mikudagur 27. februar 2008síða 15

Nr. 41 - 27. februar 2008 15 nøvn Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. nøvn SAMBAND MAgNuS guNNArSSoN MAggi@SoSiAluriN.fo tlf 341800 fAx 341801 Í morgin, 28 februar, fyllir Hans Elmar Poulsen 70 ár. Hans Elmar er føddur og uppvaksin við Ljósá. Sonur Sofus og Poulinu og er yngst­ ur av trimum brøðrum. Hann fekk tíðliga at kenna lívsins harða veruleika, tá ið hann sum 12 ára gamal misti pápa sín, sum doyði av tuberklum. Av tí at teir eldru brøðurnir, Pól Jóhannus og Andrias, vóru vorðnir so mikið vaksn­ ir, at teir vóru farnir til skips, var hann einsamallur eftir heima saman við mammu sínari og mátti tískil taka sær av hoygging og at skera torv. Hann gekk í skúla á Eiði í fimm ár, og tað er øll skúla­ gongdin hann hevur, um­ framt at hava tikið koyrikort. Men væl hevur hilnast. Hann fór til skips sum 14 ára gamal og var á sjónum í 10 ár við ymiskum sluppum. “Tað var í teirri tíðini, tá ið skipini vóru av træ, og mennirnir av stál”, sum hann plagar at taka til. Í tvey ár var hann við hvala­ bátinum Sumba. Tað var ein spennandi tíð, sum hon­ um dámar væl at siga frá. Hann bleiv giftur við Kirstin Nielsen, dóttir Doru og Dánjal Nielsen úr Vatns­ oyrum í 1961. Tey búsettust í Tórshavn. Hann arbeiddi á tunnuvirkinum í fleiri ár, tað var í sildatíðini. Nógvar tunnur skuldu leverast, so har varð arbeitt akkord, og tað vóru langir dagar. Í 1965 fór hann til Vatns­ oyrar at hjálpa verðfaðir sín­ um, Dánjal Nielsen og øðr­ um, at byggja Zarepta. Mein­ ingin var helst altíð at fara suður aftur til Havnar, men Dánjal hevði nógv kei­ og dykkaraarbeiði at gera og bað hann Hans Elmar vera formann í arbeiðinum at gera keiina í Sørvági lidna, meðan hann sjálvur dykkaði arðastani. Tískil blivu tey verandi í Vatnsoyrum. Dánjal átti eitt lítið verk­ stað á Vatnsoyrum, sum Elm­ ar keypti í 1970 og byrjaði fyri seg sjálvan. Hann smíð­ aði køkar, hurðar, vindeygu og onkrar trappur. Væl mundi handverkið verða greitt úr hondum, hóast hann ikki hevði lært til hand­ verkara, tí hann hevði nokk at gera. Í 1972 fekk hann tað fyrsta Husmorvindeyga úr Noregi. Hetta var tað rætta vindeygað til røttu tíð til føroyska marknaðin. Tey gingu sum heitt breyð. Send­ ingarnar, sum hann ordraði úr Noregi, gjørdust størri og størri og tann eina sendingin í 1971 var upp á heili 600 vindeygu. Sum føroyingum líkt, so vildu fleiri handils­ menn hava part av pylsuni, og sølan minkaði. Elmar dugdi at síggja, at einasti møguleiki var at fáa einarætt upp á at framleiða vindeyg­ uni í Føroyum. Hetta varð játtað honum av tí, at norski patenthavarin sá, hvussu stóran marknaðarpart Elem­ ar hevði fingið í Føroyum. Hann byrjaði so at fram­ leiða tað so vælkenda H­ vindeygað í 1975. Við tað at hann kundi framleiða vindeyguni fyri ein lægri prís, enn tey kundu flytast inn fyri úr Noregi, gekk ikki long tíð, til konkurent­ arnir fóru at keypa vind­ eyguni frá Hans Elmari. Í 1975 fór hann í gongd við at byggja eina stóra høll til vindeygaframleiðsluna, og hevði hann sostatt tað stórsta snikkaravirkið í land­ inum og framleiddi heili 11.000 vindeygu í 1988. Í 1993 varð Vatnsoyra Snikk­ aravirki heiðrað av A/S Spilka í Noregi, sum átti pat­ entið uppá H­vindeygað, fyri at hava heimsins størsta marknaðarpart. Hans Elmar hevur altíð havt stóran áhuga í bátum. Í 1986 byrjaði hann saman við synunum at framleiða 33’fóts AquaStar glastrevja­ bátar í Sørvági. Hesir vóru sera vælegnaðir til føroysk­ an útróður. Hendan fram­ leiðslan helt uppat í 1989, men HE gavst ikki á hond­ um. Árið eftir byrjaði hann rútaframleiðslu í hesum bygninginum. Henda fram­ leiðslan helt fram í 10 ár. Í 1990 keypti hann eisini Før­ oya Glugga í Miðvági, sum síðani tá hevur framleitt hurð­ ar og H­vindeygu úr PVC. Hann er nokk mest kend­ ur sum vindeygaframleiðari. Ikki einans tí at tað gekk væl í sjeyti­ og áttatiárunum, men eisini tí at virkið hóraði undan kreppuni í nítiárun­ um. Tá ið kreppan var av, dugdi hann at lata dreingir­ nar, sum arbeiddu á virkin­ um, taka yvir. Teir hava síðani rikið virkið fram til í fjør heyst, táið virkið, sum nú eitur HDYGD, varð selt. Hetta var ein stór avgerð, sum Hans Elmar var við uppá. Hann hevur altíð ver­ ið skjótur at tikið avgerðir. Eisini er hann vorðin kend­ ur fyri sínar gomlu bilar, sum hann hevur hugnað sær við seinnu árini. Her er, í stuttum, greitt frá lívsverkinum hjá pápa. Pápi arbeiddi rættuliga nógv og langar dagar. Byrj­ aði áðrenn vit vóru uppi á morgni, og hóast hann fram­ vegis arbeiddi, tá vit fóru í songar, so kunnu vit tó við taksemi minnast aftur á góð og trygg barnaár.Vit høvdu tann framíhjárætt at mamma var heima hjá okkum børn­ um, og feriurnar vórðu nýtt­ ar til at ferðast saman. Vit eru seks systkin, trígg­ ir beiggjar og tríggjar systr­ ar. Abbabørnini eru 20, 10 gentur og 10 dreingir. Dorit, sum er elst, er gift við Simon Marshall. Tey eiga 2 børn og búgva í Englandi. Sofus er giftur við Mariann Steinberg, uppvaksin í Grønlandi. Tey eiga trý børn og búgva í Vatnsoyrum. Dánjal Pauli er giftur við Majbritt Garðalíð úr Vestmanna. Tey eiga fýra børn og búgva í Vatnsoyrum. Heðin er giftur við Marjun Holm­Jacobsen úr Havn. Tey eiga fimm børn og búgva í Vatnsoyrum. Guðr­ un er gift við Stig Elttør úr Klaksvík. Tey eiga trý børn og búgva í Klaksvík. Katrin er gift við Júst Vang úr Havn. Tey eiga trý børn og búgva í Havn. Tað kundi verið mangt at nevnt, sum vit upplivdu saman við pápa okkara, sum børn og fram til dagin í dag. Allar túrarnar runt Føroya land við bátinum, túrarnar í haganum og ikki minst túrarnar í summar­ húsinum í DK. Vit kunnu við takksemi minnast aftur á okkara barnaár og alt tað sum vit gjørdu saman. Mamma og pápi hava givið okkum tað bestu gávuna, sum foreldur kunnu geva børnum sínum. Tey hava lært okkum um tann Harra Jesus, sum tey sjálvi lærdu at kenna á barnaárum. Góði pápi, vit ynskja tær hjartaliga tilukku við 70 ára degnum og takka fyri alt, sum tú hevur verið fyri okk­ um við ynskjum um nógv góð ár framyvir. Kærar heilsur Børnini við familjum Hans Elmar Poulsen 70 ár Hesa vikuna hevur Lista­ gluggin, Niels Finsensgøta 25, eina blandaða framsýn­ ing við í høvuðsheitum eldri listaverkum. Á søluframsýningini eru listaverk eftir Jógvan Waag­ stein, Kruse, S.J. Mykines, Bent Restorff, Elinborg Lützen, Janus Kamban, Jack Kampmann, Ingálv. av Reyni, Eyðun av Reyni, Wiliiam Heinesen, Zachari­ as Heinesen, Tórbjørn Olsen, Kári Svensson, Bárður Jákupsson, Olivur við Neyst, Amariel Norðoy, Hanni Bjartalíð, Frimod Joensen og fleiri ­ umleið 50 listaverk. Listaframsýningin er sera fjølbroytt við nógvum merkisverdum listaverk­ um. T.d. eru fleiri sera góð, bæði minni og størri verk eftir Waagstein, sjálvs­ mynd av S.J. Mykines og Tórbjørn Olsen, andlits­ myndir av Kruse og ein stórur málningur, ein altar­ talva, eftir K.Svensson. Framsýningin er opin alla vikuna og endar leyg­ ardagin. Opið er týsdag – fríggjadag frá 15­17.30 og leygardag frá kl. 11­14. Framsýning við eldri listaverkum Sjálvsmynd av S.J. Mykines Lesið - so eru tit við