týsdagur 12. februar 2008síða 15

Nr. 30 - 12. februar 2008 15 Í Noregi fara tær vanligu sjófrá­ greiðingarnar aftan á skipsvan­ lukkur í søguna um stutta tíð, tí í framtíðini skal ein skaða­ ella vanlukkunevnd kanna tilburðirnar Sjóvinna Árni Joensen arni@sosialurin.fo Frá 1. juli í ár skulu fólk, sum eru vitni til eitt óhapp ella eina vanlukku á sjónum, svara spurningum frá einari serligari skaðanevnd. Sama dag fara sjófrágreiðingarnar, sum vit kenna, í søguna, og somu lagnu fáa tey seks eftirlitsstørvini í norsku sjó­ vinnuni. Spurningurin um at skipa eina skaðanevnd til óhapp og vanlukkur á sjónum hev­ ur verið til umrøðu í Noregi í mong ár, og aftan á drúgva viðgerð, hoyringar og polit­ iskt orðaskifti er klárt at seta nýggju skipanina í verk tann 1. juli í ár. Frá tí degi fáa óhapp og vanlukkur á sjónum viðgerð eftir sama leisti, sum flogvanlukkur og tokvanlukkur fáa í dag. Formaðurin í nýggju skaðanevndini fyri tilburðir á sjónum, William Bertheus­ sen, sigur við NTB, at tann nýggja skipanin verður ein fyrimunur fyri vitnini, tí nú fáa tey frið til at siga tað, sum tey vita. Tað verður eis­ ini ein fyrimunur fyri nevnd­ ina, tí tað verður lættari at fáa tað týdningarmesta fram, sigur hann. ­ Høvuðsuppgávan hjá nevndini verður at staðfesta, hví eitt óhapp ella ein van­ lukka er hend, so vit kunnu læra av tí og fyribyrgja, at tað hendir aftur, sigur Willi­ am Bertheussen. Nýggja skaðanevndin skal kanna tilburðir við ferðamannaskipum og aðrar skipsvanlukkur ella ­óhapp, har fólk fáa skaða. Nevndin hevur enki við tann revsirættarliga partin av gera, tí ta uppgávuna fær tann nýggja sjóferðsluløg­ reglan, sum hevur heimstað í Stavanger. Hon verður skipað í fleiri deildum ella eindum, og skipanin líkist tí, sum er galdandi fyri óhapp ella vanlukkur í olju­ vinnuni. Vinnan Vinnutíðindi í Sosialinum fast hvønn týsdag – eisini aðrar dagar Skipsvanlukkur kannast eins og flogvanlukkur Føroya Kolvetni rimmar hál í Norðsjónum LeitiLoyvi Jan Müller jan@sosialurin.fo Føroyska oljufelagið Før­ oya Kolvetni ella rættari tess dótturfelag í Noregi hevur gjørt eitt rimmar hál í norska partinum av Norðsjónum. Felagið hevur í dag fingið tillutað ikki færri enn 5 nýggj leitiloyvi á norska landgrunninum. Við hesum hevur felagið nú tilsamans 11 leitiloyvi í norskum øki. Av teimum fimm nýggju loyvinum hevur felagið bundið seg til at bora ein brunn. Í undanfarnum loyvi skal felagið bora tveir brunnar. Nils Sørensen, stjóri er sera fegin um úrslitið av útbjóðingini: – Hetta passar sum fótur í hosu í okkara vakstrar­ strategi, har vit m.a. meta júst norskt øki sum sera áhugavert. Faroe Petroleum, Norge lat herfyri upp skriv­ stovu í Stavanger. Hetta er krav til feløg, sum virka í norskum øki. Afturfyri fáa tey afturgoldið 78% av øllum útreiðslum, sum hava sambandi við leiting. Tá tey finna olju skulu tey so rinda 78 í skatti av øllum inntøkum. 18 fólk doyðu, tá grótskipið ”Rocknes” holvdist uttan fyri Bergen í januar í 2004. Seinni eydnaðist at venda skipinum og at umvæla tað. Í dag eitur tað ”Nordnes”. (Mynd: Aftenposten) Nils Sørensen, stjóri í Faroe Petroleum er fegin um úrslitið av norsku útbjóðingini