mikudagur 6. februar 2008síða 10

10 Nr. 26 - 6. februar 2008 Sosialurin Stendur á jøvnum SAMBAND eirikur liNDeNSkov eirikur@SoSiAluriN.fo tlf 341800 viðmerkingar Sosialurin Stovnaður: 1927 Ábyrgdarblaðstjóri: Jan Müller jan@sosialurin.fo Blaðstjóri: Eirikur Lindenskov eirikur@sosialurin.fo Redaktiónsleiðari: Kári Mikkelsen karim@sosialurin.fo Marknaðardeild: lysing@sosialurin.fo Marknaðarleiðari: Gudny Langgaard gudny@sosialurin.fo Birgir Waag Høgnesen birgir@sosialurin.fo Joan Abrahamsen joan@sosialurin.fo Henrietta Hammer henrietta@sosialurin.fo Blaðfólk: Áki Bertholdsen aki@sosialurin.fo Vilmund Jacobsen vilmund@sosialurin.fo Snorri Brend snorri@sosialurin.fo Magnus Gunnarsson maggi@sosialurin.fo Rigmor Dam rigmor@sosialurin.fo Rólant Waag Dam rolant@sosialurin.fo Niels Uni Dam nielsuni@sosialurin.fo Leo Poulsen leo@sosialurin.fo Dorit Hansen dorit@sosialurin.fo Eyðun Klakstein eydun@sosialurin.fo Eydna Skaale eydnaskaale@sosialurin.fo Anna V. Ellingsgaard anna@sosialurin.fo Ítróttur: Jákup Mørk jakup@sosialurin.fo Niels Mortensen niels@sosialurin.fo Lýsingar Freistir: Tekstlýsingar Størri lýsingar Lýsingartorgið Heilsanir Mánadagsblaðið Mán.kl. 10 Frí. kl. 15 Frí. kl. 12 Frí. kl. 12 Týsdagsblaðið Týs. kl. 10 Mán. kl. 15 Mán. kl. 12 Mán. kl. 12 Mikudagsblaðið Mik. kl. 10 Týs. kl. 15 Týs. kl. 12 Týs. kl. 12 Hósdagsblaðið Hós. kl. 10 Mik. kl. 15 Mik. kl. 12 Mik. kl. 12 Fríggjadagsblaðið Frí. kl. 09 Hós. kl. 15 Hós. kl. 12 Hós. kl. 12 Størri lýsingar, sum nógv arbeiði stendst av, mugu vera inni í góðari tíð og áðrenn ásettu freistir. Framíhjápláss má umbiðjast í góðari tíð. Stødd: Ein heil síða í Sosialinum er 254 mm breið og 346 mm í hædd. Breiddin á einum teigi er 39 mm og rúmið millum teigarnar er 4 mm. Innsent tilfar Fult navn skal vera undir innsendum tilfari. Innsendar greinar, har blað leiðsl­ an ikki er kunnað um bústað og telefonnummar, verða ikki settar í blaðið. Kykmyndir: Alvin Ellebye Andersen alvin@sosialurin.fo Sosialurin í Norðoyggjum: Nólsoyar Pálsgøta 1, 700 Klaksvík tel. 458686 fax 458687 e­post: klaksvik@sosialurin.fo Sosialurin í Suðuroy: tel. 375364 fax 375464 tel. 228814 e­post: aki@sosialurin.fo e­post: dagfinn@sosialurin.fo !!! Haldarar sum ikki hava fingið blaðið, kunnu ringja til 341818 og boða frá, leygardag tó frá kl. 11.00­13.00 Uppseting/prent: Uppseting: Sosialurin Prent: Prentmiðstøðin Útgevari: Sp/f Sosialurin Avgreiðsla: Mán.­frí. 8­16 Tórsgøta 1, 100 Tórshavn Tel. 341800, Fax 341801 Postadressa: Postboks 76, 110 Tórshavn E-mail: post@sosialurin.fo lysing@sosialurin.fo lysingartorg@sosialurin.fo varp@sosialurin.fo Blaðið verður prentað mánadag­fríggjadag klokkan 1330 Uppstillingarvalini á supertuesday ella ovurtýsdegi góvu ikki nakra endaliga avgerð um uppstillingarnar til forsetavalið í USA til heystar. Hjá demokratunum var spenningurin stórur, hvørt Obama ella Clinton fór at vinna. Úrslitið gjørdist, at tað stendur mestsum á jøvnum. Hillary Clinton hevur tó munin við sínum 835 umboðum móti teimum 726 umboðum, sum Barak Obama higartil hevur vunnið sær. Sostatt er spenningurin bert øktur, og tað kann væl henda, at tað framvegis stendur á jøvnum, tá endaligi uppstillingarfundurin verður í september mánaði. Uppstillingarstríðið hjá demokratunum er sera áhugavert og boðar frá broytingum í amerikonskum politikki. Valevnini eru veruliga sermerkt – ein kvinna og ein afroamerikanari. Hetta í sjálvum sær er tekin um stórar rembingar í veljarafjøldini. Hillary fær stuðul frá verkamannafjøldini, latinoamerikanum og floksaparatinum. Barak fær stuðul frá ovara parti av meðalstættini, teimum intellektuellu og uttan iva meginpartin av afroamerikanunum. Skemtandi verður sagt, at Hillary er til PC, meðan Barak er til Mac. Hetta er ein orsøkin til, at tað stendur á jøvnum. Ein onnur orsøk er, at tað í roynd og veru eingin munur er á politiska boðskapinum hjá demokratisku valevnunum. Munurin var millum Edward øðrumegin og Clinton og Obama hinumegin. Edwards vendi sær beinleiðis til tað fátæka USA. Hann lovaði at javna út stættarmunin og hevði eina sosialdemokratiska valskrá. Tað, sum so skilir, eru sjálvir persónarnir – teirra sera ymisku persónsmenskur og teirra bakstøði. Tað er sostatt ikki løgið, at tað stendur á jøvnum. Hjá republikanum er støðan væl greiðari, og alt bendir á, at McCain verður stillaður upp. Hann verður elsta valevni nakrantíð, 72 ár, tá hann tekur við, um hann altso verður valdur til forseta. McCain er ikki nakað vanligt republikanskt valevni. Hann gongur ofta móti flokkinum, eitt nú í málinum um Guantanamo. Sum gomul stríðshetja frá Vietnamkrígnum hevur hann stóra virðing millum veljarar úr báðum flokkum og kann fara at gerast eitt sterkt mótvalevni hjá einum demokrati á forsetavalinum. Fyri heimin er tað ikki eitt feitt, hvør, ið gerst forseti. Øll valevni lova betri búskap. Tey demokratisku valevnini lova at enda kríggini, steingja Guantanamo, at steðga ólógliga virkseminum hjá CIA og at enduskoða politikkin mótvegis Europa og Latínamerika. Tað er helst vanliga áskoðanin í Europa, at ein demokratiskur forseti gagnar Europa og heiminum mest. Hann ella hon kann bøta um umdømi USA og ivaleyst gera heimin tryggari. Í eyka tíðindasending í úf. í sambandi við illveðrið hóskvøldið í farnu viku og í tíðindasending á middegi dagin eftir, varð tosað við reiðara í Runavík. Her varð ført fram, at støðan var hættislig hóskvøldið og víst varð til, at ongi starvsfólk hjá Runavíkar Havn vóru at síggja nakra staðni. Hetta er ein sera óheppin útsøgn, ið havnastjórin í Runavík, ikki metir eigur at sleppa standa ósvarað. Runavíkar Havn hevur altíð tilkallivakt um nátt­ ina, men vegna ódnar­ veðrið hóskvøldið og fríggjamorgunin var starvs­ fólk á vakt alla náttina. Viðkomandi fekk orð­ sakað vánaliga veðrið ikki verið nógv úti á sjálvum havnalagnum, men var á havnaskrivstovuni tað nógva av tíðini. Tað vóru sera nógvar uppringingar og smærri skaðafráboðanir og vakthavandi samskipaði arbeiðið við løgreglu, sløkkilið og reiðarar, ið høvdu skip liggjandi við kai í Runavík. Samskifti og arbeiði sum heild gekk væl og ongin størri skaði stóðst av ógvusliga illveðrinum. Havnasatjórin metir tí útsøgnina hjá reiðaranum, ið bar brá av at ongin vardi av havnalagnum hetta kvøldið, vera sera harmi­ liga og beinleiðis ósanna. Viðmerking til innslag um støðuna í Runavíkar Havn í hóskvøldið 31-01-08 havnarstjóri JóN NóNKLEtt Landnyrðingsódnin farna gjørdi serliga vart við seg í nøkrum bygdum í landi­ num. Ein av teimum var grannabygdin fyri eystan, Skálavík. Tað var ikki ein tespilig sjón, sum bjóðaði Skálvíkingum góðan morgum eftir hørðu ódnar­ náttina. Syrgiligar myndir av einum kollrendum og sundursoraðum lívi rundan­ um bátahylin í bygdini. Nú skaðarnir verða uppgjørdir, er lítið at ivast í, at eisini landið eigur sín part av fíggjarliga upptaki­ num, tí skaðarnir mugu metast at vera komnir av veðurumstøðum, sum ikki liggja innanfyri tað vanliga føroyska vetraródnarveðri. Hettar má tí metast at vera ein støða, sum svarar til undantaksstøða í granna­ londum okkara. Tí er einki at ivast í, at ein partur av skaðunum, av ognum hjá kommununi eigur at vera fevnt av neyðrættinum hjá løgmanni. Vit eiga tí eftir førimuni at hjálpa Skálavíkingum, eins og vit fegin hjálpa, tá tað er tørvur á hjálp í illa raktum grannalondum okkara, og landið eigur at taka sín part av byrðuni. Vónandi fara kommunur­ nar í oynni at rætti Skála­ víkini bróðurhond. Sands Kommuna fer undir øllum umstøðum at viðgera eitt bráðfeingis uppskot um hjálp til Skálavíkar Kommunu á kommunu­ stýrisfundi mánadagin komandi. Uppskotið er í størrri mun av súmbolsk­ um týdningi, enn av fíggjarligum. Við hesum ynskir Sands Kommuna at rætta Skálavíkini bróður­ hond, ið royndini at koma fyri seg aftur eftir Kyndils­ messuódnina í 2008. Rættið Skálavíkini bróðurhond borgarstjóri PÁLL Á REyNAtÚgvU Innsent tilfar Av tí at vit fáa rættuliga nógv innsent tilfar sendandi – meira enn vit fáa í blaðið – he­ vur blaðleiðslan verið noydd at gjørt nakrar avmarkingar. Enn sum áður skal fult navn skal vera undir øllum innsendum greinum – annars verða tær ikki prentaðar. Harnæst tilskila vit okkum rætt til at ikki at taka við tilfar, sum eisini er sent øðrum bløðum ella hevur verið prentað aðrastaðni. Drúgvar greinar – greinar sum eru longri enn áleið 5.500 tekn, verða raðfestar lægri, og koma bert í blaðið, um pláss er fyri teimum. Tað er ein fyrimunur um vit fáa tilfarið umvegis teldupost ella á diskli.