mánadagur 4. februar 2008síða 26

26 [ Nr. 24 - 4. febr 2008 ] Rodrigo komin til Klaksvíkar KÍ hevur funnið suðuramerikanskan styrk til álopið hjá sær í ár. Felagið hevur gjørt avtalur við brasilska Rodrigo og argentinska Jonathan Tridente. Fríggjadagin kom Rodrigo til Klaksvíkar. Hann skuldi koma hósdagin, men mátti gista í Keypmannahavn, meðan ódnin leikaði í kring oyggjarnar. Lokalblaðið Norðlýsið var til fyrstu venjingina hjá Rodrigo. Venjingin var í KÍ-høllini, og blaðið heldur, at Rodrigo hevði góðan bóltførleika. Jonathan Tridente kemur til Klaksvíkar seinni í hesum mánaðinum. Mynd: Norðlýsið Tað kravdi nógv av nervunum, men við sigrinum á KÍF er VÍF framvegis partur av stríðnum um bronsukrónurnar í FM-kappingini Hondbóltur Jákup Mørk Jakup@sosialurin.fo Ungu vestmenningarnir, sum í vetur hava verið at kalla í læru í fremstu hond- bóltsdeildini, hava ikki alla tíðina havt eina eins lætta tilveru. Seinastu tíðina hevur talan ikki verið um serliga góð úrslit, og skuldi liðið framvegis vera partur av bronsustríðnum, so var kravið ein sigur sunnudag- in, tá grannarnir og botn- liðið úr KÍF vitjaði. Og hesa ferð gekk tað hjá VÍF. Hóast KÍF sýndi ein vilja, sum var munandi stø rri enn í fleiri av sein- astu dystunum, so hildu teir gulu seg støðugt á odda í dystinum. Eina løtu í fyrra hálv- leiki var enntá líkt til, at talan skuldi gerast um ein sigur av teimum heilt tryggu, men KÍF vildi ikki veruliga sleppa takinum. Sum minuttirnir gingu gjørdist spurningurin, hvørt ungu menninir hjá teimum gulu megnaðu at halda høvdinum kalt, tá avgerandi løturnar komu. Og her gjørdist niðurstøðan eitt greitt ja. KÍF hevði annars mink- að munin niður í eitt mál, men seinastu løtuna var tað VÍF, sum hevði eitt gear eyka. Við sigrinum hevur VÍF framvegis ein teoretiskan møguleika at vinna Neistan aftur í stríðnum um pláss í FM-finaluni. Tann møgu- leikin er tó kanska dekan ov teoretiskur, men tað man tó smakka væl hjá teimum flestu í Vestmanna, at liðið framvegis er partur av stríðnum um bronsukrónur. Við sigri á grannunum vann VÍF seg aftur í dystin um bronsu­ krónurnar savnsmynd VÍF-KÍF 29-26 (16-14) 10 min: 6-4 20 min: 14-9 40 min: 18-17 50 min: 22-22 Málskjúttar VÍF: Agnar Joensen 9(7), Regin Joensen 7, John M. Andreasen 5, Niels Andreasen 4, Karl Johan Djur- huus 2, Joen P. Høgnesen 1 KÍF: Damir Oros 12(4),Niklas Reginsson 6, Dean Jankovic 4, Teitur Joensen 1, Regin Petersen 1, Jóan Pauli Olsen 1, Jákup Trygvason 1 Brotskøst: VÍF 7, KÍF 4 Útvísingar: VÍF 3, KÍF 3 Dómarar: Sámal Paulason & Kári Hansen FAKTA VÍF-KÍF 29-26 (16-14): VÍF aftur á slóðina StÍF heldur framvegis støðinum sum besta hondbóltsliðið í landinum. Hesa ferð fekk H71 av at vita frá einum StÍF-liði, sum í løtum var serstakliga vælupplagt Hondbóltur Jákup Mørk jakup@sosialurin.fo Tað er eingin, sum tykist kunna steðga strandingum í løtuni. Ikki síðani 7. novem- ber er StÍF farið stigaleyst av vøllinum. Og síðani hetta er tað bert hent ta einu ferðina – tann 25. november móti KÍF – at StÍF ikki er farið av vøllinum við báð- um stigunum. Tí var talan kanska um truplastu uppgávuna av øllum, sum H71 hevði sunnudagin, og fyrstu lítlu løtuna staðfestu strandingar- nir eisini, at tær avgjørt ikki vilja seta ferðina niður. H71 varð snøgt sagt blást av vøllinum fyrstu løtuna, og tó at teir aftur sluppu upp í part, tá StÍF setti ferð- ina nakað niður, so var tað støðugt heimaliðið, sum var leikliga omaná. Nakað, sum eisini gjørdist sjónligt í seinna hálvleiki. H71 royndi fleiri ferðir at taka leiðsluna hjá StÍF aft- ur, men miðskeiðis í seinna hálvleiki skrædnaði av álvara. StÍF fekk aftur ferð- ina upp á eitt støði, har hoy- víkingarnir ikki megnaðu at fylgja við, og so gjørdist talan enn eina ferð um tryggan sigur til oddaliðið. Breiðar dygdir Og sigurin undirstrikaði bara enn einaferð, at strand- ingarnir eru glóðheitir í løtuni. Stóru profilarnir eru kanska skotsterku bakspæl- ararnir, men liðið hevur eisini hópin av øðrum dygd- um. Sterka bakspælið gevur eisini rúm hjá øðrum spæl- arum, og tá hesir taka av møguleikunum, er ikki gott at vera fyri. Eisini í verjupartinum stendur liðið seg serstakliga væl, og hevur Marian Cirlog- anescu ein av sínum góðu døgum, so er hampuliga trupult hjá mótstøðuliðunum at gera nakað sum helst. Higar til hevur hetta verið nóg mikið til at staðfesta oddasessin í Atlantic Air- ways-kappingini. Men spurningurin í løtuni er helst, um hetta eisini er nóg mikið til steypasigur. Fram um øll hini, so hava strand- ingar við átta finalum á rað – harav sjey sigrum – undir- strikað, at teir duga kynstrið at lyfta seg til tær heilt stóru uppgávurnar. Føroyskur manshondbólt- ur hevur ikki upplivað eina greipu síðani 1998, men strandingar tykjast í løtuni at vera somikið glóðheitir, at tað ikki er heilt av vegnum, um teir fara avstað við eini slíkari hetta kappingarárið. StÍF-H71 30-22 (12-9): Spæligleði á Skála StÍF-H71 30-22 (12-9) 10 min: 6-2 20 min: 10-4 40 min: 16-13 50 min: 23-16 Málskjúttar StÍF: Sveinur Justinussen 7(1), Danni Syhler 6, David Edvardsen 6, Leivur Justinussen 4, Borgar Danielsen 3, André F. Danielsen 3 H71: Dánjal Tórgarð 8(1), Halgir Dahl Olesen 6(1), Christian Eli Zachariassen 3, Gunnar Bláberg 2, Freddy Poulsen 2, Poul Kjartan Dam 1 Brotskøst: StÍF 1, H71 4 Útvísingar: StÍF 2, H71 1 Dómarar: Hans Thomassen & Hanus Kúrberg FAKTA Heldur ikki H71 megnaði at steðga væl koyrandi maskinuni hjá StÍF, sum tykist stevna beint móti fyrstu greipuni í føroyskum manshondbólti í 10 ár savnsmynd