysnin at mansverja samfullar seks útispælarar hjá StÍF. Í øllum førum sýndu strandingarnir sunnudagin, at teir hava so nógv flestar streingir av øllum. Tí hóast unga VÍF­liðið fleiri ferðir spruttaði nakað, so megnaðu teir als ikki at halda sama støðuga støði, sum gestirnir gjørdu. Breið hóttan Snøgt sagt, so var tað alla tíðina onkur spælari – og oftast fleiri – sum vóru til reiðar at taka ábyrgd á liðnum hjá StÍF. Í álopinum hevur stórur partur av spælinum í ár snar­ að um Danni Syhler og Dav­ id Edvardsen, og hesir sýndu sanniliga sítt virði. Ikki minst var tað sjónligt, tá VÍF tað einu ferðina royndi at skerma Syhler úr spælinum við eini offensiv­ ari 5­1 verju. Ístaðin fingu teir bara ein krossandi Edvardsen, sum tríggjar ferðir á rað bankaði bóltin í meskarnar, og so var tað hugskotið líkasum slept. Men eisini hinir á liðnum sýndu dygdir, sum saman­ lagt gera StÍF til vandamest liðið í deildini. Justinussen­ beiggjarnir hava skotstyrki, sum fáir aðrir í landinum. Á veinginum kundi tað nær­ um gera tað sama, hvørjar spælarar StÍF nýtti, tí teir skoraðu kortini. Og í striku­ spælinum hevur liðið eisini frægar spælarar, sum eisini fingu pláss, tá VÍF verjan noyddist at hugsa bæði breitt og djúpt. Nú stendur VÍF miðskeið­ is í einum ættarliðsskifti. Og tí er ein stórsigur í Vest­ manna ikki sama valds­ demonstratión, sum tað var fyri nøkrum árum síðani. Men kortini hava teir gulu somikið av kvaliteti, at tað skal eitt serstakliga gott lið til fyri at geva ein slíkan umgang. Spruttaðu viðhvørt Tað var tó ikki soleiðis, at vestmenningar vóru full­ komuliga hjálparsleysir. Við Agnari Joensen á odda fylgdu vertirnir væl við fyrstu løtuna av dystin­ um sunnudagin, men breidd­ in hjá StÍF kom teimum í serstakliga stóran mun tilgóðar, tá vestmenningar ikki megnaðu at halda ferð­ ini uppi allan vegin. Hetta gav at bíta mið­ skeiðis í fyrra hálvleiki, tá 6­7 gjørdist til 6­13, og aftur í seinna hálvleiki var sama skili. Tá hevði VÍF annars eftir málleysa undirtalsstøðu strítt seg til trý mál á rað og minkað munin niður í 17­ 20. Men lítli spenningurin, sum nú var í, hvarv sum døgg fyri sól, tá StÍF vann næstu løtuna 8­1. Og so var góða arbeiðið hjá teimum gulu at kalla burturspilt. Og so kundu strandingar­ nir róliga koyra sigurin heim, meðan áskoðararnir, sum øktust í tali, nú EM­fin­ alan var av, kundu grunda um, hvat skal til, um StÍF skal basast. Ja. Kanska ein seks­dupult mansverja er svarið. VÍF-StÍF 20-30 (11-16): Spæla sum meistarar VÍF-StÍF 20-30 (11-16) 10 min: 4-3 20 min: 6-11 40 min: 15-20 50 min: 17-25 Málskjúttar VÍF: Agnar Joensen 4(1), Rúni Joensen 4, Daniel Rapa 4(1), Fríðbjørn Seloy 2, Niels Andreasen 2, Bjarti Han- sen 2, Dávur Magnussen 1, Joen P. Høgnesen 1 StÍF: David Edvardsen 6, Rúni Niclasen 4, Leivur Just- inussen 3(1), Jón Rasmussen 3, Bárður Danielsen 3, Danni Syhler 3, Borgar Danielsen 3, André F. Danielsen 3, Sveinur Justinussen 2(1) Brotskøst: VÍF 3, StÍF 3 Útvísingar: VÍF 3, StÍF 4 Dómarar: Ragnar Simonsen & Rúni Mohr FAKTA André F. Danielsen og StÍF eru flúgvandi. Hesa ferð var tað VÍF, sum í egnari høll fekk av at vita Mynd: Álvur Haraldsen