hósdagur 21. februar 2008síða 10

10 Nr. 37 - 21. februar 2008 Stutt Sagt FBI í Eystur- Timor Tríggir rannsóknarmenn hjá amerikonsku sam­ veldisløgregluni FBI komu í gjár til Eystur­ Timor at hjálpa myndug­ leikunum har at kanna tilburðin fyri einari góðari viku síðani, tá roynt varð at beina fyri José Ramos­ Horta, forseta og Xanana Gusmao, forsætisráð­ harra. Tíðindastovurnar skriva, at teir tríggir amerikanararnir eru ikki teir einastu útlendsku løgreglumenninir, sum taka lut í kanningunum. José Ramos­Horta hevur ligið á sjúkrahúsi í Avstralia síðani dráps­ royndina tann 11. februar. Hann varð illa særdur, men Xanana Gusmao slapp óskalaður frá álopinum. Darwin komin til Florida Skúlamyndugleikarnir í amerikanska statinum Florida hava gjørt av, at menningarlæran hjá Charles Darwin skal verða tvungin lærugrein í øllum skúlum í statinum. Kristnar kreftir í Florida hava stríðst ímóti ætlanini at brúka Darwin í skúl­ unum í statinum, tí tær vilja hava skúlan at halda seg til skapanarsøguna í Bíbliuni. Kortini vunnu tær meiri frælslyntu kreft­ irnar, men avgerðin var tepur. Í mentamálanevnd­ ini vóru fýra atkvøður fyri at loyva Darwin inn um skúlagátt, og tríggjar vóru ímóti, skrivar AP. Ikki morð Fyrrverandi bretski fregn artænastuyvirmaðurin Sir Richard Dearlove av­ sannaði undir einari hoyring í London í gjár, at Diana prinsessa og Dodi al Fayed vórðu myrd. Í hvussu er hevði MI6 ikki nakað við tilburðin at gera, segði hann. Avhoyr­ ingin var søgulig, tí tað er als ikki vanligt, at verandi ella fyrrverandi embætis­ menn hjá MI6 úttala seg í málum, sum eru vend ímóti tænastuni. Pápi Dodi, Mohammed Al Fayed, vil vera við, at MI6 beindi fyri soni hansara og Dianu eftir boðum frá kongshúsinum. SAMBAND árNi joeNSeN fArtekSt@MAil.Dk -Vinnur Hillary ikki í Texas og Ohio 4. mars, vænti eg ikki, at hon verður forsetavalevni í heyst Bill Clinton útlond -Vinnur Hillary ikki í Texas og Ohio, vænti eg ikki, at hon klárar tað, sigur Bill Clinton Dagurin 4. mars 2008 kann fáa sera stóran týdning fyri politiska lívið hjá Hillary Clinton. Tann dagin hava demokratarnir uppstilling­ arval í teimum báðum stóru statunum Texas og Ohio, og aftan á tíggju ósigrar á rað hevur Hillary brúk fyri at vinna teir báðar. Tað siga eygleiðararnir, og tað sigur maður hennara eisini. ­Vinnur hon í Texas og í Ohio, vænti eg, at hon verður forsetavalevni hjá demokratunum í heyst. Vinnur hon ikki, so vænti eg ikki, at hon klárar tað. Avgerðin er tykkara, segði Bill Clinton, tá hann í gjárkvøldið hjálpti konuni á veljarafundi í Beaumont í Terxas. Umframt Texas og Ohio hevur Rhode Island eisini uppstillingarval tann 4. mars. Men tað er uttan iva úrslitið í Texas, sum fær tann størsta týdningin, tí staturin hevur ikki færri enn 228 valmenn á tí enda­ liga uppstillingarfundinum hjá demokratunum. Tær seinastu meininga­ kanningarnar vísa, at Hillary Clinton er eitt vet framman fyri Barrack Obama í Texas, men eyg­ leiðarar vísa á, at henni tørvar greiðar sigrar í teim­ um statunum, sum eftir eru, um hon skal tryggja sær fleiri valmenn enn Obama. Sambært útrokningum hjá AP­tíðindastovuni skal Hillary Clinton vinna 57 prosent av teimum val­ monnunum, sum eftir eru at stríðast um. Í løtuni hevur Barrack Obama 1.178 valmenn í sínum parti, meðan Hillary Clinton hevur 1.024. Enn eru 1.025 valmenn eftir at dystast um, og 334 teirra eru úr Texas og Ohio. Bill Clinton hevur sæð skriftina á vegginum. Hillary má vinna 4. mars Mynd: AP Texas er hennara seinasti møguleiki Ein sjónbandsupp- tøka úr avhoyring- arrúminum hjá løgregluni í býnum Schrewport hevur skelkað amerikanska fólkið Tann 17. novembur í fjør tók løgreglan í Schrewport í amerikanska statinum Louisiana ta 42 ára gomlu Angela Garbarino á løgreglustøðina, tí hon hevði drukkið í meira lagi. Á sjónbandsupptøkuni úr avhoyringarrúminum á løgreglustøðini sæst, at Angela vil sleppa at ringja til ein ella annan, men at løgreglumaðurin Wiley Willis, sum er í rúminum saman við henni, sigur nei. Tað sæst eisini, at kvinnan hevur ikki hug at samstarva við løgreglumannin, tá hann vil hava hana at blása í alkomátingartólið. Ístaðin fyri roynir hon at sleppa út úr rúminum, og tað endar við, at hon verður løgd í hondjørn og sett á ein stól. So sløkkir Wiley Willis upptøkutólið í avhoyr­ ingarrúminum, og tá tað verður tendrað aftur, liggur Angela Garbarino í einum blóðhyli á gólvinum við brotnari nøs, tveimum brotnum tonnum og bláum eygum. Løtu seinni kemur ein sjúkrabilur á løg­ reglustøðina eftir henni og koyrir hana á eitt sjúkrahús. Í sjónvarpssendingini Good Morning America hevur Angela Garbarino greitt frá, at løgreglumað­ urin bukaði seg, eftir at hann hevði sløkt upp­ tøkutólið. Løgreglan sigur, at hon datt og fekk skaða í andlitið. Tann 5. februar fekk Wiley Willis sekkin, men hann hevur kært avgerðina. Síðani málið kom fram í sjónvarpinum, hava tvær kvinnur afturat meldað Wiley Willis fyri óregluliga framferð í arbeiðinum, skrivar blaðið The Schrew­ port Times. Angela mátti á sjúkrahúsið aftan á avhoyring hjá løgregluni Soleiðis sá Angela Garbarino út aftan á avhoyringina á løgreglustøðini í Schrewport Mynd: ABC News