mikudagur 13. februar 2008síða 19

19 tíðindi Nr. 31 - 13. februar 2008 Ganstara rapparar til Føroya Kendi danski rapp-bólkurin ”Suspekt” kemur til Føroya komandi vikuskiftið. Fram- førslur verða í Eclipse fríggjakvøldið og í TB-húsinum leygarkvøldið. Bólkurin kemur úr harða umhvørvinum í Albertslund og ger tónleik, ið nevnist gangstararap. Harðaur rapptónleikur við einum sterkum stíli bæði hvørjum tónleiki og teksti viðvíkir. Seinasta útgávan hjá Suspekt, Prima Nocte, tók ummælarar á bóli. Bólkurin fekk eisini sera góð ummæli fyri sína konsert á Roskilde Festivalinum í fjør. Teir fingu seks stjørnur frá Gaffa. Umframt fleiri løg, sum hava verið tráðspæld í donskum útvarpi, hava teir fýra rappararnir úr Albertslund millum annað gjørt tónleik til kenda danska entertainaran- um Anden umframt Drengene Fra Angora. Teir í Suspekt vóru eisini gestatónleikarar á fløguni hjá L.O.C. Tað lagið nevnist Få din flask’ på. Suspekt hevur eisini arbeitt við føroyska myndamannin, Bárður Eklund. Lesið meira á www.primanocte.dk Nýtt frímerki í Klaksvík Mánadagin 18. februar 2008 byrja Torradagarnir í Klaksvík, og lagt verður fyri á posthúsinum. Postverk Føroya hevur givið út nýtt frímerki í samband við at Klaksvíkar Kommuna verður 100 ár í 2008, og Steinbjørn Jacobsen fer at avdúka frímerkið mánamorgunin kl. 11.00. Eftir avdúkingina verður móttøka á posthúsinum og Edward Fuglø fer at signera fyrstadagsbjálvar við Klaksvíksfrímerkinum. Allar Torradagarnar verður ein framsýning á posthúsinum um postleiðir. Postverk Føroya vónar at nógv fólk fara at leita inn á posthúsið í Klaksvík hesar dagar. Tað var stórur áhuga fyri smábátafundinum, sum Shell og Tórshavnar Bátafelag skipaðu fyri sunnudagin SMÁBÁTAR Eirikur Lindenskov eirikur@sosialurin.fo Sunnudagin skipaðu Shell og Tórshavnar Bátafelag fyri tiltaki fyri bátaeigarar í hølunum hjá Starvsmanna- felagnum í Havn. Nógv fólk møttu – tá fundurin byrjaði kl 16 var salurin fullur, tí eini 130 fólk vóru komin at lýða á. Tiltakið byrjaði við, at Niclas Heri Jákupsson frá Shell og Kartni Olsen frá Tórshavnar Bátafelag, bjóð- aðu vælkomin. Fyrstur á pallin var Marius Magnus- son frá Trygdarmiðstøðini í Klaksvík. Hann greiddi frá sínum dagliga arbeiði og teimum avbjóðingum sum liggja í at hava eina trygdar- mentan. Hann tók dømi millum Føroyar og Sumatra, sum hann nýliga hevur vitj- að, har trygdin als ikki verð- ur sett í hásæti. Ein áhugaverdur, og sera upplýsandi fyrilestur, siga fólk, sum lýddu á. Næstur at halda fyrilestur, var Hanus Kjølbro. Hann greiddi frá sínum arbeiði at evna til og geva út bókina Veðurlæra. Á ein sera hugnaligan og gevandi máta greiddi Hanus frá um hetta drúgva arbeiðið. Hanus kom eisini inn á, hvussu man avlesur veðurkort, og hevði hetta sera stóran áhuga millum áhoyrararnar. Eftir ein kaffisteðg, har menn eisini fingu strekt beinini, hevði Fiskirann- sóknarstovan tveir áhuga- verdar fyrilestrar. Bjarti Thomsen tosaði um royndir, sum teir hava gjørt at fiska tosk við rús- um, og Kristian Zacharias- sen greiddi frá um royndir við snelluveiðu á Land- grunninum og á Føroya Banka. Hetta vóru eisini tveir menn, sum dugdu væl at siga frá, og vístu teir eisini livandi myndir av fiski, sum bítur á húk, og hvussu hann kemur í rúsu. Fleiri spurningar komu frá áhoyr- ararnum, og tá Niclas Heri Jákupsson og Kartni Olsen endaðu kvøldið, vóru tað fleiri menn sum stungu høvd- ini saman, fyri at tosa um tað, sum teir høvdu hoyrt. - Vit eru sera fegnir um hetta samstarvið við Shell og takksamir fyri, at vit kundu bjóða limum okkara til eitt slíkt gevandi og spen- nandi tiltak, sigur Kartni Olsen, formaður í Tórs- havnar Bátafelag. 130 fólk á bátafundi í Havn Óli Jacobsen hev­ ur higartil skrivað 200 síður við siðsøguligum tilfari í Miðvikuni í Sosial­ inum hvønn miku­ dag. Í dag prenta vit Miðviku nummar 50 BLAÐ Eirikur Lindenskov eirikur@sosialurin.fo Miðvikan, sum er í blaðnum í dag, er nummar 50 í hesi røð við siðsøguligum tilfari. Henda skriving byrjaði í FF-blaðnum, har tað var ein táttur hjá Óla Jacobsen av mongum at fáa upp á prent mest møguligt av søguni og lagnusøguni hjá fiskimonn- um og annars hjá “vanliga” føroyinginum. - Hetta var tilfar, sum var sera væl umtókt av lesarun- um og sum eisini gjørdi sítt til at skapa virðing fyri fiskimannafelagnum og fiskimonnum. Hvussu væl hetta var umtókt sást ikki minst, tá ið FF-blaðið steðg- aði, sigur Óli Jacobsen. Sosialurin metti hetta tilfar hava týdning, og tí vóru boð eftir Óla Jacobsen, sum síðani hevur havt fasta táttin, Miðvikuna, hvønn mikudag við siðsøguligum tilfari – nú í skjótt eitt ár. Í Miðvikuni hevur fram- vegis dentur verið lagdur á søguna hjá fiskimonnum og fiskimannakonunum. Greitt hevur eisini verið frá lagnusøguni hjá fiski- monnum. Tær mest kenslu- bornu hava verið um Acorn, Lauru og Immanuel, og so Stella Argus. - Tað hevur eisini verið pláss fyri øðrum, sum tilfar hjá og um Petur Alberg, um Honnu og Harry Wilson, bretskur hermaður undir krígnum og nú tann higartil ókenda søgan um Daniel Jacob Danielsen í Congo, sum kann sigast at hava verið í (næst)fremstu røð í heims- politikkinum fyri 100 árum síðani, sigur Óli Jacobsen. Hetta er alt tilfar, sum er íkast til okkara søgu frá seinast í 1800-talinum og fram í 20. øld. Fýra síður í blaðnum sær kanska ikki út av so nógv- um. Men tilsamans er talan um 500 skrivaðar síður og afturat tí eins nógvar mynd- ir, nógvar hava ikki verið frammi fyrr. Hetta hevði fylt tvær trivaligar bøkur. Afturat hesum tilfarinum hjá Óla Jacobsen kemur røðin “Hendur ið Sleptu”, har tað higartil hava verið 35 greinir. - Tað tykist, sum at tað er nærum óendaligt, hvussu nógv søga, ið kann fáast burtur úr hesum gamla kirkjugarði, sigur Óli Jacob- sen, sum skrivar hesa greina- røð út frá søgum, íbirtar av gravum og gravsteinum í Gamla Kirkjugarði í Havn. Talan er um tilfar, sum er sera væl umtókt millum lesararnar á Sosialinum, og hetta er ein framúr eggjan hjá Óla Jacobsen at halda áfram. Óli skrivað fimmti Miðvikur Seinasta árið hevur Óli Jacobsen skrivað 200 síður av siðsøguligum tilfari í Miðvikuni – fýra síður í Sosialinum hvønn mikudag. Umframt nógv annað tilfar eisini hevur Óli skrivað 35 greinar í røðini “Hendur ið sleptu”, sum er íbirt úr Gamla Kirkjugarðinum á Svínaryggi í Havn Mynd: Álvur Haraldsen Eini 130 mans møttu til bátafundin, sum Shell og Tórshavnar Bátafelag skipaðu fyri sunnudagin Marius Magnussen frá Trygdarmiðstøðini í klaksvík greiðir frá