fríggjadagur 15. februar 2008síða 24

24 tíðindi Nr. 33 - 15. februar 2008 DAGTILHALD Leo Poulsen leo@sosialurin.fo Tað hevur verið arbeitt leingi við ætlanunum um eitt dagtilhald fyri eldri í Nólsoy. Eftir at Tórshavnar og Nólsoyar kommunur løgdu saman 1. januar 2005, hava allar kommunal­ ar uppgávur áligið Tórs­ havnar kommunu. Og innan eldraøkið hava tað serliga verið Jónvør Christiansen og Lis Hansen, sum hava tikið sær av Nólsoy. Jónvør Christiansen greiddi í røðu síni á móttøk­ uni frá, hvussu tilgongdin hevði verið. Tað byrjaði við tankanum, og tað vísti seg beinanvegin, at sovæl umsiting sum politiski viljin vóru positiv innatillað, so skjótt var spurningurin bara hølisviðurskiftini. Mest upplagdu hølini vóru tey hjá Avhaldsfelagn­ um í bygdini, men har eru trappur og tískil ikki egnað til illa gongd ella fólk í koyri­ stóli. Sama støðan er við ungmannafelagshúsinum, har hugnahølið er uppi á. Tá so møguleikin beyðst at keypa sethúsini hjá gamla læraranum í Nólsoy varð gjørt av at hyggja at teimum, og vístu tey seg sera væl­ egnað, serliga tí tey vóru í einari hædd. Gjørt varð av at keypa, og nýta tey til dagtilhald. Hesi sethúsini liggja sum nærmasti granni hjá Missi­ ónshúsinum, sum vóru nýtt til barnagarð, men av tí at tørvurin á húsplássi var so stórur í barnagarðinum, varð gjørt av at nýta hesi húsini til vøggustovu, inntil nýggi barnagarðurin í bygdini var liðugur. Snøgg hølir Tá so vøggustovan var flutt út, var farið undir at broyta og rigga húsini til, so tey kundu taka ímóti brúkarun­ um. Størstu broytingarnar vóru, at tey bæði WC’ini í húsinum vóru gjørd mun­ andi størri, og at allar hurð­ ar vóru skiftar út við breið­ ari hurðar, so koyristólar ótarnaðir kundu koyra ígjøgnum. Gólvini vóru eisini skift, men sjálv innrættingin er sum so einki broytt. Hølini eru sjálvandi snoll­ að upp, málað, og so hevur fyriskiparin, Patricia Christi­ ansen, vanliga nevnd Disa, funnið gamlar myndir úr Nólsoy fram, sum prýða veggirnar í høvuðshølunum, ella stovuni. Hølini eru sera hugnalig, og bera meiri brá av einum vanligum heimi enn av einum stovni. Hølini innan eru liðugt umvæld, og ein rampi er gjørdur úr túninum til innhurðina, men enn vantar ein rampi av vegnum niður í túni. Hesin skal gerast, men til ber kortini at sleppa inn við koyristóli gjøgnum garðin hjá Missiónshúsin­ um, tí portur er á millum húsini bæði. Hugnalig móttøka Í gjár var sum nevnt mót­ tøka í nýggja dagtilhaldin­ um, og nógv fólk, ung sum gomul, nýttu høvið at støkka inn á gólvið til dei­ liga fiskasuppu og te ella kaffi við køku afturvið. Sum nevnt vóru umboð fyri kommununa, tilhaldið og heimatænastuna úti í Nólsoy í sambandi við upplatingina, og tær høvdu allar fýra góð orð at bera við á vegnum. Eisini Disa segði nøkur orð, og mintist eitt nú aftur á, tá hon fyrstu ferð kom til Nólsoyar í 1958, at verða dadda hjá millum øðrum Hilmari Joensen, sum tey nógvu seinastu árini hevur verið lærari í Nólsoy. Hesin sami Hilmar Joen­ sen setti sín serliga dám á hesa móttøkuna, tá hann við harmoniku skipaði fyri felagssangi. Trivið var í fleiri nólsoyarsangir, sum pápi Hilmar, Jákup Joensen, hevur yrkt, og ógvuliga passandi varð byrjað við Nólsoyarvalsinum, sum Leif Hansen hevur yrkt. Og nýggja dagtilhaldið heldur til júst í gomlu setúsunum hjá Leif Hansen. Eisini spældi unga Anna Malan Jógvansdóttir nøkur løg á fiól. Ein av teimum, sum vænt­ andi fer at hava sína gongd í nýggja dagtilhaldinum, er fróðarmaðurin Høgni Thom­ sen, og hann vísti síni kynst­ ur sum frásøgumaður, tá hann hugleiddi um ein túr til neytar, hann gjørdi við systur síni, níggju ára gamal. Fólk eru sera fegin um, at bygdin nú hevur fingið dag­ tilhald. Higartil hevur verið skipað fyri hugnakvøldi einaferð um vikuna í Avhaldshúsinum, har kortspæl fyri tað mesta er á skránni, og sum skilst held­ ur hetta fram. Kortspæl er mikukvøld, meðan dagtil­ haldið verður opið mána­ dag, týsdag og hósdag. Mánadag frá klokkan 13 til 18, hinar báðar dagarnar frá 10 til 18. Fegin um nýtt dagt Nógv fólk, ung sum gomul, nýttu høvið at støkka inn á gólvið í nýggja dagtilhaldinum, sum lat upp í Nólsoy í gjár. Fólk eru fegin um hendan nýggja møguleikan til eldri Anna Malan Jógvansdóttir hugnaði um við fiólspæli. Á sofuni situr Heinina Gaard Hansen og tað er fyriskiparin, Disa Christiansen, sum heldur nótunum fyri Onnu Maluna Hilmar Joensen spælir harmoniku til felagssang. Við síðuna av Hilmari, Heinina Gaard Hansen, Lis Hansen, Jónvør Christiansen (handan bl