týsdagur 12. februar 2008síða 20

20 vinnan Nr. 30 - 12. februar 2008 75.000 krónur til Skálavíkar kommunu Sandur: Á bygdaráðsfundi hjá Sands Kommunu í gjárkvøldið varð einmælt samtykt at játta Skálavíkar Kommunu ein peningaligan stuðul uppá kr. 75.000. Í viðmerkingunum til uppskotið segði borgarstjórin, Páll á Reynatúgvu millum annað soleiðis: - Vit eiga eftir førimuni at hjálpa skálvíkingum, eins og vit fegin hjálpa, tá tað er tøvur á hjálp í illa raktum grannalondum okkara. Uppskotið varð tí viðgjørt við einum ynski, um at rætta Skálavíkar Kommunu eina bróðurhond, í royndini at koma fyri seg aftur eftir herviligu Kyndilsmessuódnina, skrivar heimasíðan bkv.fo Fara nú undir barnaskúlan Sandur: Sands Kommuna samtykti á bygdarráðsfundinum í gjárkvøldið, at taka av tilboðnum hjá Spf. Steintór Fagradal at gera lendisarbeiði til nýggja barnaskúlan á Sandi. Tvey tilboð komu inn, og hevði Spf. Steintór Fagradal tann lægra kostnaðin at gera hetta arbeiðið. Eftir ætlan skulu sandsbørn sleppa í nýggja skúlan fyri jól í ár. - Okkara virksemi kann samanberast við eitt alibrúk, sum enn ongan fisk hevur tikið. Fiskurin verður fóðraður, til hann er tøkuførur, men áðrenn hann verður tikin, gevur hann onga krónu. Kortini eru virðini har. Hjá okkum snýr tað seg um goymslur av olju, sum eru í undirgrundini, og her er tað eisini ein spurningur um tíð, nær hesar goymslur verða “umsettar” til pening, sigur Wilhelm Petersen, stjóri í Atlantic Petroleum, sum hevði 10 ár á baki í gjár Olja Vilmund Jacobsen vilmund@sosialurin.fo “Føroyska oljufelagið At- lantic Petroleum gjørdi eitt rimmar hál í morgun og setti egið met, tá ið kursurin á partabrøvunum kom upp á 950 krónur. Høgi kursurin hevur við sær, at marknaðar- virðið fyri felagið fyri fyrstu ferð í søguni er oman fyri eina miljard krónur…” Soleiðis ljóðaðu tíðindini á Portalinum 21. mai í fjør. Í gjár vóru 10 ár liðin, síð- an Atlantic Petroleum varð stovnað og í morgun, tá ið vit høvdu stjóran, Wilhelm Petersen, í telefonini, kundi hann siga okkum, at felagið í dag hevur eitt marknaðar- virði, sum er meira enn 1,7 miljardir krónur. 7.000 parteigarar Talið av partaeigarum í felagnum er eisini nógv økt, síðan felagið kom á virðisbrævamarknaðin í Keypmannahavn. Seint í mai mánaða í fjør vóru umleið 3.700 parta- eigarar í Atlantic Petroleum, harav føroyski parturin var umleið 66%. Hinir eigarar- nir vóru útlendingar og før- oyingar í útlandinum. Wilhelm Petersen sigur, at talið av partaeigarum í dag er umleið 7.000, og tað eru í stóran mun stórir danskir íleggjarar, sum hava teknað partapening í felag- ið - Talan er eitt nú um pen- sjónsgrunnar og einar 20 miðalstórar bankar, sum síð- an hava selt partabrøv út- aftur til síni viðskiftafólk. Upprunaliga vóru tað 18 føroyskir íleggarar, sum stovnaðu Atlantic Petroleum við tilsamans 25 miljónum krónum í partapeningi. Íleggjararnir, sum stovn- aðu felagið, vóru P/F Kong- havnar Útgerðarfelag, Hildi- gunn Johannesen, Mortan Johannesen, P/F Føroya Bjór, P/F JFK-Trol, P/F Smyril Line, P/F Farodane, P/F Havnar Timburhandil, P/F Svend Krosstein, P/F Vestlax, P/F Teymavirkið, P/F Havsbrún, P/F Súsi og P/F Tórshavnar Skipa- smiðja, S/F Føroya Sjóvá- trygging, Eik Banki, P/F Poul Hansen og P/F Hvilvt- enni. Stór virðisøking Wilhelm Petersen sigur, at flestu íleggjarar framvegis eiga part í Atlantic Petrol- eum, men onkrar broytingar eru farnar fram, sum árini eru liðin. - Sambært marknaðarvirði- num, sum felagið hevur í dag, eru upprunaligu parta- brøvini 15 ferðir so nógv verd nú, sum tá ið tey vórðu teknaði fyri 10 árum síðan. Stjórin fegnast soleiðis um, at tað hevur eydnast nevnd og leiðslu at upp- byggja eitt altjóða oljufelag hesi árini. Kjartan Hoydal hevur ver- ið nevndarformaður øll árini, síðan felagið varð stovað 11. februar í 1998. Atlantic Petroleum hevur skrivstovu í Havn, har fimm fólk eru til arbeiðis um dag- arnar, og síðan hevur felag- ið nýliga latið upp skriv- stovu í London, har tvey fólk eru til arbeiðis. - Á skrivstovuni í London koma ætlandi nøkur fólk aftrat innan stutta tíð, sigur Wilhelm. Atlantic Petroleum er móðirfelag, sum hevur dóttirfeløg í Onglandi og Írlandi, ið taka sær av loyvu- num í hesum londum, men enn er eingin settur í starv í Írlandi. At útvinna olju Hóast felagið hevði 10 ára stovningardag í gjár, gjørdi felagið einki serstakt burtur úr degnum. Í samrøðu við Sosialin í gjár, segði stjórin, at felagið hevur ætlanir um at leggja stovningardagin saman við einum øðrum stórum degi, sum ikki liggur so langt burtur. - Vit fara at útvinna olju nakað skjótt, og tí ætla vit at “markera” hesar báðar dagarnar undir einum. Wilhelm vísti á, at Atlan- tic Petroleum er partur av tveimum økjum, sum fara undir at útvinna olju í nærm- astu framtíð. - Í løtuni er ikki heilt greitt, um fyrra økið, sum er Chestnu, fer undir fram- leiðslu seinast í hesum fjórðingsári – ella tíðliga í øðrum fjórðingsári. Í øllum førum er greitt, at fyrra framleiðsluøkið fer í gongd í fyrra helmingi av árinum – og hitt seinna, sum er Etrick, fer undir framleiðslu miðskeiðis í hesum árinum, sigur stjórin. Tað hevur verið klárt at taka olju upp úr Chestnu- økinum í eina tíð, har olju- felagið Venture er operatør- ur. Føroyska felagið eigur 15% í Chestnut. - Vit fegnast um, at At- lantic Petroleum sum fyrsta føroyska oljufelagið nú verður partur av veruligari oljuframleiðslu. Tað hevur drigið út at finna olju í rakst- rarverdum nøgdum í før- oyskum øki, og tí hevur verið umráðandi hjá okkum at leita út um landoddarnar. Atlantic Petroleum nærkast svarta gullinum: Marknaðarvirðið er meira enn 1,7 miljardir krónur - Vit fegnast um, at Atlantic Petroleum sum fyrsta føroyska oljufelagið nú verður partur av veruligari oljuframleiðslu. Tað dróg út við at finna olju í rakstrarverdum nøgdum í føroyskum øki, og tí hevur verið umráðandi hjá okkum at leita út um landoddnarnar, sigur Wlhelm Petersen, stjóri