mikudagur 20. februar 2008síða 17

Nr. 36 - 20. februar 2008 17 tíðindi Forsætisráðharrin og fleiri av fólka­ tingslimunum góvu Sjúrða Skaale myntir, tá hann hevði havt orðið í fólkatinginum í gjár. Tað er gomul siðvenja, tá søgdu orð­ ini fella í góða jørð. Nýggi føroyski fólka­ tingslimurin fegnast um heiðurin, men ætlar ikki at hvíla á lavrberjabløðunum FÓLKATINGIÐ Rólant Waag Dam rolant@sosialurin.fo Christiansborg: Tá Sjúrður Skaale sum tann seinasti hevði havt orðið, tá sosial politiska støða Grønlands varð viðgjørd í fólkating­ inum í gjár, reistust fleiri, gingu yvir til borð hansara í salinum og løgdu ein mynt. Tað er gomul siðvenja, tá fyrstu søgdu orðini hjá nýggjum fólkatingslimi fella í góða jørð í salinum. Tað greiðir Sjúrður Skaa­ le frá, tá vit hitta hann á skrivstovu hansara klokkan tíggju í morgun og spyrja, hví ein rúgva av 25 oyrum, 50 oyrum og 1 krónum ligg­ ja á borðinum. – Men eg fekk ongan mynt frá Danska Fólka­ flokkinum, flennir Sjúrður Skaale, sum er farin til ver­ ka á Christiansborg. Fólkatingið eitt fulltíðarstarv Men hansara tíð á danatingi er avmarkað. Stívliga eitt hálvt ár hevur hann – frá 19. februar til 9. september, tá Anita á Fríðriksmørk kemur aftur úr farloyvi. Tí ætlar hann at fáa mest møgu­ ligt burtur úr hálva árinum á Christiansborg. – Og eg haldi, at man fær mest møguligt burtur úr við at røkja starvið fult og heilt. Tað meti eg ikki at man kann, tá man hevur eitt full­ tíðarstarv við síðuna av, staðfestir Sjúrður Skaale. Hann hevur sagt løgtingsess­ in frá sær meðan hann er á fólkatingi, tí hann metir, at bæði hann og flokkurin fær meiri burtur úr á henda hátt. – Sjálvsagt fáa tveir mans avrika meiri enn ein hálvur, sigur hann og sipar til, at Tjóðveldi nú hevur ein mann í løgtinginum og ein í fólkatinginum, heldur enn at hava ein og sama mann at røkja báðar tingsessirnar. Men hvat er tað so, sum nýggi fólkatingslimurin ætlar sær at fáa burtur úr tíð­ ini á Christiansborg? Sjúrð­ ur er ivaleysur. Hann ynskir at finna út av, hví so nógvir føroyingar ikki flyta heim­ aftur, tá tey fara av landi­ num. Hann ynskir at luttaka aktivt í parlamentariska arbeiðinum, fremja lobby­ virksemi og fáa studenta­ dagin á Christiansborg aftur á dagsskránna. Hví flyta fólk ikki heimaftur? – Størsti trupulleikin í Før­ oyum er uttan samanbering, at fólk ikki flyta heimaftur til Føroya. Tað forðar fyri vøkstri og menning, tí eitt samfelag er fólk. – Ofta er hetta eisini væl­ útbúgvið fólk, sum ikki ven­ da aftur, og eg havi ein var­ huga av, at tað eru vantandi útbúgvingartilboð, sum er orsøkin til henda trupullei­ ka, heldur Sjúrður Skaale. Hann nevnir síðani teir fáu útbúgvingarmøguleikarnar, sum eru í Føroyum í dag, og heldur so fyri, at: »gud nái okkum um vit ikki høv­ du teir«. – Tað hevði broytt nógv, um man bara kundi tikið partar av útbúgvingini í Før­ oyum. Tí tað er í 20­unum at tú nemur tær útbúgving, men hetta er eisini tíðar­ skeiði tú finnur tær ein maka, fær familju og fer út á arbeiðsmarknaðin. Um tú hesa tíðina býrt fimm til átta ár uttanlands, so er tað ikki so undarligt um tú fest­ ir røtur har, metir nýggi før­ oyski fólkatingslimurin. Henda trupulleika ynskir Sjúrður Skaale at loysa, og tað var eisini høvuðsorsøkin til at hann fór upp í politikk, vil hann vera við. Lobbyarbeiði og studentadagur Kanningin er týdningarmik­ il, men tað er eisini annað, ið kemur at merkja gerandis­ dagin hjá Sjúrða Skaale næsta hálva árið. – Eg fari at vera virkin í parlamentariska arbeiðinum her, fari at halda talur og lut­ taka í teimum orðaskiftum, sum viðkoma okkum. Ann­ ars ynski eg at skapa forstái­ lsi fyri føroyskum viður­ skiftum, greiðir Sjúrður Skaale frá og nevnir hansara møguleika at fremja lobby­ virksemi fyri nýggju sam­ gonguna. – Samgongan hevur sett sær fyri at vera meiri virkin á uttanríksøkinum. Har kann eg vera við til at skapa ein dialog. Hetta er týdning­ armikið, og eg fari at leggja dent á ikki at søkja konfron­ tatiónir. Ein liður í hesum arbeiði, er sambært Sjúður Skaale, ein sonevndur studentadag­ ur á Christiansborg. – Hesin dagur var í roynd og veru komin upp á pláss. Ein dagur har føroysk og grønlendsk lesandi vitja á Christiansborg. Vit høvdu eisini avtalur við donsku politikararnar, men so kom valið og oyðilegði tað. Hen­ da studentadagin ynski eg at fáa á aftur breddan, sigur Sjúrður Skaale, sum fegnast um, at hann kendi til manna­ gongdirnar á Christiansborg, áðrenn hann tók við sum fólkatingslimur. Í síni tíð sum skrivari hjá Norðurat­ lantsbólkinum lærdi hann nógv, sum hann annars hevði verið noyddur at sett seg inn í nú. Sostatt fær hann eisini meiri tíð til politiska arbeiðið, hann hev­ ur sett sær fyri næsta hálva árið. Gaman og álvari á fyrsta starvs- degnum Sjúrður Skaale legði fyri við eini speiskari viðmerk­ ing til formannin í Fólkatinginum og legði síðani eftir Dansk Folkeparti, tá hann hevði sín fyrsta starvsdag á Christ­ iansborg í gjár FÓLKATINGIÐ Rólant Waag Dam rolant@sosialurin.fo Christiansborg: Sjúrður Skaale tók orðið á fyrsta starvsdegi sínum á Christ­ iansborg í gjár. Fyrstu tímarnar lýddi hann á með­ an kjakast var um støðuna í Grønlandi. Tað vóru lim­ ir í Dansk Folkeparti, sum høvdu sett forsætisráðharra Anders Fogh Rasmussen fyrispurning um, hvat hann kundi upplýsa um politisku – og ikki minst sosialpolitisku – støðuna í Grønlandi. Dansk Folkeparti ynskti at fara aktivt inn og bøta um syndarligu støðuna í Grønlandi. Hetta ætlaðu tey millum annað skuldi gerast við at oyramerkja ein part av ríkisveitingini til sosiala øki. Hetta skuldi gerast, uttan at grønlend­ ingar verða eftirspurdir. Hetta var lítið dámt í sali­ num á Christiansborg, og millum teirra, ið talaðu ímóti hesum uppskoti var Sjúður Skaale. – Eg eri ikki samdur við Dansk Folkeparti. Eg mei­ ni teir hava eina dulda dagsskrá, segði Sjúrður Skaale, sum helt at Dansk Folkeparti ynskir at fáa ræði á grønlendsku oljuni. Hann legði aftrat, at hann helt tó ikki at Dansk Folke­ parti dugdi serliga væl at dylja sína duldu dagsskrá. Ein harðlig, men ikki ótilvitað byrjan frá føroy­ inginum á Christiansborg. – Eg haldi hatta var ein góður máti at gera tað upp á. Tað var fullur salur so nú áttu tey at vita, at eg eri har, sigur Sjúrður við ein­ um skeivum smíli. Og tey vóru eisini fleiri, sum bitu merki í orðini frá Sjúrður. Lesast kann aðrastaðni á síðuni um, hvussu fólka­ tingslimirnir róstu Sjúrður fyri orðini. Harnæst nevn­ di tíðindastovan Ritzau eisini ákærurnar hjá Sjúrða Skaale mótvegis Dansk Folkeparti. Men hóast harðliga byrj­ an, so fekk Sjúrður eisini fólkatingssalin at flenna. Hetta tá hann greiddi frá sínum málsligu førleikum á donskum. – Onkur hevur sagt við meg, at tað kann ongantíð enda væl hjá tær á fólka­ tingi, tá tú dugir so illa danskt, men eftir at hava hoyrt fólkatingsformannin úttala mítt navn, havi eg góðar vónir, skemtaði Sjúrður Skaale á Christ­ iansborg í gjár. Róstur á fyrsta starvsdegnum Myntirnar Sjúrður fekk eftir at hann sagt sína hugsan Mynd: Símun Jóannesarson - Eg byrjaði harðliga, men eg haldi tað var ein góður máti at byrja uppá. Tað var fullur salur, so nú áttu tey at vita, at eg eri har, sigur Sjúrður Skale úr Tjóveldi, eftir at hann hevði orðið á fólkatingi í gjár Mynd: Símun Jóannesarson