mikudagur 6. februar 2008síða 5

5 tíðindi Nr. 26 - 6. februar 2008 Listamálarin Tor­ bjørn Olsen gerst støð­ugt djarvari og meir provokerandi í síni nýtslu av litum sæst á framsýning í Galerie Focus, har 23 av hansara nýggjastu málningum eru at síggja List Anna V. Ellingsgaard anna@sosialurin.fo Myndir: Jens K. Vang Føroyski listamaðurin, ið er serliga kendur fyri sínar lit­ sterku myndir, er ikki vorð­ in spakari við árunum. Heldur øvut. Nógvir av han­ sara nýggjastu málningum, ið eru at síggja í Galerie Focus, eru mest at líkna við kensluligar liteksplosiónir. Ikki glaður við vilja Litríku málningarnir hjá Torbjørn Olsen geva ofta fatan av einum serliga glað­ um listamanni, men hetta er ikki tilætlað sambært listamanninum. ­ Eg máli ikki glaðar mál­ ingar við vilja. Ikki tí, eg gangi ikki og eri tungur í huga, men sterku litirnir endurspegla mínar sterku kenslur – sum ikki altíð nýt­ ast at vera so glaðar, sigur Torbjørn Olsen. Hann greiðir frá, at jú meir intenst, hann arbeiðir við einum málningi, jú ógvusligari og sterkari verða hansara kenslur mót­ vegis myndevninum. Har­ við traðkar ítøkiliga mynd­ evnið í bakgrundina, meðan kensluligu tulkingarnar av tí taka yvir og fáa sítt egna lív og útrykk í sterkum lit­ um. 52 ára gamli listamaðurin byrjaði sum heilt ungur at royna seg við sterkum lit­ um, og er ongantíð hildin uppat aftur. ­ Tað liggur avgjørt fram­ vegis ein stór avbjóðing í at arbeiða við litum. Eg haldi meg vera vorðnan djarvari, frekari á ein hátt og nú roy­ ni eisini eg at mála skjótari, sigur listamaðurin. Fyri Torbjørn er tað heilt avgerandi at kunna mála skjótt fyri best at fanga løt­ una og ljósið. ­ Eg vildi ynskt, eg fekk málað ein risastóran máln­ ing í trimum, skjótum strok­ um. Tað hevði nokk verið tann ultimativa myndin fyri meg beint nú, hugleiðir listamaðurin. Tulkandi andlitsmyndir Torbjørn Olsen er uttan iva tann føroyski málarin í nýggjari tíð, ið hevur gjørt mest burtur úr andlitsmynd­ um. Eini tríggjar andlits­ myndir eru við á hesi fram­ sýningini, og avdúka tær, at listamálarin hevur sina heilt egnu fatan av, hvat eitt gott portett er. ­ Víst skal ein andlitsmynd líkjast persóninum, men hvør skal gera av, nær hon líkist mest? Vit menniskju síggja jú oftast somu menni­ skju rættiliga ymiskt. Eg kann halda onkran vera vakran, meðan tú heldur viðkomandi vera heldur misháttan. Mínar andlits­ myndir kunnu ongantíð verða annað enn útrykk fyri mína subjektiva fatan av júst hesum andlitinum, stað­ festir Torbjørn Olsen. Best dámar honum, um hann fær stundir at koma at kenna persónin, hann skal mála. Ein góð andlitsmynd skal nevniliga eisini endur­ spegla sinnalag, verumáta og annað, ið eyðkennir per­ sónin, heldur Torbjørn Olsen, sum onki hevur ímó­ ti, at andlitsmyndir ofta eru rættiliga bundnar uppgáv­ ur. ­ Eg kenni meg ikki bund­ nan á ein avmarkandi hátt av andlitsmyndum. Eg haldi tað hinvegin vera sera spennandi at royna at fáa júst mína uppliving av per­ sóninum fram. Tí brúki eg heldur ongantíð eina foto­ mynd av viðkomandi at mála eftir – so hevði eg jú ikki upplivað persónin, sig­ ur Torbjørn Olsen, listamál­ ari. 22 bólkar húsast í Dávavirkinum Tað eru bert fáir mánaðir síðani at Dávavirkið í Klaksvík varð "umbygt" til eitt spælistað fyri tónleikahugaðar klaksvíkingar. Longu nú venja einir 20 bólkar her, teir flestu úr Klaksvík, men eisini onkur úr Eysturoynn. ­ Bara í ár eru 5 bólkar komnir aftrat, sigur leiðarin, Beinta Árnadóttir Gregersen við Norðlýsið. Nógv bygging í Skopun Tað verður framvegis bygt nógv í nýggja býlinginum í Skopun, í Gerðinum. Grundin á myndini er júst stoypt, og fyrsta dagin verður farið undir at stoypa eina aðra í somu útstykking. Heimasíðan bkv.fo skrivar, at eini hús vórðu reist og innilokað beint fyri jól. Annars eru trý hús liðug, og har fólk eru flutt inn. Djarvur Torbjørn í Focus Framsýningin hjá Torbjørn Olsen í Galerie Focus letur upp fríggjadagin kl. 16. Við á framsýningini eru 23 málningar, harav teir allarflestu eru málaðir í ár. Framsýningin verður opin fram til 22. februar - týsdag til fríggjadag kl. 15 til 18 og leygardag kl. 16 til 18 FAKTA - Um eini 20 ár tori eg kanska at royna meg við svørtum. Tað hevði verið spennandi, tí svart er í grundini ikki ein litur, hugleiðir listamaðurin, ið er kendur fyri sínar litsterku myndir Ein risastórur málningur, málaður við trimum, skjótum strokum, má vera tann ultimativa myndin, heldur Torbjørn Olsen Ein knallreyður prikkur mitt í einum landslagi er bert ein av áhugaverdu provokatiónunum á nýggju framsýningini hjá Torbjørn Olsen