mikudagur 6. februar 2008síða 6

6 tíðindi Nr. 26 - 6. februar 2008 - Mín einasta niður- støða má verða, at eg ikki havi havt und- irtøku í tingmanning- ini. Eg veit, eg var í uppskoti, men eingin semja er fingin um hvørki meg ella Olgu Biskopstø. Og tað er bara veruleikin, sigur Heidi Petersen POLITIKKUR Leo Poulsen leo@sosialurin.fo - Eg kenni onga grund. Men eg veit, at felagið her norðuri innstillaði meg til landsstýr- issessin sum mentamála- ráðharri. Meiri dugi eg ikki at siga, sigur Heidi Petersen, tá Sosialurin spyr, hvussu tað bar til, at hon ikki gjørd- ist mentamálaráðharri. Tjóðveldiskvinnan úr Vest- manna vísir á, at hon var ikki við til tingingarnar um lands- stýrissessirnar, tí tað er eitt mál, sum verður avgjørt í tingbólki og floksleiðslu. - Eg veit tí einki annað enn, at eg kann ímynda mær, nóg stór undirtøka ikki var í tingbólkinum at velja hvørki meg ella Olgu Biskopstø. Men hetta er ein demokrat- iskur framferðarháttur, og tað ætli eg mær at góðtaka, sigur Heidi Petersen. Hon sigur, at hon einki orð hevur hoyrt um, hví hon ikki fekk neyðugu undir- tøkuna í flokkinum. - Eg vil ikki siga, at eg eri beinleiðis vónbrotin. Hin- vegin var eg spent upp á at vita, um luturin fall á meg, nú eg var í uppskoti. Tað er eingin loyna, at júst mentan- arøkið er tað, sum eg havi fingist eina mest við sein- astu fýra árini á tingi. Tí meti eg eisini, at eg havi neyðugu royndirnar til ein slíkan sess, sigur Heidi Petersen. Aftur um brekkur Men hon hevur hvørki hoyrt orð ella eið frá hvørki floks- formanni ella tingbólki, og sigur seg – eins og Heini O. Heinesen – ikki hava fingið lyfti um nakað sum helst sum plástur á sárið, nú hon ikki gjørdist mentamálaráðharri. - Eg havi einki fingið at vita, men eg kenni spæli- reglurnar, og góðtaki tær eisini, sigur Heidi Petersen. Tað undrar hana kortini, at telvingin hjá Tjóðveldi í síðsta enda førdi til, at flokk- urin fór heilt út um politiska spektrið at finna mentamála- ráðharran. Sum kunnugt fall valið á Kristinu Háfoss, ið hevur verið púrasta óvirkin í politikki seinastu fýra árini. - Við hesum valinum hev- ur flokkurin megnað at mið- savna øll fýra landsstýris- fólkini í miðstaðnum. Gam- aní er Tobbi av Glyvrum, men hann býr sum hin fjórði í Havn. Og tað er óheppi og eisini nakað, sum kann koma flokkinum aftur um brekku seinni, sigur Heidi Petersen. Ikki á latu síðuni Men hvussu er og ikki, so hevur alt hetta ført við sær, at Heidi Petersen endurvinn- ur sítt sæti á tingi. Og tað er hon sera væl nøgd við. - Mær hevur dámað ógvu- liga væl at siti á tingi seinastu fýra árini, og eg gleði meg at taka hetta arbeiði upp aftur, sigur Heidi Petersen. Og hóast nýggja sam- gongan má sigast at hava fingið eina rokasliga byrjan, hevur Tjóðveldiskvinnan úr Vestmanna góðar vónir um, at samstarvið fer at halda komandi fýra árini. - Um fólk eru innstillað upp á at samstarva komandi fýra árini, og hava viljan at halda stevið, so vænti eg av- gjørt, at vit megna at halda upp á samgonguna alt sam- gonguskeiðið, sigur Heidi Petersen, sum altso ikki gjørdist mentamálaráðharri, hóast hon var í uppskoti, og av eygleiðarum mett sum upplagda boðið. Mong eru ónøgd Eg vil ikki siga, at eg eri beinleiðis vónbrotin, men eg var kortini spent upp á at vita, um luturin fall til mín, nú eg var í uppskoti at gerast mentamála­ ráðharri, sigur Heidi Petersen Hóast Vinnuhúsið fegnast um nógv av tí, sum stendur í samgonguskjalinum, so er hinvegin nógv sum bendir á, at nýggja samgongan hevur góðan hug at leggja størri byrðar á vinnulívið POLITIKKUR Leo Poulsen leo@sosialurin.fo Vinnuhúsið sigur á heima- síðu síni, at tað tykist, sum nýggja samgongan hevur hug at leggja størri byrðar á vinnulívið, men samstundis stendur í samgonguskjalin- um, at ætlanin er at leggja viðurskiftini soleiðis til rætt- is, at íverksetan skal stimbr- ast. - Vit halda, at tað er ein ávísur mótsetningur í, at mann eggjar fólki til íverk- setan, samstundis sum mann leggur størri byrðar á vinnuna, segði Marita Ras- mussen við Rás2. Hesar øktu byrðar, sum stjórin í Vinnuhúsinum sip- ar til, eru eitt nú betrað skip- an í ALS, barsilstíðin skal leingjast, útbúgvingargrunn- ur stovnast, samhaldsfasti skal hækka, og gjald skal verða í sambandi við barns- ins fyrsta sjúkradag. - Hetta eru typiskt skipan- ir, sum vinnan er við til at fíggja, og skulu hesar broyt- ast og betrast, so merkir tað alt annað líka, at størri útreiðslur verða lagdar á arbeiðsgevararnar, segði Marita Rasmussen. Hinvegin heldur stjórin í Vinnuhúsinum, at alt kortini ikki er tann reina neyð og elendigheit í samgongu- skjalinum. Har eru eisini ting, sum vinnan sær posit- ivt upp á. Kanska serliga ætlanin um at loysa upp fyri útlendskari arbeiðsmegi. - Skulu vit skapa búskap- arliga menning er tað neyð- ugt, at vinnan fær neyðugu karmarnar at virka undir, eitt nú við at tørvurin á út- lendskari arbeiðsmegi verð- ur nøktaður, segði Marita Rasmussen. Tola ikki fleiri byrðar Føroya Arbeiðsgevarafelag gongur út frá, at vinnan eins og vanligt er verður tik- in við, tá talan er um at broyta og betra skipanirnar. - Og har vilja vit so bara vóna, at hesar broytingarnar eisini fara at betra viður- skiftini fyri føroyska arbeiðsmarknaðin, og ikki bara fyri hvønn einstakan, segði Marita Rasmussen. Hvør verður avleiðingin, um orðaði politikkurin verð- ur førdur út í lívið? - Tað verður neyðugt at hyggja at gongdini í vinn- uni. Úrslitið í fiskivinnuni seinastu árini hava ikki givið ábendingar um, at tað gongur serliga væl. Tað er tí eingin ivi um, at leggur tú størri byrðar á tann partin av vinnuni, fer tað at ávirka teirra úrslit, segði Marita Rasmussen. Hon vísti á, at vit eru í einari støðugari kapping við vinnur uttanlands. - Tað, sum umræður fyri okkum er, at treytirnar, vinn- an virkar undir, ikki á nakr- an hátt ávirkar teirra møgu- leika at klára seg frameftir, segði Marita Rasmussen við Rás2. Størri byrðar á vinnuna Har eru bæði góð og minni góð ting í samgonguskjalinum, heldur Marita Rasmussen, stjóri í Vinnuhúsinum Portalurin slær øll met Ongan tíð áður hava so nógv fólk vitjað portalin, sum tey gjørdu í farnu viku. Bæði í tali av brúkarum, vitjanum og sýndum síðum varð talan um met. Og kanska er tað nakað um tað, tá sagt verður, at veðrið er tað, sum upptekur føroyingar mest. Leitast skal nevnliga aftur til illveðrið til Summarfestivalin fyri at síggja eitt líknandi tal av sýndu m síðum. Hesa ferð gjørdist talan tó um 3.192.726 sýndar síður, og tað er nýtt met. Portalurin er langt ovasta síðan á vevmátingarlistanum hjá Gallup. Næstu síðurnar eru uf.fo, planet.fo, nummar.fo og sportal.fo Ov nógv rækjuskip Ein frágreiðing, sum eitt ráðgevandi felag hevur gjørt um rækjufiskiskapin á teimum innaru leiðunum í Grønlandi, kemur til ta niðurstøðu, at myndugleikarnir eiga at skerja skipatalið, so bara ein tíggjundapartur verður eftir. Men tað er púra burturvið og letur seg als ikki gera, sigur Finn Karlsen, landsstýrismaður í fiskivinnumálum. Ráðgevandi felagið sigur, at skipini eru ov mong í tali og harafturat gomul, og so fellur prísurin á rækjum eisini.