týsdagur 26. februar 2008síða 17

17 Nr. 40 - 26. februar 2008 Vinnan Vinnutíðindi í Sosialinum fast hvønn týsdag – eisini aðrar dagar Tveir føroyingar eru við norska veitingarskipinu Olympic Progress, sum siglir í Miðalhavinum. Vit hava fingið hesa frásøgnina frá Johan Moltu, sum er HMS-motivator hjá Olympic OLJUVINNA Johan Moltu Olympic Progress Tað er februar. Har norðuri er tað kanska kalt nú. Í Egyptalandi er heitt, sólríkir dagar. Nakrar míl uttan fyri havnarbýin Aleksandria er norski veitingarbáturin, Olympic Prigress við mann­ ing til arbeiðis. Uppgávan er at flyta farm úr havnini til tríggjar boripallar. Hesir liggja nakrar tímar úr landi. Arbeiðsviðurskiftini eru sera góð. Tað er bara ein svalur vindur og næstan blikalogn. Olympic Progress er eitt vanligt supply­skip. Tað er av slagnum UT­755 LN. Skipið er skrásett í Fosnavåg í Sunmøre í Noreg. Mann­ ingin er úr Norðurnoreg, av Vesturlandinum og úr Før­ oyum. Ellivu eru í hvørjari manning. Tveir mans eru úr Før­ oyum. Tað eru 1. stýrimaður, Kajsten Julian Lognberg, og 1. maskinistur, Petur Skeel Dahl. Petur er 32 ára gamal, giftur og hevur trý børn heima í Hoyvík. Har hevur hann bygt nýggj hús og er so glaður fyri heimstaðin, at tað at flyta hagani kemur ikki upp á tal. Hann hevur starvast eitt ár í Orminum Langa – verkætlanini á Aukra í Norðurnoreg. Tá sum rørsmiður. Heima í Før­ oyum hevur hann siglt sum maskinistur við rækjutrolara og ferjum millum oyggjar­ nar. Petur leitaði eftir spenn­ ingi og nýggjum avbjóðing­ um. Tí fór hann til Noregs, har stórur tørvur er á arbeiðsmegi bæði á sjógvi og landi. Heima í Føroyum hevði Petur hoyrt, at norðmenn vóru so stórir upp á tað. Hann helt, at tað var so­ leiðis, og tí gjørdist hann ikki sørt bilsin, tá hann sá, at starvsfelagarnir vóru sera fittir. Petur heldur, at or­ søkin kann vera harði poli­ tikkurin hjá norðmonnum, tá tað snýr seg um at verja fiskimarkið. At starvast umborð á Olympic Progress passar Peturi sera væl. Báturin er nýggjur, umbvørvið umborð er gott, og lønin er fín. Kajsten Julian Lognberg hevur í trý ár siglt sum stýri­ maður við reiðarínum Olympic Prawn. Hann byrjaði sum fiskimaður, tá hann var sekstan ára gamal og hevur starvast á sjónum í 30 ár. Hann býr saman við konu og fýra børnum á Argjum. Eisini hann er sera glaður fyri heimið og kundi ikki droymt um at flutt hagani. Hóast norðmenn eru fittir at arebiða saman við, er hann fegin um at hava Petur á sama báti. Teir báðir kunnu práta um heimlig viðurskifti, og tað er ein fín avveksling til vanliga prátið umborð. Norsku matvanarnir eru øðrvísi enn teir føroysku. Teir báðir vinmenninir vildu fegnir havt vanliga føroyska matin. Men tað fáa teir ikki her umbroð, og tað eru teir kortini nøgdir við. At koma frá ísinum við Svalbard til Miðalhavið heldur Kajsten vera eina sera góða avveksling. Rækjufiskiskapurin í Norð­ urísinum hevur sína sjarmu, men eftir øll hesi árini við kulda, er tað sera gott at koma í heita vindin sunnan úr Afrika. Tað heldur Kaj­ sten vera gott fyri bæði sinn og skinn. Eftir at hava verið í Norð­ sjónum í 2007 eru teir spent­ ir upp á at vera her í hitanum í 2008. Hetta er eitt nýtt kapittul hjá hesum báðum sympatisku føroyingunum, ið norsku starvsfelagarnir halda sera nógv av, skrivar John Moltu, sum er HMS­ motivator hjá Olympic. Kajsten og Petur á »Olympic Progress« í Egyptalandi Petur Skeel Dahl og Kajsten Julian Lognberg sigla við norska veitingarskipinum Olympic Progress í Miðalhavinum. Petur sum 1. maskinistur og Kajsten sum 1. stýrimaður Norska veitingarskipið Olympic Progress siglir millum havnar í Egyptalandi og tríggjar boripallar, sum eru fáar tímar úr landi