fríggjadagur 8. februar 2008síða 7

7 tíðindi Nr. 28 - 8. februar 2008 Fyrrverandi varafor­ setin hjá Bill Clin­ ton, Al Gore, verður høvuðstalari á einari havumhvørvisráð­ stevnu, sum Bitland saman við Vinnu­ húsinum skipar fyri 8. og 9. apríl RÁÐSTEVNA Leo Poulsen leo@sosialurin.fo Vinnuhúsið hugsar stórt. Í fjør heyst hevði Føroya Arbeiðarafelag boðið fyrr­ verandi amerikanska forset­ anum, Bill Clinton, at halda fyrilestur í Norðurlandahús­ inum, og nú er aftur ein heimskendur fyrrverandi politikari boðin til Føroya í somu ørindum. Og hóast Vinnuhúsið er farið eitt stig niður, so er talan ikki um hvønn sum helst, ið nú skal halda røðu um havumhvørvið. Tað er nevniliga fyrrverandi vara­ forsetin hjá Bill Clinton, Al Gore, sum kemur til Føroya í apríl. Al Gore hevur, síðani hann tapti forsetavalið móti George Bush í 2000, stríðst fyri at betra um umhvørvið í heiminum, og nú Bitland saman við Vinnuhúsinum fer at skipa fyri einari hav­ umhvørvisráðstevnu, er tað so upplagt, at bjóða júst honum at halda røðu. Hetta passar eisini rætti­ liga væl, tí Al Gore er í Írlandi beint framman undan, og kemur beinleiðis úr Dublin til Føroya. Al Gore hevur nýtt nógva tíð og orku upp á at ávara móti veðurlagsbroytingum, sum standast av nógva útlátinum av CO2, og fyri hetta arbeiðið fekk hann í fjør Nobel­friðarheiðurs­ lønina. Hansara sjónarmið er, at øll lond og allir einstaklingar eiga at taka ábyrgd á økinum, tí jarðarupphitingin er í ferð við at hava van­ lukkuligar avleiðingar við sær. Granskingarmiðdepil Ráðstevnan, sum hevur fingið heitið Trans Atlantic Climate Conference, verður hildin týsdagin 8. og miku­ dagin 9. Apríl, og fer Al Gore at halda sína røðu fyrra dagin. Endamálið við ráðstevn­ uni er, at hon skal gerast spírin til Trans Atlantic Cli­ mate Institute, sum verður ein altjóða granskingar­, menningar­ og útbúgving­ arstovnur innan havum­ hvørvi í Føroyum. Hesin stovnur skal samskipa arbeiðið á havumhvørvis­ økinum millum USA og Europa. Í Føroyum er servitan á altjóða støði um havstreym­ ar kring Norðuratlantshav­ ið, og Føroyar hava sum fiskiveiðitjóð nógva vitan um veður og tilfeingi í hav­ inum. Somuleiðis eru fleri nýskapandi átøk í landinum, sum miða eftir at minka um oljudálking, spara orku og menna varandi orkutøkni, sigur Ólavur Gregersen, stjóri hjá Bitland. Vinnuhúsið sigur, at bara tað, at ein fyrrverandi for­ seti í USA og nú ein fyrr­ verandi varaforseti koma hendanvegin, setur veruliga Føroyar á heimskortið. Enn er ikki endaliga avgjørt, hvussu nógv at­ gongumerkini fara at kosta, men roknað verður við áleið sama prísi, sum tá Clinton var á vitjan. Tað eru Føroya Banki og Eik Banki, sum verða høv­ uðsstuðlar, og luttakararnir flúgva til Føroya við Atlantsflogi. Al Gore til Føroya Nýggjar teldur til Tofta skúla Bygdaráðið í Nes kommunu hevur samtykt at keypa nýggjan teldu­ útbúnað til Tofta skúla fyri umleið 900.000 krónur. Í hesum keypi er eisini teldur til lærararnar, soleiðis at teir eisini hava møguleika at nýta nýggja tøkni í frálæruni, sum serliga kemur til sjóndar við teimum nýggju elektronisku talvunum, sum verða brúktar ístaðin fyri ta gomlu svørtu krittalvuna. Um­ og útbyggingin av Tofta skúla er nú komin so langt, at komandi mánaðirnar verður seinasta hond lagt á verkið. Skúlin skal vera liðugur tíðliga í summar, og kostnaðurin er millum 45 og 50 mió. krónur. ­ Hetta er nógvur peningur, men hendan íløgan var alneyðug, haldi eg persónliga, tí skulu vit menna okkum sum kommuna og fáa fólk at seta búgv her í kommununi, mugu vit hava ein góðan skúla, sum eisini er ein hornasteinur fyri framburði, sigur Súni í Hjøllum, formaður í teknisku nevnd hjá Nes kommunu, sum sjálvur er skúlastjóri í Fuglafjarðar skúla. Albert Arnold Gore, Jr. (føddur 31. marts 1948) er amerikanskur politikari og vinnulívsmaður. Árini 1993 til 2001 var hann varaforseti nummar 45 Clinton-stjórnini í USA. Eftir at Bill Clinton hevði sitið við valdið tvey valskeið, bjóðaði Al Gore seg fram sum forsetavalevni fyri demoktarnar. Hetta stríðið tapti hann tepurt til George W. Bush, hóast hann fekk flestar persónligar atkvøður. Í hesum sambandi munnu mong minnast hendingina í Florida, har George W. Bush nápaði sigurin, beint fyri nøsina á Gore. Eftir fleiri fínteljingar í statinum var endin, at amerikanski hægstirættur skarð ígjøgnum, og við atkvøðubýtinum 5-4, lýsti Bush vinnara og harvið eisini forseta. Og hóast mong høvdu væntað, vónað og roynt at fáa hann at stilla upp til forsetavalið 2008, hevur hann valt ikki at bjóða seg fram á hesum sinni. FAKTA Al Gore er næsta heimsnavnið, sum Vinnuhúsið er við til at fáa til Føroya at halda røðu Ólavur Gregersen, stjóri hjá Bitland, Jóhan Páll Joensen, formaður í Føroya Arbeiðsgevarafelag, og Magni Arge, næstformaður, á tíðindafundi í Vinnuhúsinum í morgun Mynd: Jens Kristian Vang