fríggjadagur 15. februar 2008síða 7

Nr. 33 • 15. februar 2008 Vikuskifti 7 g bleiv poppstjørna hevur fingist við tónleik í nógv ár. - Pápi mín og abbi mín eru tónleikarar, so eg havi fingið tónleikin í blóðið. Eg havi altíð sungið, og tá eg flutti til Dan- markar, flutti eg á ein tónleika- eftirskúla. Síðani fór eg á ein tónleikaháskúla, og eg havi eisini tikið eina grundútbúgving upp á trý og eitt hálvt ár, sum er ein fyrireiking til konservatorium, sigur Lizzie. - Eg havi altíð vilja verið song- kvinna og fingist við tónleik. Tað er tað, sum eg eri best til, og ongantíð betur, um eg eisini kann liva eitt sindur av tí. Í onkrum av sangunum skrivar Lizzie júst um, at fólk skulu gera tað, sum tey duga best. - Tað er sera umráðandi fyri meg, at eg kann gera tað, sum eg brenni fyri og dugi best. Eg geri hetta ikki fyri at koma fram, men um eg kann klára meg væl sum tónleikara, so havi eg eisini betur møguleika at gera tað, sum eg tími best, sigur hon. Kendar tónleikarar á vitjan Hóast Lizzie júst nú hevur fingið sítt veruliga gjøgnumbrot í donskum tónleiki, so hevur hon havt nógvar spennandi upp- livingar við tónleiki. Hon hevur hitað upp til konsert hjá rapparanum 50 Cent, hon hevur spælt saman við Black Eyed Peas í sínum studio, og hon hevur spælt sangir hjá sær fyri rapparanum Eminem – umvegis telefonina. - Eg var sera hugtikin av Black Eyed Peas. Eg hitti tey backstage og bjóðaði teimum í studio hjá mær, har vit spældu saman. Tey eru sera dugnalig og heilt niðri á jørðini, sigur Lizzie. Rýmdi úr Føroyum Longu fyri 11 árum síðani, tá ið hon var 14 ára gomul, flutti Lizzie úr Føroyum, og síðani hevur hon búð í Danmark. - Tað hevur broytt mítt lív, at eg flutti til Danmarkar. Hevði eg ikki verið komin niður, so hevði tað ongantíð havt gingið mær so væl. Tá eg flutti til Danmarkar at búgva, var eg í einari periodu, har eg brúk fyri nøkrum nýggjum og at sleppa at gera tað, sum eg hevði hug at gera. Var tað neyðugt hjá tær at rýma úr Føroyum? - Eitt sindur. Føroyar eru ikki so stórar, og eg hevði sera stórar planir. So eg hugsaði, at eg mátti bara leypa út í tað og flyta til Danmarkar. Lizzie hevur í sínum arbeiði sum bartendari á karaoke-barrini Sams Barr hoyrt nógvar sangarar royna seg – ivaleyst bæði góðar og minni góðar. Men tað heldur hon ikki er eitt strævið arbeiði – tvørturímóti. - Mær hevur dámat arbeiðið á Sams Bar sera væl. Eg haldi, at tað hevur verið besta arbeiðið, sum eg havi havt. Nógv fólk koma inn at syngja, og tað gera tey, tí tey tíma tað og vilja hava tað stuttligt. Eg kann saktans finna upp á at synga karaoke sjálv, sigur hon. Úr at gera í Danmark Lizzie hevur nógvar framførslur í Danmark næstu tíðina. Hon hevur rættiliga fingið gjøgnumbrot, og øll vilja hava fatur á henni til framførslur. Í annaðkvøld hevur Lizzie framførslur bæði í Odense og í Kalundborg, og síðani standa danskir býir sum Hjørring, Frederikshavn, Keypmannahavn, Hammel, Tønder, Rødovre, Faaborg og Hobro á skránni. Eisini skal Lizzie spæla til fleiri enn 25 danskar festivalar í summar. - Tá eg flutti til Danmarkar at búgva, var eg í einari periodu, har eg brúk fyri nøkrum nýggjum og at sleppa at gera tað, sum eg hevði hug at gera, sigur Lizzie, sum her sæst í eini roykipausu frá arbeiðnum á Sams Bar í Keypmannahavn Mynd: Jonathan Bjerg Møller/Polfoto