fríggjadagur 8. februar 2008síða 6

6 tíðindi Nr. 28 - 8. februar 2008 Saman við Eik Grunninum fer eitt felag undir Nordisk Film í holtur við ætlanina »Føroyskar Søgur«, sum skal lýsa tey seinastu 100 árini í føroysku søguni. Gerandisupplivingar hjá føroyingum skulu nú savnast saman og gerast til film Søga Snorri Brend snorri@sosialurin.fo - Far upp á ovastaloftið ella út undir væðingina at leita eftir gomlum filmsklippum. Og boða so okkum frá! Soleiðis ljóðar áheitanin frá Eik Grunninum, sum hevur sett sær hesa stóru ætlanina fyri, og sum fer at enda við eini fløguútgávu í summar. Tí sum teir siga: - Allir føroyingar elska tær góðu og gomlu søgurnar. Spurn- ingurin er bara um høvið at geva øðrum møguleika at fáa kunnleika til tær. Tey vita longu um, at fleiri føroyingar eru áhug- aðir í hesi ætlanini – og ikki minst, at hópurin av tilfari liggur burturgoymt á ymisk- um støðum. Nú ynskja tey at fáa alt hetta søguliga tilfarið í ljósmála. Her kann talan verða um upptøkur av køksarbeiði, føðingardøgum, umborð á báti, í skúla, í kirkju, barna- spæl og ungdómslív. Ætlan- in er at knýta alt hetta sam- an við brotum úr dagbókum og bløðum, soleiðis at ein samstundis kann lýsa tær hugsanir og tær kenslur, sum fólk hava havt hesi seinastu 100 árini. Tíðarætlanin fyri fram- leiðsluni er ikki avgerandi. Tey ynskja fyrst og fremst at seta dygdina í hásætið, og tí kann hugsast at ein avgerð at útseta dagin fyri útgávuna eitt sindur. - Hetta skal verða ein aktuell fløga í dag, og skal eisini verða tað um 100 ár, sigur Per Højgaard, sam- skiftisráðgevi hjá Eik. Væl umtókt At geva slíkar fløgur út er ikki ókent fyribrigdi í grannalondum okkara og heldur ikki í so stórum landi sum USA. Henda føroyska verkætl- anin er gjørd við íblástri úr »Danskernes egen Histo- rie«, sum fevnir um eina røð við 32 fløgum, og sum eru seld í út ímóti 400.000 eintøkum. Bara Matador- røðin er seld í fleiri ein- tøkum. - Vit hava stóran áhuga í at fólk greiða okkum frá, hvørjar upptøkur tey liggja inni við. Vit ímynda okkum at vit koma at brúka einar 100 ymiskar filmar. - Hetta verður helst nóg mikið til eina einstaka fløgu. Men sjálvandi, kemur munandi meiri inn av góðum tilfari, so fáa vit at síggja um tær ikki gerast fleiri, sigur Troels Uhrbrand Rasmussen, sum er stovnari og leiðari á Substanz Nordisk Film, ið stendur fyri tekniska partinum av verkætlanini. Allar upptøkurnar verða savnaðar saman og kliptar, og síðani verður eitt handrit skrivað av søgukønum fólkum. Stjórin í Eik Banka, Bjarni Olsen er somuleiðis fegin um henda háttin at lýsa søgu okkara. Hann sigur soleiðis: - Í eini tíð, har mentanar- felagsskapurin gerst støð- ugt meiri samansettur og miðlavanarnir broytast, er brúk fyri innliti í felags fortíð okkara. Í hesi verk- ætlanini verður greitt frá fortíðini á ein lættan, trúver- dugan og lætt atkomiligan hátt. - Fyri okkum er tað ein stór gleði at vera við til at miðla søguna og mentunar- arvin, sigur Bjarni Olsen. Verkætlanin fer at kosta umleið 1 mió krónur. Av hesum fer Eik Grunnurin at lata sín part.                              Nógv er skrivað um føroyska søgu. Nú er ætlanin at savna hesa søguna saman á eini fløgu, sum kemur út í summar. Á myndini Ólavur Jensen frá Eik Grunninum (vinstrumegin) og Troels Uhrbrand Rasmussen, sum er stovnari og leiðari á Substanz Nordisk Film, ið skal standa fyri tekniska partinum av verkætlanini Føroyskar Søgur Mynd: Jens Kristian Vang Føroysk troyggja í Peoples Magazine Danska topmodellin, Helena Christensen, sæst shoppa í føroyskum vármóta á heimasíðuni, www.people.com. Á heimasíðuni stendur at lesa um myndina, at hon varð tikin tann 6. februar. Altso dagin eftir, at Guðrun & Guðru høvdu drigið altjóða mótaheimin heim í hangarin hjá Atlantic Airways. Saman við Josh Hartnett er Helena farin at shoppa í góða várveðrinum. Og skrivað verður, at nú veðrið er somikið gott, hava tey bæði latið vetrarklæðini liggja eftir heima, fyri heldur at fara í vármótan. -mørk Myndin, sum nú er at síggja á www.people.com Øll kunnu skriva Føroya Søgu