fríggjadagur 1. februar 2008síða 22

22 Nr. 23 - 1. februar 2008 tíðindi Blaðtekningar Jan Müller jan@sosialurin.fo Tá nýggja løgtingið kemur saman leygardagin er eisini okkurt nýtt at síggja í innandura umhvørvinum. Vitjar tú fólkavaldu tingini í okkara grannalondum, so er vanligt at síggja veggirnar í politisku korridorunum prýddar við tekningum hjá kendum blaðteknarum. Hesin táttur er nú eisini veruleiki á Føroya Løgtingi, har tekningar hjá Óla Peter­ sen eru vornar veggjaprýði í nýumvælda løgtingsbygn­ inginum. Edmund Joensen, tingformaður sigur við Sosialin, at nú tað er so van­ ligt at síggja blaðtekningar frá tí politiska umhvørvinum í fólkavaldu tingunum, so var tað upplagt eisini at prýða onkrar av veggunum í løgtingsbygninginum við tekningum hjá okkara frægasta teknara, Óla Peter­ sen. Talan er fyribils um góðar 30 tekningar, sum hava staðið á baksíðuni í Sosialinum hesi seinastu 19 árini, og eru tær frá politisk­ um hendingum hesi árini. Helst koma fleiri aftrat. Edmund Joensen: ­Vit hava roynt at fáa átt arbeiðsligt og snotuligt tinghús. Í hesum sambandi hevur tað eisini stóran týdning at prýða hølini við føroyskari list, og partur av hesi listini er tann politiska listin, og tí hava vit valt at prýða veggir við politisku karrikaturunum hjá Óla Petersen. Óli P í løgtinginum Tær fyrstu fýra tekningarnar hjá Óla Petersen komu upp á veggin uttanfyri skrivstovuna hjá tingformanninum í fjør. Her vísir Edmund Joensen, tingformaður fyrrverandi danska tingformanninum, Ivan Hansen, teknilistina hjá Óla P. Ein av teimum, sum Óli Petersen hevur dámt og dugað best at teknað, er tjóðveldistingmaðurin Tórbjørn Jacobsen, sum her eygleiðir fyrstu tekningarnar í løgtingshúsinum